احتاج رايكم بالفورد

[hamed_zd]

سلام عليكم ورحمته الله وبركاته
اخواني استشيركم بفورد جراند ماركيز موديلات99الي2005
ايهم افضل
وهل فيها عيوب مصنعيه
من جرب الفورد
يعطيني رايه
احتاجه للدوام فقط
وماهي متوسط اسعارهم
وجزاكم الله منا كل خير

 

[الدهليز]

والله اذا تبي تستعمل حق دوام وحق كل شي انصحك اشتر كامري مكيف بارد وماتصرف بنزين وكد ومد اما الفوورد مكيف لك عليه ومرات حار وكله خرابات شوف فرق السعر بي السيارتين تلاقي الكامري اغلى من الفوورد وارغب ... ويدل لك على الخيل اثمانها وشوووف السووووق

 

[جمس عبارتين 454]

اخوي سيارة قوية حيل وتتحمل وللدوام ممتازة وقطع غيارها ممتازة ورخيصة برخص التراب عندنا ماركيز 99 صارلها 8سنوات عندنا

 

[مصعب التميمي]

وعليكم السلام ورحمة الله وبركاته

اخوي الفود سياره عمليه سواء تبيها استعمال شخصي او حق الدوام وانا اخالف اخوي الدهليز الراي عن المكيف والحراره

مكيفها ما شاء الله بارد وحرارتها طبيعيه ما تزيد عن النص سواء في الصيف او في الشتاء

وقطع غيارها متوفره واسعارها بمتناول الجميع والكل يعرف يشتغل فيها

واسعارهم فوق الزينه ...

 

[xokx]

شوف حبيب قلبي
انا عندي فورد 2002

استعمله استعمال جنوني
دق سلف من غير تسخين ومكيف حده طايره فيه
احمل عليه كل شي حتى بر ادخله والله ما اذكر صلحته
الا امور استهلاكيه تبارك الرحمن ​

 

[فارس العنزي]

الناس أذواق

إشتريت ماركيز أل أس موديل 2006 وفكيتها من الوكاله والله العظيم نزلتها الحراج وعدادها ماشي فقط 7000 كيلو ( زعتها وما تحملتها ) وبعتها ماشية 17000 كيلو ومن خلال المنتدى تم بيعها ، وما شريتها إلا بعد ما سألت من جربها من إللي أعرفهم ، والنتيجه ما جازتلي بالمره​

 

[hamed_zd]

الله يجزاكم كل خير اخواني
افدوتني
ولكن هل هناك فروق بالموديلات
الاخ فارس ذكر موديل موترة2006
ولكن انا ابي من 99 الي2005
الاخ دهليز
وانا عفت الكامري
يكفي دفع امامي وصوت القار تسمعه
كانت عندي
موديل2004غراندي
وبعتها وماصدقت اني بايعها
يكفي قطع غيارها نار

 

[سعود العجمى]

بسم الله الرحمن الرحيم
والله الموتر قمة فى الاستخدام من الاخر هالكلام عندى ماركيز 2004 والله ممتاز ولله الحمد اشتر وتوكل على الله

 

[A.M.W]

انا عندي فورد 99 ماركيز ماشي 300 الف اللهم بارك والله اذا خذيته ماراح تتحسف الفورد الماركيز والفكتوريا سيارة تعجبك بس طبعا مو رفاهية يعني عملية بس اخذ موتر مكدة

 

[بدون مجامله]

http://www.indexsignal.com/vb/showthread.php?t=192299

 

[hamed_zd]

مشكورين على ردودكم يااخواني
بس ياليت تفيدوني افضل موديل من السنة

 

[Camaro]

عندي 2005 فكتوريا امريكي ماشي وااايد وصراحه ممتاز استعماله ونااااااعم

 

[العسكري]

السلام عليكم ورحمة الله وبركاته

أخوي تبي الصج أقسم بالله أنها سياره حق كل شي
كد ومد ولا حراره ولا بانزين وماتفشل كشخه
اشتر وعسالله يباركلك انشالله

 

[ابوفيصل2008]

اخوي بقولك كلمتين اخذ فورد وتوكل على الله
عندي فورد استعملة لاعن خيره الخير مخليه حمار مكده ماعمري اشتكيت منه

 

[ساسكو]

الفورد من 98 الي 2002 وبس كد ومد لكن من 2003 الي 2005يعني ومن 2006 الي 2009 خرابات الدنيا والدين وهيئه المنيوم مقوى يعني كل 5000 شيك عليها اصوات وقرقعه ومتكسره يعني اتعب علا من 98 الي 2002 وهذا كلام الوكاله لي

 

[خالد الوافي]

الفورد مايبي له مشاوره اخذ وانت مغمض انا يمكن اكثر شخص استخدم فورد استعملت 98 و99 و2001 و2004 ,, بصراحه سياره ماتخرب نهائيا ولا تعرف الكراجات توكل على الله واشتر راحتك

 

[خالد المـطيري]

بصراحه مكيف خايس موشي نهااااائياااااااااااا خصوصا الظهر لازم اترش نفسك بفوطه وتحطها على راسك يالله اتحس بالبراد ... اتكلم عن الفكتوريا 2008


بس انا استعملت ماركيز موديل 2000 مكيفه معقووول بس ماتقارنه مع الياباني نهائياااااااا

واستعماله حلو ومريح حيييييل

 

[الحريه وطن]

تبي الكد والمد عليك بالكراون فكتوريا خوش موتر

crown vectoria