طالب إفــادتكم بالـ bmw الفئة السابعة

[nokia*nokia]

الله بالخير يا أخوان

بغيت أستشيركم في سيارة BMW730LI موديل 2004

والموتر طبعا وكالة الغانم

ياأخوان : في أحد منكم استعمل هالموتر ؟؟ وشنو تنصحوني فيه ؟؟

أنا شخص ماعمري جربت سيارة BMW نهائيا والألماني ماستعملت غير المرسيدس

فشنو تنصحوني فيه من ناحية الإستعمال اليومي الخفيف ؟؟

وقطع غياره وتصليحاته ؟؟ وهل توجد فيه مشاكل ؟؟

مع العلم الموتر مافيه اي حوادث سابقه والمكينه 6 سلندر

منتظر رايكم يا أخوان لأني معزم عليه إن شاء الله

وبالتوفيق للجميع بإذن الله​

 

[ابو سالم1]

انا جربت موديل 2002 حجم 45li
موتر جداا ممتاز بس حساس جداااا قطع غيار نار اى خراب فية مايقل عن 150 دينار وانت صاعد

الافضل هو حجم 45li

عسا الله يوفقك
بالنسبة للاستعمال سيارة ماودك تنزل منها سياقة قمة بالفخامة

الله يوفقك ان شاء الله

بس نصيحتى دور حجم 45 8 سلندر

 

[nokia*nokia]

هلا بأخوي بوسالم

عزيزي انا رغبت هالموتر لأنه 6 سلندر وبعتقادي أنه اقل خرابات وقطع أرخص

فما أدري إذا انا غلطان أو لا ؟؟؟

عالعموم جزاك الله خير عالنصيحه والتجاوب والف تحيه لك يابوسالم

وموفق بإذن الله

 

[heart]

اخوي توكل على الله البي ام بالنسبه لي احسن بواجد من المرسيدس موتر صح والله انا مجرب البي ام من موديل ال95 لغايه حاليا 2006 تبارك الرحمن صج قطع غاليه بس شي يستاهل لاتصلح عند اي احد اذا ميزانيتك معقوله واستعمال حشمه اخذ وتوكل على الله

 

[ابو بندر2000]

اخي البي ام افضل من المرسيدس بكثير انا استعملتهم اثنينهم بس الفرق واضح بينهم
صج القطع الغيار غاليه ونار بس صعب تخرب البي ام الا خراب مباشر يعني لاسمح الله دعمه او شي مباشر لاكن صعب يخرب فيها شي خصوصا من 2003 وانت طالع وخرابها ياطرنبه البانزين او سفايف وتصفيه كل 6 اشهر هذي خرابات البي ام وصعبه ونصيحتي لك دور 745 او 740 لان المكينه اكبر والصرفيه مالت البانزين نفس الشي وسياره متكامله عسي الله يهنيك