استفسار بسيط للاخوان والخوات المحامين..

الموضوع في 'قسم الإستشارات القانونيه' بواسطة GMC1, بتاريخ ‏21 سبتمبر 2009.

  1. GMC1

    GMC1 عضو جديد

    التسجيل:
    ‏9 يناير 2009
    المشاركات:
    83
    عدد الإعجابات:
    0
    السلام عليكم جميعا
    عيدكم مبارك وعساكم من عوادة ان شاءالله
    ندخل في الموضوع
    عندي عمارة استثمارية على وشك التشطيب النهائي ... فقلت ابي اتعامل مع مكتب محامي مقطوعية بالسنة بان اهوا اللي يسوي العقود للمأجرين وفي حالة لم يدفع المؤجر أو مسوي مشاكل مع الجيران أو مؤجر بالباطن لي عزابية او او او ...الخ عارفين هل أمور طبعا بمعنى اهوا اللي راح اكون المسؤول القانوني في حالة وجود اي مشكلة لا قدر الله المهم علشان ماطول عليكم
    دقيت على مكتب محامي او قلتلة الموضوع فقالي حاضر راح اخذ منك مبلغ 1500 دينار بالسنة لحد هل نقطة انا فاهم لكن اللي مو فاهمه انه اقول اذا صارت اي مشكلة في المؤجرين مثل النقاط اللي ذكرتها فوق فراح اسعرلي كل قضية لحالهة :confused:
    قلتلة طيب والمبلغ ال 1500 دينار في السنة هذي مالت شنو؟!؟! ::verymad::
    قالي هذي يامحفوظ السلامة مالت الاستشارات القانونية الشفهية :eek:
    فرديت عليه وقلتلة مشكور ومع السلامة
    وان شاءالله ورا العيد راح ادق على مكاتب ثانية علشان اعرف هل هذا النمط ماشي مع كل المكاتب نورونا يا اهل الاختصاص.
    وشكرا
     
  2. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    مستغني عن ال 1500 من صجك
    رأيي لاتبي مكتب محامي ولا شي عقود الايجار ولا اسهل ومنزلينها بالقسم والمحامي ماراح يصيغلك احسن من الموجود اذا ماكان اردى بعد
    واغلب مكاتب السمسرة عندهم نماذج عقود يعني طب وتخير بالمجان وعلى الاستشارات ياما ياما كتبنا فيها بالقسم القانوني بانواع الاشكاليات
    وان صارت مشكلة بينك وبين مستأجر حزتها وكل محامي والمكاتب على أفا من يشيل وقضايا الايجارات ولا أسهل
    يعني ضم فليساتك وحطها وديعة او تصدق فيها او سو لك مشروع خيري يفيدك باخرتك احسنلك وبالاخير الراي رايك
     
  3. GMC1

    GMC1 عضو جديد

    التسجيل:
    ‏9 يناير 2009
    المشاركات:
    83
    عدد الإعجابات:
    0
    ـــــــــــــــــــــــــــــــــــــــــــــــــــــــ
    اولا مشكورة على الرد السريع فيونا وهذا مو غريب عليج انج اتنورين اخوانج يزاج الله الف خير
    كلامج جدا سليم فيونا أنا ماكنت ناوي اسوي هل شئ من البداية ولكن واحد من الاصدقاء له خبرة كبيرة في هذا المجال في العماير الاستثمارية او هذي شغلتة اهوا اللي قالي وكل محامي مقطوعية بالسنة وريح بالك
    والله انتي من صجج اني انا ودي ادفع فلوس بالسنة كافي الخساير اللي بالبورصة ويا مصاريف العمارة ::verymad::::verymad::
    انا قلت هل كلام لاني كثير السفر فعلشان جذي اعتقد انه صاحبي نصحني اني اوكل محامي ومشكورة اختي فيونا او ماقصرتي
     
  4. Abdulla990

    Abdulla990 عضو جديد

    التسجيل:
    ‏10 نوفمبر 2007
    المشاركات:
    447
    عدد الإعجابات:
    0
    انا مو خبير بهالسوالف بس اكو شخص اعرفه عنده عمارة و كان مبتلش مع المستأجرين و مشاكلهم و بعد كم سنة من المشاكل سلمها بيت التمويل ادارة املاك الغير حسب ما سمعت
    و انا اقترح عليك تجربهم او تسلمها لمكتب متخصص احسن دامك كثير السفر
     
  5. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,456
    عدد الإعجابات:
    5
    مكان الإقامة:
    الكويت
    أخي الكريم ..

    بصراحة اهنيك على فكرة الاستعانة بمحام لانه قرار سليم .. وفيه حفظ لمالك .. وراحة لبالك
    ( واترك عنك فيونه .. ما نحب المحامين ودها يشتغلون بلاش .. وكله مستكثره عليهم الاتعاب .. واذا فتحت مستقبلا مكتب .. راح تعرف ان المحامي وراه مصاريف مو بس ايرادات وراح تطلب اكثر منهم :) )

    لازم تعرف شنو الوضع السليم لحالتك ..

    انت في الواقع تطلب .. ادارة عقار .. واعمال قانونية

    الاتفاق عادة يكون كالاتي :
    * مبلغ شهري (او سنوي) عن ادارة العقار .. من تحرير عقود .. وصيانه .. ومشاكل مستأجرين
    * مبلغ متفق عليه على كل قضية ترفع للاخلاءات (عدم سداد اجرة او مخالفة شروط عقد وغيره)

    ادارة العقار بالف وخمسمائة دينار ليست كثيره (125 د.ك شهريا ) لان الادارة عادة في الشركات المتخصصة تصل الى 5% من الايجار الشهري (بدون اتعاب المحامي للقضايا)

    وفعلا عملية الادارة متعبه وفيها مشاكل في العمارات .. لانك تواجه 40 مستأجر او اكثر ... وساعات فيها مخافر وشكاوى بينك وبين المستأجرين .. والادهى بينهم وبين بعض ..
    ( طبعا اتكلم عن اللي بيرتاح وياخذها صافي براحة بال) ..

    ** تيقى مسألة واحدة ...

    دير بالك .. شوفلك محامي معرفة مبالشرة او عن طريق الاقارب او الاصدقاء ..
    لان الامانة مطلوبة تمامااااااا ... خاصة في مصاريف البناية للصيانة وعقود تكييف ومصاعد .. الخ

    يعني تكون ايده بيضاء :)

    يالتوفيق