أحــ ــ ــ ــب غـ ــ ــ ــيرك( قــ ــ ــ صـ ــ ــة )

الموضوع في 'إستراحة المنتدى' بواسطة MOHAMMED11, بتاريخ ‏27 سبتمبر 2009.

  1. MOHAMMED11

    MOHAMMED11 عضو جديد

    التسجيل:
    ‏24 يوليو 2006
    المشاركات:
    3,046
    عدد الإعجابات:
    1
    مكان الإقامة:
    قلب امــــي
    من ايميلي وان شاء الله تعجبكم

    انقلها كما وصلت ...









    القصه ان في اسرة ناويه تزوج ولدها من بنت حلال.. وتكون البنت على سنع .. هذي الاسرة من الاسر المحافظه .. وقالو للولد يعني انت في بالك بنت معينه ..الولد قال انا مابي الا اللي امي تتنقاها لي .. ولما راحت الام اتدور حق ولدها البنت الي ان شاء الله تكون هي اللي تستقر معاه مثل عاداتهم وتقاليدهم (البدو) لقت الام بنت رفيج زوجها.. وقالت حق زوجها شرايك تزوج ولدنا بنت رفيجك فلان.. والله خوش بنت.. كلم رفيجك واخطبها له .. قال : رفيجي فلان والله والنعم فيه والكل يتمنى انه يناسبه خلاص بكره اروح انا ويا ولدي انكلم الرجال ونخطب بنته.



    وصار بكره



    العصر طلع الولد ويا ابوه حق بيت الرجال << ابو البنت >> واخطبو البنت .. وقال ابو البنت تستاهلون كل خير يا بو فلان ووافق ابو البنت وقال خلوني اشاور بنتي بالاول.. وراح يكلم البنت قالت البنت خلوني افكر ؟؟؟؟



    والبنت مو قصدها تفكر.. البنت على قولة هالشباب مرتبطه .. يعني بالمعنى الصحيح تحب من غير رضى اهلها .. فراحت البنت وكلمت حبيبها الي مرتبطه فيه



    قالت :: فلان ترا جاني ولد رفيج ابوي ويبي يخطبني شسوي ..



    قال:: احم احم



    قالت :: شفيك.. الولد بخطبني تعال



    قال :: وين اجي



    قالت :: تعال البيت اخطبني قبل اروح مع الولد



    قال :: ترا صوتك صوتك يقطع !!!!



    قالت :: فلان فلاااااااااااااااااااااااااااااااااااااان اف.



    جك طوط طوط طوط طوط طوط



    قالت :: سكره ال(****) ..



    على فكرة كلمة (****) كلمه حلوة عند الي يحبون قصدي << المرتبطين >>



    فراحة البنت تفكر شتسوي شتسوي.. ولما جاها ابوها قال: يا بنتي هذا ولد راعي صلاة وراعي دين .. ابوه رفيجي من 25 سنه.. ماشفت منه اي شي شين .. تزوجي ولده يابوج والله يسرج ان شاء الله.. حتى لو تشوفين منه اي شي اكلم ابوه عنه.. هذا ابوه غالي والله غالي.. قالت: ياوبي انا موافقه عليه علشانك وهي في بالها رفيجها الي سكر التلفون بوجها.



    وكتبوا الكتاب على البنت.. ويا الولد وتزوجوا



    وفي يوم الدخله.. قعد الزوج مع البنت يسولفون مع بعض مثل مايصير مع اي زوجين جدد.. وكل واحد يقول للثاني اهم شي له.. بس الغريب ان الزوج لاحظ ان الزوجه مو وياه بالسالفه..



    قال :: يافلانه شفيك ؟؟؟



    قالت :: اليوم انا تعبانه



    قال :: ان شاء الله ما تشوفين شر يالغاليه



    وما ادراك ما معنى كلمة غاليه من قلب والله نظيف



    وفي اليوم الثاني نفس الشي يجي يسولف.. البنت تتهرب.. وباليوم الثالث.. يجي يسولف..البنت تتهرب.. وفي اليوم الرابع.. يجي يسولف.. تتهرب .. الصراحه طفح الكيل بالولد ..وراح للبنت



    قال :: يابنت الحلال.. انت فيك شي



    قالت :: اف شفيك انت



    شقالت قالت اف.. هذي العن كلمة تقال للزوج في اول ايامه يارب تبعدني انا ويا كل ولد تظيف عن هالكلمه يارب العالمين



    قال:: شتقولين



    قالت :: شفيك انت اذيتني شتبي



    قال :: واهو متعجب انا شبي انا زوجك على سنة الله ورسوله صلى الله عليه يابنت الحلال



    قالت :: تدري انا ماحبك انا احبك غيرك!!!!!!!!!!!!!!!!!!!!!!!!!!!!!!!!!!!!!!!!!!!!!!



    مو غريبه ان يتعجب لانه اكبر اختبار بعد فقد غالي مثل الام ولا الاب والاخوان وسكت



    فرد :: قال انتي تحبين غيري



    قالت :: اي والله اني احب غيرك



    قال:: يابنت الحلال انتي ابوك رجال كبير وانا ولد ناس وتزوجتك على الحلال بس ممكن طلب



    قالت :: اطلب



    قال :: انتي امك ويا ابوك كبار وانا لو اطلقك راح يقولون بنتنا فيها شي خلك عندي ثلاث شهور وراح اطلقك علشان ما يشكون فيك اهلك ويا اهل الناس والله مو علشانك علشان ابوك انا اعرف ابوك من انولدت مثل ابوي مابيه ينصدم فيك مطلقه من اول ايامك



    قالت :: بس اتطلقني



    قال ::: والله لطلقك بس خلك عندي بدون لا اجيك علشان شيبات ابوك



    قالت :: انا موافقه ..



    قال :: فلانه ممكن طلبين صغار



    قالت :: اطلب



    قال:: اول شي الولد رفيجك لا اشوفك تكلمينه عندي ولا من وراي هذا وعد بيني وبينك خليه بحاله لانك في ذمتي وانا محترمك ليلحين علشان ابوك وانتي تدرين والطلب الثاني ابيك لاقعدنا ويا امي ويا ابوي كأنه مابينا شي خلك طبيعيه مابيهم يدرون انك تحبين وحتى عند اهلك اعتبريني اخوك لا تنحرجين مني زين يافلانه



    قالت :: رفيجك ما اكلمه و انشالله اوعدك مابين اي شي



    هذا الحديث دار بين زوجين في رابع يوم من زواجهم الحمدلله والشكر على النعمه لي وللي يقرون هالرساله وان شالله مانشوف مثل هالاختبارات يارب وبعدين مع مر الايام الولد ويا زوجته يقعدون عند اهلهم وطبيعيين ويسولفون وكأنه مافي اي شي ولما يروحون الدار البنت تروح للفراش والولد يروح دار القعده او دار الاستقبال هذي حال العروس ويا المعرس اول شهر



    الشهر الثاني



    قامت البنت تمل من هالحال وتطلب طلبات كثيرة علشان يمل الرجال بس الولد نفسه خفيفه على البنت يلبي كل طلباتها وكانو محددين يومين بالاسبوع الجمعه ويا الاثنين لاهل البنت وكل ما يروحون البنت تشوف زوجها قاعد عند امها ويا ابوها حتى ان ام البنت ويا ابوها يقولون للولد ها شلون بنتنا .



    يطالعها واهي تطالعه



    يبتسم ويقول ::



    والله على راااسي يا عمي



    الزوجه تعجبت بكل صراحه بس اهي في بالها الطلاق بالحقيقه



    الشهر الثالث



    البنت قامت تشوف ان زوجها هذا ولد كامل والكامل الله تقول بينها وبين نفسها هالولد لو يفلت من ايدي والله ما احصل على احسن منه وانا محسوده فيه من الناس ليش ما اعدل علاقتي معاه احسن من الي ماخذني عن حب عفوااا





    تقول البنت ليش ما اعدل علاقتي فيه والله ولد ناس محترمين امه ولا الف ام وين احصل ام ابرك من هالام الي عنده وابوه كافي رفيج ابوي حتى ابوي يقول هذا رفيجي من 25 سنه ماغلط علي ولا قال شي ليش انا اروح حق الي جايني بالحرام واخلي هالولد ولد الناس بالحلال يقعد.



    خططت البنت انها تتكشخ وتتزين علشان هالولد الطيب ولما جا الولد من الدوانيه بالليل شاف ان البنت متكشخه علشانه



    قال:: ماشالله شنو هالزين



    قالت :: والله عيونك الحلوة



    قال :: ماتوقعتج انك جذيه



    قالت::توقع من اليوم ورايح انا راح اكون لك احلى بنت



    قال :: انشالله تكونين احلى بنت بالدنيا يا رب



    ودخل دورة المياة وراح يغسل وطلع لين اهي قدامه قال مافي عشاء قالت اي فيه والله انا مزهبته العشا لك وجابت العشا تعشى وراح ينام بدار القعده !!!!!!!!!!!



    قالت :: والله يمكن مو راضي علي ليلحين بس والله يا جمالي هذا ما يخليه والله لخدرة وكل يوم تسوي جذيه فيه تروح تكشخ وتقعد تنطره لي يجي بليل واهو على لسانه ماشالله عليك مزيونه حيل مافي عشاء



    قبل الشهر الرابع بأسبوع



    راحت البنت واهي مستغربه تقول شفيه صارلي اكثر من 15 يوم اتكشخ والبس احلى شي بس الولد ما يعطيني وجه شفيه اهو لايكون يحب بس قالت ليش ما قوله



    قالت :: يا فلان انت فيك شي



    قال :: ليش



    قالت:: لا بس اشوفك منت طبيعي والله



    قال :: شتشوفين يعني



    قالت :: انا والله حبيتك بس انت مدري شفيك



    قال :: انتي تذكرين شقلتي رابع يوم العرس



    قالت :: اي والله بس الحين خلاص انا لك



    قال :: قلتي انك تحبين واحد ثاني



    قالت :: اي بس الحين انت الكل بالكل



    قال :: يا بنت الحلال ما بقى على الشهر الثالث الا ايام والله انا مواعدك اخر الشهر الثالث يصير



    قالت :: يعني انت حبيتني



    قال :: انا ما اخذتك الا لاني حبيتك مو لج لابوك ويا امك والله



    قالت :: تكفى لا تطلقنى



    قال:: يصير خير



    وراااااااااح ينام بدار الاستقبال واهي راحت دار النوم بروحها تفكر وتقول يارب يارب يارب انه ما يطلقني ابن الحلا هذاوقعدت تتذكر حياتها مع الولد الي صك التلفون في وجها وتذكر حياة صديقاتها الي طيحوها بالعلاقات على قولتهم<< الارتباط >> وتقول بعد الله لايوفق كل من يحب من غير رضى الاهل والله اني عشت العن ايام عمري هالاسبوع يا رب مايطلقني



    ومن بكره طلبت منه يوديها مطعم وراحو مطعم واكلو منه احلى الطبخات والوجبات وافترو بالخليج وراحو شارع الحب وراحو السينما وراحو كل شي حلو يطري على زوجين ليش لانه اهو يقول هالبنت اهي زوجتي الحين لازم امتعها لانها على ذمتي , بس اهي تقول اهو والله جذاب وطيب واحسن من هذاك الخايس ولما راحو البيت قعدو بالصاله وشافو التلفزيون واهم مندمجين



    قال :: تصبحين على خير انشالله



    قالت :: وين



    قال :: بنام



    قالت:: زين نام بدارك



    قال :: ان شالله بكره









    على اخر الشهر الثالث

    يعني بعد 89 يوم



    كان يوم الاثنين الساعه 10.30 الصبح قعد الولد ووياه زوجتة.



    قال::: يله يا فلانه مشينه



    قالت :: يله وين



    قال :: اليوم الاثنين انروح لاهلك



    قالت :: يله



    وراحو حق بيت اهلها ولما صفط عند بيت اهلها قال يا فلانه انا والله حبيتك بس اسلوبك مو شي يعني ترضين تجرحين رجال بكل بساطه قالت شفيك قال انا بس بقولك انتي والله غاليه بس انا ما امن عيالي في بنت تقول حق زوجها انا احب غيرك قالت قبل مو الحين قال لا والله لا اهي قبل ولا هي الحين انا رجال وعندي مشاعر والمثل يقول الي ينقرص مرة ما ينقرص مرتين قالت شفيك, قال انا وعدتك بس ثلاث شهور وبعدين نطلق قالت لا لا لا يا فلان والله حبيتك لا تطلقني قال والله اني حبيتك اكثر من حبك لي بس هذي الدنيا لازم اخليك وعيشي مع واحد ثاني اطيب انشالله مني, قالت والله مطيب منك شي ابيك انت, قال انا ماني عايش معاك انتي قلتي احب غيرك وهالكلمه قاعده في قلبي لين اموت الرجال ما لان جرح لا تعتبرينه مثل المراة الرجال عزيز نفس قالت شفيك انت اليوم انزل عند ابوي, قال سلمي على ابوك, قالت انزل بس ربع ساعه واطلع



    قال ::



    انت طالق طالق طالق.



    انزلي الله يوفقك ان شاء الله .. فكيني من شوفت ابوك وامك .. انزلي مابيه يقول ليش طلقت بنتي وانت ادرى . قعدت تصيح بالسيارة.. قال فظحتيني انزلي خلاص.. وهذي ورقة الطلاق مابيني وبينك الا كل خير ما عمري سبيتك ولا طقيتك ولا غلطت عليك ولا على اهلك سلمي عليهم ولا تقولين انك قلتيلي احب ترا ما يدري عنها ان شاء لله غيري انا وانتي وعالم الغيب



    ونزلت البنت لي بيت اهلها وهي مخدرة من الصدمه.. وبشرت اهلها في طلاقها اللي هي تتحمل كل

    ما فيه لانها اهانت ولد عزيز نفس في رابع يوم من زواجهم.
     
  2. zoya_y

    zoya_y عضو جديد

    التسجيل:
    ‏26 ديسمبر 2007
    المشاركات:
    9,261
    عدد الإعجابات:
    4
    مكان الإقامة:
    DREAM WORLD
    لييييييييييييييييييش جذي :(
    والله مايستاهل تقوله جذي
    عاد من زين هذااااااك جليل الحيا

    بس والله انا استشفيت من هالقصه وايد اشياء والله

    انه البنت الي تكلم اصبي بالتليفون ماراح تستفيد شي
    انه العجله من الندامه
    انه مو كل شي ينقال

    ووايد اشياء والله
     
  3. دنياء غريبه

    دنياء غريبه عضو مميز

    التسجيل:
    ‏5 يناير 2009
    المشاركات:
    12,840
    عدد الإعجابات:
    686
    مكان الإقامة:
    ● فــَي قـًلـب بـًآبـآتيِ ..!ِ~}
    قصة حزينه وفيه عظه وعبره

    شكرلك على هالقصة

    يسلموووووووو

    انتظر جديدك بكل شوق
     
  4. ابوشروق

    ابوشروق عضو جديد

    التسجيل:
    ‏18 يوليو 2009
    المشاركات:
    577
    عدد الإعجابات:
    0
    مكان الإقامة:
    الكويت
    الله يبيض وجهه هذى فعايل الرجال

    مشكور على النقل
     
  5. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    :(

    شكرا
     
  6. العاشق

    العاشق عضو مميز

    التسجيل:
    ‏18 يناير 2009
    المشاركات:
    14,324
    عدد الإعجابات:
    557
    مكان الإقامة:
    هنا
    المغازل والعلاقات قبل الزواج تفاهه وظحك على الذقون وقلت ادب من الطرفين 000
    و

    اللي الله يوفقه بزوجه غير اللي كان يحاجيها من الحكمه انه مايجيب طاري علاقاته السابقه وكذالك البنت ماتخر الجربه انا اعرف واحد استري عمرج 000 الله يستر الناس وهم يكشفون سترهم :mad:
     
  7. Q8_cat

    Q8_cat عضو جديد

    التسجيل:
    ‏7 ابريل 2009
    المشاركات:
    1,598
    عدد الإعجابات:
    0
    مكان الإقامة:
    كويت
    شكرا لك
     
  8. MOHAMMED11

    MOHAMMED11 عضو جديد

    التسجيل:
    ‏24 يوليو 2006
    المشاركات:
    3,046
    عدد الإعجابات:
    1
    مكان الإقامة:
    قلب امــــي





    شكرا لكم كلن باسمه على المرور
    واثراء الموضوع


    الف شكر
     
  9. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    ما في رجال يصبر على زوجته دقيقه وهي تحب غيره

    لكن الظاهر الزوج شايف فلم دفيداس قبل الزواج
    ومتأثر بشاروخ خان​
     
  10. MOHAMMED11

    MOHAMMED11 عضو جديد

    التسجيل:
    ‏24 يوليو 2006
    المشاركات:
    3,046
    عدد الإعجابات:
    1
    مكان الإقامة:
    قلب امــــي
    الرجال صبر حشمة لابوها وامها ...
    واهو من رابع يوم اعتبرها ضيفه ..

    انا اقدر اقول عنه ان فيه طيبه نادره
    وفيه قوة تحمل ورجولة ايضا ..

    لان مثل ماقلت ابو عبد الله يمكن لو احد ثاني
    مسكها من شعرها وعطاها المقسوم من الطق
    ومسكها الباب وفضحها فضيحة

    او اقل الرحمة يطلقها ويقول ماتنفعني
    لاكن صاحبنا ولو مااعجبك تصرفة
    انا اشوفه تصرف سليم وينم عن معدن طيب .



    شكرا للمرور ابو عبد الله
     
  11. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء

    بو جاسم النقاس معاك ممتع وراقي
    وهذا اللي راح يخليني آخذ راحتي بالرد :rolleyes:

    بوجاسم ندري ان الرجال عمله سليم
    لكن وانا اخوك العمل السليم لازم نجني من وراه نتائج
    ودام الموضوع فيه خطأ لازم يكون العمل فيه اصلاح
    وين الاصلاح ؟
    بالعكس البنت عاشت معززه مكرمه رغم فعلتها السودا

    برايي ان كل عمل اصلاحي لابد يكون فيه ضحايا
    يعني لو الرجال مفنقرها من اول ما قالت سالفتها صدقني
    النتيجه ان البنات اللي يسمعون وشصار فيها راح يفكرون
    1000 مره قبل ما يسون مثلها وهذي نتيجه اصلاحيه مهمه
    ومن آمن العقوبه اساء الادب

    طبعا للتوضيح الضحيه المقصوده مو البنت تخسي هي
    الضحيه طبعا ابوها ​
     
  12. MOHAMMED11

    MOHAMMED11 عضو جديد

    التسجيل:
    ‏24 يوليو 2006
    المشاركات:
    3,046
    عدد الإعجابات:
    1
    مكان الإقامة:
    قلب امــــي
    لازلت اختلف معاك ^_^

    انت قلت الرجال تصرفة سليم لاكن ماوراه ناتج
    يعني بحجينا ماوراه مربح ولا فايدة ..

    وانا اشوف العكس ، ان البنت مع حسن العشره
    اعرفت ان الحب اللي كانت فيه ماهو إلا جذبه
    وان مافيه احسن من العيشة الحلال والزوج الصالح
    وبدت تتغير للأحسن ، ولو انها بعد فوات الفوت
    لاكن تصرف الزوج مثل ماتقول كهربها ورجع عقلها لها
    وانا اعتقد البنت هذي بعد تصرف الزوج بتراجع كثير
    من حساباتها .

    وقلت انه لو طاقها كان البنات خذوا موقفها موعضة
    ويستفيدون منه بحياتهم .

    طبعا انا اختلف معاك بهالجزئية بعد ، انا مااعتقد في بنت
    راح تتعض اذا ماكانت بالاساس اهي بعيده عن هالسوالف
    بمعنى ان ممكن مثل هالموقف يخليها تثبت اكثر
    على اخلاقها وماتنجرف ورا اي انسان او انسانه
    ممكن تاخذها للدروب العوج .. امّا انها ممكن لو شافت
    مثل هالموقف بتبطل صياعه على طول فهذي استبعدها

    والادلة كثير ،، اخذ مثلا الجرايد ، بين يوم ويم مسكنا شبكه
    مسكنا فلان مع فلانه ،، ( والامر عادي ولا فيه شي تغير )
    كلن على ليلاه ساري .

    ولو كانت المواقف تخلي الانسان يتوب ، كان متعاطين المخدرات
    تابوا من التعاطي واهم يشوفون كل يوم واحد ميت من جرعة زايدة

    واحيان كثيره ، تشوف بنت تنمسك بشقة ، وتكون هالبنت
    فرد من مجموعة بنات لهم نفس السلوك ، لاكنها انمسكت بفعلها
    والباقي لأ ..
    تعتقد باقي المجموعه بيوقفون نشاطهم وياخذون من
    موقف صاحبتهم موعضه ويكون رادع لهم ؟؟!! مااعتقد

    واختصار الكلام . العقاب الفردي ماهو دايم شي رادع للمجموعه
    اللي على مثل الشاكلة ،،، احيان يكون دافع لأخذ الحيطة
    من الوقوع بمثل ماوقع فيه احدهم ، مع الاستمرار على نفس
    الفعل والافعال المحرمة او الممنوعه .

    وهذي وجهة نظري للموضوع مع احترامي الشديد لوجهة نظرك

    والحوار اذا صار حلو فقلمك الحر اكيد بيحليه ^_^
     
  13. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء

    بو جاسم كلامك عين العقل لو انا قلت بنصلح احوال المنحرفات

    لان الادله والشواهد اللي حطيتها كلها لبنات منحرفات ولا لمدمن

    هذيلا ما فيهم طب

    لكن صدقني لو مانشوف ضحايا المخدرات والمدمنين جان يمكن

    صارت عندنا مثل السجاير والكثير يدخنها لكن من نشوف فلان مات
    وفلان انسجن وفلان صار ذليل هنيه صارت لنا رادع وقمنا نخاف منها
    ولا ننسى ان الدين يحرمها بس احنا نقصد الناس اللي ضعيفه
    بالدين

    بردي السابق اقصد البنات اللي مالهن سوابق

    بالنهايه بو جاسم انا لا افرح بموقف بطولي ماله نتايج
    وممكن تكون نتايجه محدوده جدا هنيه افضل ان يكون فيه
    ضحيه ولكن النتيجه كبيره وعلى مستوى مجتمع

    وجهة نظري اللي بقولها ان كاتب القصه يبي يبين
    لنا موقف مشرف للزوج في طريقة سرده للقصه
    وان البنت ضحيه بالنهايه
    وانا ارى ان الزوج ضحيه والبنت الجاني ​
     
  14. فضل

    فضل عضو مميز

    التسجيل:
    ‏25 يوليو 2008
    المشاركات:
    6,791
    عدد الإعجابات:
    98
    مكان الإقامة:
    بين السماااء والارض
    يعطيك الف عافيه

    قصه شدتنى لقرائتها من اول حرف لآخر حرف

    والولد طلع آدمى ومو هين​
     
  15. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    هذا فن في كتابة القصه
    الكاتب خلاكم تذكرون موقف الرجل وما تشوفون خطأ المرأه

    زين الرجال هذا آدمي
    واللي تزوج بنت حلال وعاش معاها هم آدمي
    طلعت كل الناس اوادم __ طبعا اقصد بآدمي متربي ورجوله
    بمعنى الكلمه

    اذا كلهم اوادم عيل وين المو ادمي
    واذا كلهم اوادم وين بطولة الزوج المذكور بالقصه

    وبعدين المفروض من البنت اهي اللي تخاف من الفضيحه
    لها ولابوها وماتكلم وحاطه لها رفيج تحبه

    واذا اهي ما خافت لا على روحها ولا على ابوها
    الزوج اهو اللي خايف عليهم !​
     
  16. MOHAMMED11

    MOHAMMED11 عضو جديد

    التسجيل:
    ‏24 يوليو 2006
    المشاركات:
    3,046
    عدد الإعجابات:
    1
    مكان الإقامة:
    قلب امــــي

    هلا وغلا ابو عبد الله
    طيب لو البنت انفضحت وسمع غيرها بفضيحتها
    من البنات ربات الخدور اللي مالهم سوابق ، هل هذا
    الفعل فعلا بيكون رادع لهم لعدم الانجراف ورا مثل هالسوالف
    مااعتقد والسبب ان البنت اذا دينها واخلاقها مايردعها
    مااعتقد هالمواقف بتكون سبب انها تنتبه اكثر وتحوط على نفسها

    لان بالمقابل اكيد في قصص حلوه يسمعونا او غريبه يلعب
    فيها الحظ وستر ربك ، مثل اللي ممكن تحب انسان
    وبالاخير تتزوج هالانسان وتعيش معاه احلا حياه

    او بنت لعوب فاره على الف شقه وبالاخير تتزوج انسان
    اخلاق ومنصب او غني يسترها وممكن يطير فيها لسابع سما
    وينجب منها اولاد ....

    فــ من وجهة نظري ان هالقصص وان كان فيها عبره
    لاكن مااعتقد انها اساس لظبط النفس والاخلاق
    ولاهي دافع للثبات على موقف او الانسحاب من وحل

    الهداية والصلاح من ربك .. ومن طبايع الانسان نفسه
    ونشأته ومحيطة ..

    وصاحبنا لازلت انا اشوف موقفه سليم ورائع ومو معناته
    ان انا صح لاكن هذي وجهة نظر شخصية مع احترامي
    لوجهة نظرك ..
    شكرا ابو عبد الله على سعة صدر قلمك ^_^
    واذا لك خاطر بإضافة تفضل وانا بكل سرور اسمعها .
    شكرا مره ثانية
     
  17. MOHAMMED11

    MOHAMMED11 عضو جديد

    التسجيل:
    ‏24 يوليو 2006
    المشاركات:
    3,046
    عدد الإعجابات:
    1
    مكان الإقامة:
    قلب امــــي

    الله يعافيك
    شاكر مرورك ..
     
  18. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء

    لازم نعترف ان الموضوع له زاويتين
    الزاويه الاولى الاصلاح وهي نظريتي
    والزاويه الثانيه هي الستر وهي نظريتك
    والاهم من هذا انه لازم نعترف ان البنت مخطئه
    وزوايا الاصلاح والستر تنطلق من هذا المبدأ​
     
  19. MOHAMMED11

    MOHAMMED11 عضو جديد

    التسجيل:
    ‏24 يوليو 2006
    المشاركات:
    3,046
    عدد الإعجابات:
    1
    مكان الإقامة:
    قلب امــــي
    انا اشوفها زاوية وحده ( ستر وصلاح )

    والبنت مخطئة هذي مافيها كلام
     
  20. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    دام انك تشوف جذيه عيل اخذ :rolleyes:
    انا قصدي من الردود اني اخلي اللي يقرأ القصه
    يشوف ان عمل البنت جريمه لانها مو واضحه انها جريمه
    بالقصه وموضوعك يا بوجاسم ممكن تقراه الاف البنات والشباب
    ويمكن اسلوب الكاتب يخليهم ما يشوفون ذنب البنت وهذا خطأ
    والحين الموضوع صار مفيد للولد وللبنت وقبل ردودنا مفيد بس للولد

    شكرا بوجاسم انت اخونا الكبير ونتعلم منك وتحملنا​