شنو رايكم؟

[ابوعلي39]

تقبل الله طاعتكم وعيدكم مبارك

شنو رايكم في قسائم شمال غرب صليبخات

من ناحيه الموقع تسوى الواحد ياخذ فيها او لا

عندي تخصيص فيها للامانه متردد

ولكم جزيل الشكر والاحترام

 

[الحريه وطن]

والله الرأي رأيك يابو علي

علي الاقل منطقه مقبوله وقريبه ابرك من سعد العبدالله ومدينه صباح

انا رأيي اخذ وفك نفسك

 

[ابوعلي39]

الله يجزاك كل خير

ومشكور على مرورك

 

[الهامور الكويتي]

تقبل الله طاعتكم اولا

وبالنسبه حق غرب الصليبيخات ياخوي بوعلي انا واحد من الناس الي ادعي ان الله يرزقني فيها لان طلبي 93\12

وهم طالبين حتى تاريخ 93\6

توكل على الله ولاتردد

خوش منطقه

واذا احد من الاخوان عنده راي او سامع شي خل يفيدنا جزاه الله خير

 

[ابوعلي39]

منى ومنك صالح الاعمال

والله يرزقك البيت المبارك يارب وكل مسلم

المشكله الواحد يخايف ياخذ وبعدين تطلع مناطق افضل منها مثل ما صار من مدينه على صباح السالم ام الهيمان وطلعت بعدها المنقف وفهد الاحمد!!!!!

واشكرك اخوى على مرورك الطيب

 

[محمد ابو عزيز]

عيدكم مبارك بالنسبه لشمال غرب الصليبخات انا اطلقت عليها اسم /اخر مدن الهيبه/ لانها 1 /تتبع محافظة العاصمه 2 /تتبع الدائرة الثانيه الانتخابيه الهوامير 3 / على البحر مباشره 4 / قريبه من الخدمات وخاصه منطقة الصباح الصحيه الولاده الرازي وغيرها خمس دقايق الله يكفيكم الشر 5/امتداد شارع جمال عبدالناصر 6 / عند البناء سترتفع اسعارها

 

[ابوعلي39]

علينا وعليك يتبارك اخوى ابو عزيز واشكرك على المعلومات القيمه ولاكن عيني على غرب هديه خوفك ندخل القرعه وبعدين يعلنون عن غرب هديه والتصريحات دوختنى

الله يكتب اللى فيه الخير

 

[ابوعلي39]

يسعد مساكم شباب بعد الاخبار عن غرب هديه انتظر افظل ولا كلام في كلام التصريحات اللى نسمعها؟؟

 

[أبوعلي1]

الله يسعدك يابو علي 39

وانت بخير وكل الموجودين ان شاء الله


بنصحك والراي رايكْ وانا اخوك


والله لو انا مكانك اخذ بالمنطقة وارتاح ياخي وبكل صراحه هالديرة كل يوم قرار وماينعرف لها يعني باجر

يطلع لك شيء ماتتوقعه تقول ياريت خذيت ... وبعدين وجهة نظري وانا عند الله صاج المنطقة مافيها شيء وانا والله ثم والله طلبي 98 شهر 8 والله لو تطلع لي ولا اتردد اخذها على طول ...


اما عن غرب هدية والله ماعندي اي معلومه عنهااا واتمني من لديهم معلومات يفيدووونكْ


اسال الله لك التوفيق

 

[Mozar3]

منطقةصباح الاحمد وام الهيمان تعاني من روائح وسموم المصانع طوال اليوم

واما غرب الصليبيخات فهي منطقة قريبة من العاصمة السنتر

ويعتمد على مكان سكنك يااخ ابوعلي

اذا كنت من سكان محافظة الاحمدي فانصحك السؤال الجدي عن غرب هدية

وان كنت من سكان المناطق الداخلية فخذ غرب الصليبيخات افضل شي

والله يوفقنا وياك لكل خير

 

[محمد ابو عزيز]

المنقف فقط 97858080

ابو علي انا من سكان المنطقه العاشره واخواني طلعوا بالمنقف وانا طلبي 93/6 وناوي اخذ في شمال غرب الصليبخات ما فيه اذني ماي لمستقبل اعيالي الجامعات والمستشفيات والخدمات مكتمله الا اذا لقيت بالمنقف فقط وانت عارف غرب هديه يبيلها اقل شي 10 سنوات

 

[ابوعلي39]

مشكورين للاخوه الافاضل على مرورهم صحيح كلامكم الديره كل يوم لها قرار والله يكتب اللى فيه الخير والصالح للجميع يارب
واكرر شكري لكم جميعا