منو فيكم دفع اقساط للتسهيلات عن طريق النت !؟

[xneextx]

السلام عليكم
يعطيكم العافيه .
اخواني منو فيكم دفع الاقساط لشركة التسهيلات عن طريق الانترنت !؟

انا دفعت قسط ولمن دفعت وخلصت والطريقه ناجحه وكل شئ مضبوط , وانصدم ما تغير شئ بقيمة الطلب , والمصيبه لمن جيكت على حساب بنكي الا مخصوم فلوس القسط ::verymad::

فى مشكله ولا ان شاءالله بعد العيد يجيكون الجرد ويقللون قيمة الطلب !؟

 

[bo hazm]

اخوي المفروض على طول ينخصم من قيمه
الطلب لاني على طول ادفع عن طريق النت
شيّك مره ثانيه عليهم

 

[xneextx]

والله جيكت مره ومرتين وثلاث !
مو راضي يتغير شئ , وراتبي انخصم منه .
والمشكله التسهيلات مسكره ما اقدر اكلمهم الا بعد انتهاء الاجازه

 

[xneextx]

كلمت دعم العملاء فى بيت التمويل , ووضحت لهم السالفه .
قالو اعتقد عندهم اجزاه ومتوقف السيستم عندهم . لكن ان شاءالله بعد الاجازه بيخصمون , واذا ما خصمو مافي مشكله حقك ما يضيع . تقدر تطلع كشف حساب ونعطيك رقم المرجع الى دفعت فيه وهو بيخصمون : )

خوفوني التسهيلات والله!

 

[kazamezaa]

اخوي انا بدفع من فترة اقساط التسهيلات اون لاين و ما في خطأ
وطالما حصل خصم من حسابك ما تقلق تاخد كشف حساب من البنك و علي التسهيلات و يصلحون الخطأ

 

[bo hazm]

اخوي ما يروحلك شي لاتحاتي
طلع كشف حساب وراجع التسهيلات
وموفق ان شاء الله خير

 

[xneextx]

بيض الله وجيهكم .
شكرا لكم

 

[taleb777]

اخوي انا نفسك دفعت عن طريق النت امس وانخصم مني بس الطلب نفس ماهو.
اعتقد يمكن عشان العطلة

 

[xneextx]

اها , زين طمنتني
اكيد عشان العطله
مشكووورين

 

[Winchester SX3]

الله بالخير

حبيبي ماكو الا الخير

انت عمليتك مافيها خطأ بالمره

انا اقولك شالسالفه

عند دفع اي مبلغ لأي شركه او تحويل لخارج البنك بيوم عمل للبنك قبل الساعه 10:30 صباحا يتم وصول المبلغ بنفس يوم العمل

وعند اجراء اي عمليه تحويل او دفع فواتير بعد 10:30 صباحا يتتم العمليه بيوم العمل التالي

وعند اجراء العمليه بيوم عطله رسميه للبنك سيتم التحول بأول يوم عمل
بحالتك اتوقع انك ستلاحظ تغير الطلب يوم الاربعاء القادم بعون الله او بأقصى حد الاحد المقبل لو البنك آخرها لظروف ما

مع تحياتي موظف بنك سابق