للافاده عن القير والافاده للكل انشاءالله

[بو فايز 78]

السلام عليكم

اخواني عندي كابرس 96 ال تي زد ابي ابدل كلجات القير وبطيخة قير

يعني تجفيت ياجماعة الخير ابي لي انسان امين يخاف الله مايسرق قطع

غيار بسياره وانا ابي اجيب له بطيخة قير وكلجات اصليين اخاف ياخذهم

ومايركبهم علموني وين الكراج الامين سواءً بالفحيحيل او الشويخ اهم شي

الشغل النظيف مايهمني البعد لو اخر الكويت وشلون

اتاكد انه مايسرق قطع غيار

وانه بالفعل ركب لي البطيخه والكلجات الله يوفقكم ويجزاكم خير

 

[بو فايز 78]

جزاكم الله خير فيدوني

 

[وافى الوافى]

عندك نور خوش رجال وامين

بكراج الحويله للقيرات فى صناعية الفحاحيل

66525457

وتلفون الكراج

23919161

وعاد علمنا شيصير معاك يالغالــــــــى

 

[بو فايز 78]

يعطيك العافيه اخوي انا ابي اجيب له كلجات وبطيخة قير

شلون اتاكد انه ركبهم لي او لا

 

[BOSHHAB]

فض نفسك يوم وجابله لاتروح الا لما يركبهم جدامك وسلامتك

 

[بو فايز 78]

احتمال يقول ميخلص نفس اليوم

 

[teacher]

كراج الحويلة...

 

[ماشالله]

مرحبا اخوي الحيران بالقير
اقولك شغله وده للوكاله
وخل عنك ياخوك العباله
طالما انك ماتثق في احد
الوكاله عندها العلم الصحيح
بس أرخ النوط شوي ولاتبخل على نفسك
هـــــــــــــــذا رأيي وانت بكيفك
عساك من عواده

 

[(abdullah(z]

وعليكم السلام ورحمة الله وبركاته.
حياك الله اخوي , اقترح عليك تودي الموتر بدري الصبح للحويله وجابل حلالك هذا طبع فيني كل هالناس حتى لو تثق بأحد ممكن تنباق قطعه بلحظه غياب العامل عن السياره , الحويله عندهم استراحه وتبديله القير اتوقع 3 ساعات تقريبا اذا فاضين,, واخذ المصحف واقرا او كتاب واستغل وقتك اما بأجر او بثقافه
الله يوفقك .

 

[اليوفي الثاني]

فض نفسك بعد العيد وتعالهمن الصلح على انه يشتغل بالسيارة تراها يخوك صعبه الشغله وخاصة اذا انت شاري قطع المانية وغاليه

 

[dr_chart]

كراج ss ممتاز ونصوح وانا كل سياراتي عنده الاداره عند ابومشاري .... كويتي بالكراج 24 ساعه ... مجابل حلاله..... ان شاء الله انه ثقه...

الشويخ .. وانت جاي من الرابع..تخلي المطافي على اليسار اول دوار كمل سيدا .. بعد الدوار ب..50 متر على اليسار ..

تلفون ابومشاري ..99559255

 

[corvette99]

السلام عليكم اقول ركبه من السكراب وفك عمرك بساعه انت خالص وسعره مايطوف خمسين دينار مع التركيب وتاخذ كفاله عليه اسبوعين او شهر انا مجرب من قبل وضل عندي سنه وبعته ومافي اي شي ولا دوخه الراس وبعدين القير يبين من اول يوم اذا خربان راح يبين