للبيع ارضين متجاورتين 400 + 400 ابوفطيرة شارع الغوص

[العجمي]

السلام عليكم

للبيع ارضين متجاورتين في ابو فطيرة
مساحة الارض 400 لكل قطعة
على شارع الغوص مباشرة
للامانة ما اذكر الارتداد بالضبط (شاريها من فترة) لكن المسافة بينها وبين الشارع اكثر من 100 متر

السوم هنا في المنتدى فقط .. اذا عجبني سعرك بنتواصل انشالله .. وبعطيك ارقام القسائم تشوفها على الطبيعة لو حبيت ..

للتوضيح مع الاحترام للجميع .. ليس هناك سبب قاهر لبيعها حاليا ولله الحمد والفضل والمنه .. اذا جابت سعر طيب فالحصول على السيولة واستغلال فرص اخرى بيكون افضل .. واذا ما جابت خلها تقعد ما ورانا شي
لذلك اللي بيسوم ياريت يكون جاد وفلوسه جاهزة وعرضه متوافق مع الاسعار الحالية بالسوق ..

شكرا لكم

 

[eng-fhd]

السلام عليكم
اخي الكريم احنا مكتب عقاري اذا لك خاطر نعرضها عندنا فحياك الله
والعمولة تكون على الشاري طبعا انت ماعليك شي


ابو محمد
66865338​

​

 

[خسران جداً]

ابي ارض وحده منهم..بأسعار السوق ما اقدر صراحه...اذا انت بياع وتبي سيوله انا شراي دزلي رساله خاصه واقولك حدي جم

 

[ابوسعود555]

موقع

ياليت توضح لنا شنو مواقع

الاراضى شارع واحد

او بطن وظهر

او راس وشكراا

 

[foz]

انا شرايه 90 الف وكاش

 

[أبو فهد عبدالله]

مطلوب أخي الكريم توضيح مواصفات الارض كما ذكر أخونا أبوسعود

 

[سهم استراتيجى]

يااخوان الاخ يقولكم على شارع الغوص مباشرة وارتداد كبير حول 100متر وتسألون

((( ياليت توضح لنا شنو مواقع الاراضى شارع واحد او بطن وظهر او راس وشكراا )))
واضح جدا انهم بطن وظهر وعلى الشارع العام !!!! بالتوفيق ياراعيهم

 

[العجمي]

مثل ما قال اخوي سهم استراتيجي .. بطن وظهر .. على شارع الغوص مباشرة .. شكرا لك على التوضيح

eng-fahd
مشكور ياغالي بس ماودي اعرضهم في مكتب .. اذا عندك شراي جاهز نشوف سومته ..

خسران جدا
سبق و وضحت في الموضوع انه مافيه سبب للبيع .. اذا جابت سعر كان بها .. ماجاب نخليها .. عموما حط سومتك في الموضوع وانشالله خير ..

Foz
بعيد حييل .. شارع واحد داخلي ومواقع تعبانه قاعده تنعرض على 130 وفوق للقطعة .. وانتي تبين الثنتين ب 90 ؟

انا متفهم ان المنتدى مفتوح للكل وكل واحد يعرض السعر اللي يناسبه .. وهذا حقه .. بس في نفس الوقت اتمنى السوم يكون بواقعية ..

شكرا للجميع ..

 

[أبو فهد عبدالله]

يااخوان الاخ يقولكم على شارع الغوص مباشرة وارتداد كبير حول 100متر وتسألون

((( ياليت توضح لنا شنو مواقع الاراضى شارع واحد او بطن وظهر او راس وشكراا )))
واضح جدا انهم بطن وظهر وعلى الشارع العام !!!! بالتوفيق ياراعيهم

شاكرين لك

لكن يا خوي إن كنت عارف للمنطقة فغيرك لأ

والسؤال عادي و هذا كل الأمر

والله يوفق راعي الاراضي بالرزق الطيب

 

[العجمي]

ابوفهد

الاخ قصده انها اذا كانت على شارع الغوص فاكيد انها بطن وظهر
الله يجزاك خير .. مثل ما قلت بطن وظهر على شارع الغوص و وحده راس

شكرا لك

 

[أبو فهد عبدالله]

ابوفهد

الاخ قصده انها اذا كانت على شارع الغوص فاكيد انها بطن وظهر
الله يجزاك خير .. مثل ما قلت بطن وظهر على شارع الغوص و وحده راس

شكرا لك

حياك الله يا العجمي

شفت يا خوي سهم إن السؤال نفع

هذي معلومة طلعت لنا إن وحده منهم راس

 

[ودي اربح]

موفق خير يا راعيهم

 

[العجمي]

الله يجزاك خير

 

[عذبي 71]

اي قطعه يا اخي الكريم العجمي

 

[بوسعد2000]

نفتح الباب220الف

 

[العجمي]

سومة طيبة لكن سعرك بعيد ..

شكرا لك

 

[العجمي]

قطعه 2

 

[المنظور الشامل]

شلونك يالغالي

الله يبارك وتلاقي السعر الطيب ........... وأذا كنت من ملاك اراضي شرق القرين حياك الله بصفحتنا ( بو فطيره ) http://www.indexsignal.com/vb/showthread.php?t=167772 والرجاء اعتبارها بمثابة دعوه عامة

 

[العجمي]

شكرا على ردك وانشالله نتواصل معاكم يالغالي