السلام عليكم ورحمة الله وبركاتة يا جماعة ابيكم تفيدوني فيلا بالعقيلة بهذة المواصفات كم تسوى؟ المساحة 600 متر بطن وظهر ارتداد جيد تقريبا 15 متر ثلاث ادوار وسرداب نظام شقق السرداب : دوانية كبيرة + دوانية +حمام ومغاسل + غرفة سائق + صالة كبيرة و حوش ساقط الارضي : 3 صالات كبار + 3 غرفة +غرفة خادمة +غرفة غسيل +مطبخ +3 حمامات الاول : شقتين كل شقة 4 غرف نوم +2 حمام + مطبخ + صالة الثاني : نفس الاول شقتين وكل شقة نفس المواصفات السطح : غرفة خادمة + غرفة غسيل يا جماعة هذا جارنا وده بالبيع و ماودة يعني يقول اذا جابتلي سعر زين ابيع ومايدري كم سعرها بالسوق يا اخوان اللي عنده خبرة ومعرفة باسعار العقيلة يقيم الفيلا هذة كم تسوى ومشكورين وجزاكم الله الف خير
للافاده وللاستفاده بس ارجوا من الاخوان الذين سوف يقيمون العقار اعطاء حقه بعدم الكسر بسعرها او المبالغه بالسعرها يعني رجل يكون عارف باسعار السوق ويكون التقييم بذمته ليوم الدين
انا قبل كم شهر حصلت فيلا نفسها والارتداد اكبر يعني تقريبا 25-30 متر من جهه و10 بالجهه الاخرى وكان حادة علي ب290 الف وغير بعدين ل300 الف بسبة الدلالين والمواصفات تقريبا مطابقة . عند الدلالين راح تلقاها 320 الف لكن السعر المنطقي من 280-290 الف وللعلم قليل البيع بهالاسعار والله يوفق الجميع
للامانه انا قبل كم يوم عرض على فيلا تقريبا نفس المواصفات مؤجره 2500 د.ك سمتها 250 الف ورفض صاحبها اعتقد سعرها من 250 الى 300 الف طبعا كل تشطيب وله سعره
يالغالي الشوف غير والحجي غير والقلب وما يهوي يعني ممكن الواحد يشتري بيت دور ونص ونفس المنطقه والموقع بس تشطيب عالي وفناتك ويسوه 200 الف . على العموم انت شوف كم سعر متر الاراضي يعني لو افترضنا قيمة الارض 130الف بطن وظهر بالعقيله ارتداد عادي احسب بنيان ديلوكس 100 الف ها يعني سعري معقول بس مثل ماقلت قبل التشطيب يلعب دور
العقيلة الارض 400 شارع واحد مو اقل من 100 و 400 متر راس داخلي 130 وهذي 600 وبطن وظهر اتوقع سعر الارض مابين 180 الى 200 ومثل ما قلت التشطيب له دور كبير بالسعر مشكور يالغالي
