المشرف توهق يا رجاله

الموضوع في 'قسم الإستشارات القانونيه' بواسطة Navigator, بتاريخ ‏23 سبتمبر 2009.

  1. Navigator

    Navigator مشرف مشرف

    التسجيل:
    ‏14 نوفمبر 2007
    المشاركات:
    28,833
    عدد الإعجابات:
    7,564
    مكان الإقامة:
    الكويت
    السلام عليكم ورحمة الله وبركاته

    ليلة العيد رحت اسحب من احد البنوك ( اللي كان بيفلس ) :p

    خدمة السيارات ودخلت البطاقه ودخلت المبلغ المطلوب سحبه بعد ثواني

    طلعت البطاقه بس تعلقت بالمجرى الاخضر اللي بالمكينه ( السيفتي )

    نطرت المبلغ ما طلع ( ما انخصم من الرصيد ) حاولت اسحب البطاقه ما

    قدرت لضيق الفتحه شوي والا المكينه ساحبه البطاقه وطلعت لي ورقه

    مكتوب فيها راجع مدير البنك .

    البيت بعيد وانا بالجهراء ووراي مشوار للعبدلي :mad:

    طلعت من الجهراء وبعدين وسوست قلت المبلغ لا يكون طلع من بعد ما مشيت

    رديت للبنك مره ثانية وطليت بالفتحه والا اشوف بطاقتي متعلقه :)

    بس ماكو مجال اسحبها حست بالساحه اللي صوب البنك والا احصل سيم

    علاق :eek:

    قصيته قطعتين ( يا قوي ):p

    ودخلتهم بمجرى البطاقات وشوي شوي والا تطلع البطاقه :D

    بس طلعت للبنك الوطني وباسم حرمه والحمدلله كلمت موظف واتصل عليها

    وعطاها رقمي واستلمت بطاقتها ( أخخخ لو طالب منها 20 شغل ايدي ) :D

    المهم الحين الخلل مبين انه من مكينة البنك وانا توهقت ما قدرت اسحب

    لأن المكينه العطلانه سحبت البطاقه والبنوك في عطله وكنت بشتري غراض

    للعيد وما قدرت اشتري :confused:

    كلمت بيت التمويل وبلغوني ان مالهم علاقه بالموضوع ( الحساب يخصهم )

    وطريقتي الوحيده اراجع بنك الخليح اول يوم دوام بعد العطله بدري عشان لا

    يتلفون البطاقه لأن الاجراء المتبع في البنوك اتلاف اي بطاقه لا تخصهم :mad:

    اتصلت على بنك الخليج وقالوا لي المكينه راح تتلف البطاقه تلقائيا وما راح

    يسلمونك البطاقه ::verymad::

    ادري طولت عليكم لكن تحملوني شوية :(

    واحد قالي ان البنك لو يشوفون التسجيل وانت تسحب البطاقه راح يتهمونك

    في اتلاف ممتلكات خاصه ومن هالامور وراح تدش بسين وجيم

    وانا تضررت من مكينة البنك العطلانه واللي ما نبهوا الناس عليها

    وهم تضررت نفسيا لمن الحكومه دعمت البنك وهدوا اللي لعبوا فيه وما حاكموهم ::verymad:::mad:::verymad::

    الحساب باسم زوجتي ( قوي بطاقتها عندي :p:D:p)

    نبي الراي يا اهل الراي

    هل اطنش السالفه واطلع بطاقه بدل فاقد ولا كأنه صار شي :(

    او فيه خوف ان البنك يلاحقني قضائيا ( شفيه مادوف :p )

    وشكرا لكم جميعا
     
  2. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,456
    عدد الإعجابات:
    5
    مكان الإقامة:
    الكويت
    ههههههه
    ههههههه

    والله مت من الضحك يا بو سليمان .. اتصور شلون الموقف وان تدور السيم .. وتطلع البطاقه ..

    عاد تصدق توه قبل اسبوعين عندي قضية واحد باكستاني مسكين صايدينه في قضية سرقة بطاقة سحب ..
    هو ماله شغل بس اللي بايق البطاقة نفس اسمه بالضبط .. وصادوه بالتفتيش ..
    المهم طلعته ..

    بس لما صورنا الملف(لان ما يطلعه الا القاضي) .. كان السارق يسحب من عدة بنوك .. وما يدري انه كاميرا تصوره !!!
    ( طلع بالاخير صديق ولد راعي البطاقة .. وطبعا انصدموا .. بايق 18 الف دينار لما كانوا مسافرين .. وانحاش الى باكستان) ..

    عاد اتصور شلون انهم يشوفونك في الكاميرا .. وانت لاعن ابو خامس المكينه(عسى بس ما رفستها :) ) ..

    حبيبي .. انسى الموضوع .. ولو سألوك .. قولهم بالعكس .. انا عبالي انها بطاقتي .. وخفت احد يطلعها بالسيم .. ويستعملها .. وما عندي طريقة غير هالطريقة ..
    وانسى مطالبتهم .. ما في اي مسئولية .. ويمكن يقولولك احمد ربك حاطيلكم مكاين :)

    ..... وسلامتك

    واذا صادوك .. طرشلي .. ومن الحين ادفع الاتعاب 7000 د.ك مو بعدين تقول انا صاحبكم .. وهالكلام :) :)
     
  3. Navigator

    Navigator مشرف مشرف

    التسجيل:
    ‏14 نوفمبر 2007
    المشاركات:
    28,833
    عدد الإعجابات:
    7,564
    مكان الإقامة:
    الكويت
    ههههههههههههههههههههههههههههه

    مشكور بو نواف

    شرايك نخلي الاتعاب بطريقة ثانية

    ارفع لك جلوبل لسعر 300 بشهر 2 !!!!
     
  4. بو بـدر

    بو بـدر عضو جديد

    التسجيل:
    ‏7 أغسطس 2009
    المشاركات:
    463
    عدد الإعجابات:
    0
    مكان الإقامة:
    الكويت
    ماعتقد ان التصوير راح يمر بسلام .... :)

    دق على خدمة العملاء للبنك نفسة وكلم الموظف او المشرف وقولة السالفة كاملة بتفاصيلها في هل حال راح تثبت من خلال التسجيل للمكالمة انك بلغت بالحادثة وفي حال رفعو قضية او طالبو بشي يكون عندك شي تستند عليه ....

    والله يستر عليك وهذا لا قالو جاب العيد عيدين :)
     
  5. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    ماكان داعي لهل حركه انك تستعمل اسلوب سيم و سيخ :)
    المهم انسى الموضوع لكن نصيحتي احفظ تاريخ ووقت محادثتك مع موظف البنك وانت تقوله القصه عشان بكره صار ما صار تسجيل كلامك تقدر تطلعه وراح يبرأك من كل شي ومن ناحيه الكاميرا والقصه ان المكينه ماتضررت الافضل لك تعلن عن الي سويته لكن ان كان ضرر بالماكينه السكوت افضل
     
  6. Navigator

    Navigator مشرف مشرف

    التسجيل:
    ‏14 نوفمبر 2007
    المشاركات:
    28,833
    عدد الإعجابات:
    7,564
    مكان الإقامة:
    الكويت
    مشكور بو بدر

    شربت مروقها الحين
     
  7. Navigator

    Navigator مشرف مشرف

    التسجيل:
    ‏14 نوفمبر 2007
    المشاركات:
    28,833
    عدد الإعجابات:
    7,564
    مكان الإقامة:
    الكويت
    مشكور يالغالي

    والمكينه ما تضررت والعملية ما طولت اكثر من دقيقه ( خبره ) :d

    بارك الله فيكم ومشكورين






    ويزهب كفيل :(
     
  8. الحريه وطن

    الحريه وطن عضو نشط

    التسجيل:
    ‏31 يوليو 2008
    المشاركات:
    2,022
    عدد الإعجابات:
    3
    هههههههههههههههههههههههههه
    هاهاهاهاهاهاهاها:d
     
  9. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,456
    عدد الإعجابات:
    5
    مكان الإقامة:
    الكويت

    لا اخوي .. سلمني الاتعاب الحين .. وانا اشتري فيهم جلوبل .. واذا ما صارت قضية اسلمك بعد 6 اشهر (راس المال طبعا مو الاسهم .. والنزول عليك والصعود لي ) ... عشان مرة ثانية ما تتحرش بمكاين البنوك ..
    عسى باجر ما نشوف صورتك في الجرايد

    " مواطن كويتي يحاول سرقة جهاز صرف الي ... وجاري التعرف على شخصيته "


    :)
     
  10. Navigator

    Navigator مشرف مشرف

    التسجيل:
    ‏14 نوفمبر 2007
    المشاركات:
    28,833
    عدد الإعجابات:
    7,564
    مكان الإقامة:
    الكويت
    ههههههههههههههههههههههههههههههههههههههههه

    اسمع القصه الثانية :D

    اليوم الصبح رحت للبنك وصبحتهم الساعه 8.30

    تصدق ما شفت الباب قعدت احوس على البنك :p

    المهم دشيت عليهم وقالوا اصبر نص ساعه صبرنا شوي والا يوصل مساعد

    المدير :eek: :eek: :eek:

    كاشخ والغترة هدد وريحة البخور مغطية المكان وبطل المكينه وطلع اكثر من

    50 بطاقه :eek: دش واحد قبلي واستلم بطاقته غير هالتلفونات اللي كل شوي داش موظف يسأل عن بطاقة فلان وفلان

    المهم دشيت له وسلمت والا يعطيني هزة راس يا بو نواف

    طلع هندي كويتي نفس اللي فلسهم بس من الصوب الثاني :D

    شاف البطاقه للتمويل وطق بريك مو راضي يسلمني البطاقه ودش موظف

    عجمي الله يبيض وجهه وكلمه قاله هالرجال داق درب من الصباحية للجهراء

    واقتنع لمن شيك على الاسم والا اسم نسائي وتردد مره ثانية وتدري فيني

    ما ادل بالجهراء والا هذا نص دينار جباتي يسلك اموره :p (بس دي تعتبر رشوه) طيب :D

    والا احط التوكيل العام بعينه وموجود فيه فقرة حق التعاقد مع النفس واصدار البطاقات وبدل فاقد وغيره ( شرايك فيني مو قوي ) :eek:

    المهم حاول فيه الموظف العجمي وغصب وافق :mad:

    بس قالي شيء ووصاني ما ابلغ احد

    وانا بمسك وصيته بس ببلغكم يا ربعي واوصيكم تعلمون ربعكم وهم يعلمون ربعهم بس لحد يدري باللي وصاني فيه :D

    يعني انتهت السالفه على خير

    ومشكورين على سعة صدركم

    والاستفسار الجاي احتمال اكون مطقوق :eek: :D وابي حقي بس من غير مخافر فشله :p
     
  11. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,456
    عدد الإعجابات:
    5
    مكان الإقامة:
    الكويت
    لحظة بو سليمان .... شنو وصاك؟؟

    وترا للحين مو مطوفيلك مالت السيم ... بس بعدهم مو محمضين الصور :)

    حلوة الوكالة العامة مع التعاقد مع النفس ... لو تدري المرة باللي صار كانت الغت الوكالة

    ههههههههه
     
  12. qanon

    qanon عضو جديد

    التسجيل:
    ‏16 ابريل 2009
    المشاركات:
    512
    عدد الإعجابات:
    0
    يلا حصل خير وكل عام والجميع بخير
     
  13. بور-صا

    بور-صا عضو نشط

    التسجيل:
    ‏8 يونيو 2007
    المشاركات:
    4,112
    عدد الإعجابات:
    0
    مكان الإقامة:
    حَيْثٌ يَآِمُرُنِيْ آٍلْشُوُقْ



    هههههههههههههههههههههههههههههههههههههههههههه

    اضحك الله سنـك ...

    مـغامراتك أكشــن ..ولا في الخـيال..:rolleyes:

    حمد لله على السلامة

    تقبل مروري


     
  14. الـمـحـامـي

    الـمـحـامـي مستشار قانوني

    التسجيل:
    ‏10 مارس 2009
    المشاركات:
    290
    عدد الإعجابات:
    1
    على موضوع السيم

    الله يستر ...

    اذا طاف الشهر عليك ولم يتصل عليك احد ... اقول انك سلمت (( فيها عشاء لاعضاء المنتدى ))

    ولكن اتوقع الاتصال عليك قريبأ ... ويبيلك محامي ... (( ماراح تخسر العشاء ))

    يعني من الناحيتين خسران
     
  15. zinger

    zinger عضو نشط

    التسجيل:
    ‏22 يونيو 2009
    المشاركات:
    2,277
    عدد الإعجابات:
    0
    جنه الموضوع مكرر
    انا مشارك بنفسه من فترة بسيطه
    ماأدري لاغييين مشاركتي
    والله اعلم
     
  16. Navigator

    Navigator مشرف مشرف

    التسجيل:
    ‏14 نوفمبر 2007
    المشاركات:
    28,833
    عدد الإعجابات:
    7,564
    مكان الإقامة:
    الكويت
    يستاهلون الاعضاء

    شبه مكرر يالغالي

    لكن ردك بموضوع بالاستراحه مو بالقسم هذا
     
  17. الاولى

    الاولى موقوف

    التسجيل:
    ‏2 مايو 2009
    المشاركات:
    698
    عدد الإعجابات:
    0
    مكان الإقامة:
    المطلاع
    يابو سليمان

    سالفتك تهون

    شرايك بالى كل شهر 3 وشهر 7

    تجيه 700دينار بالرصيد

    ومرات400دينار

    والله ساكت

    مادرى منين

    يمكن يراضونى

    خوش بنك
     
  18. Navigator

    Navigator مشرف مشرف

    التسجيل:
    ‏14 نوفمبر 2007
    المشاركات:
    28,833
    عدد الإعجابات:
    7,564
    مكان الإقامة:
    الكويت
    تروح وياي للمغرب :eek: :D