دول تفتح جامعات ومشاريع ضخمه وحنا ماقدرنا نسكر بالوعه

الموضوع في 'إستراحة المنتدى' بواسطة DELL75, بتاريخ ‏29 سبتمبر 2009.

  1. DELL75

    DELL75 عضو جديد

    التسجيل:
    ‏23 فبراير 2009
    المشاركات:
    9
    عدد الإعجابات:
    0
    لا أدري ولا اعلم ماهو شعور الشعب الكويتي عندما يرى ويشاهد في 09/09/09
    الحدث الأكثر من رائع تدشين مترو دبي تلك الأماره الصغيره التي أبهرت العالم بأنجازاتها
    مع الغريب اننا هنا في الكويت قد تكلمنا في المترو قبل دبي ولكن هناك أناس تعمل وتفكر وتبدع

    ولا أدري ماهو شعور الجميع عندما افتتحت المملكة العربيه السعوديه ذلك الصرح العلمي الرائع بناء جامعه ضخمه للعلوم والتكنولوجيا والأبحاث مختلطه وفتتحها قادة وحكام وزعماء
    بينما نحن نتكلم عن جامعة الشداديه منذ اعوام وأعوام

    فنحن هنا في الكويت نفكر كيف نحل مشكلة بالوعة منفجره في مشرف اشغلتنا ايام طويله
    فما زلنا نتخبط ولا ندري الي اين نحن نسير هل الي الأمام ام الي الوراء

    والحديث يطول ولا نريد الاطاله
    ودمتم في حفظ الله​
     
  2. MOHAMMED11

    MOHAMMED11 عضو جديد

    التسجيل:
    ‏24 يوليو 2006
    المشاركات:
    3,046
    عدد الإعجابات:
    1
    مكان الإقامة:
    قلب امــــي
    دبي مثل المرقاب عندنا ،، دبي ودبي شفيها دبي ؟؟!!


    السعودية الله يوفقهم ، ،انت شفت باقي جامعاتهم
    شفت معاهدهم ،، شفت اغلب مناطقهم ؟!!

    الكويت الحلو فيها ان كلها يتطور .. الدول اللي تسولف
    عنها يركزون على مكان او شي معين بسيط
    ويقطون حيلهم فيه .. اما الكويت الحمد الله
    جامعاتها كمباني من افضل مباني الخليج
    وايضا مستشفياتها ومستوصفاتها ومناطقها وشوراعها ..

    ولله الكويت جنة ،، لاكن فيها شي ولله ماادري
    شنو بالظبط مخليها تتخبط احيانا ..

    ومو معنى كلامي ان الكويت الحين ماعليها عيب
    ، اكيد في ملاحظات وملاحظات كثيرة
    لاكن اللي احب اوصلة ان الكويت لازالت الافضل
    بين كل دول الخليج ،، لاكن اللي محيرني
    انها المفروض تكون اروع واجمل بكثير من الحين
    رغم جمالها وروعتها اللي اشوفها حاليا ..
     
  3. عبد المعين

    عبد المعين عضو جديد

    التسجيل:
    ‏24 مايو 2009
    المشاركات:
    372
    عدد الإعجابات:
    0
    عدل كلامك يالسمى

    وهم قطر اللى يقولون عنها جيتها جنها الجليب بعد ما حولى السكنى استشمارى وصارت عماير

    الكويتيين صاروا مثل اهل العراق دايم متشائمين

    الحمد لله البيوت تتوزع والمدن السكنيه كل مدينه احلى من الثانيه كامله بها الخدمات ومبنى المعهد التطبيقى الجديد مبنى راقى ودخل الفرد بالكويت عالى ومدارسنا من احسن مايكون

    والله لايغير علينا الا للاحسن

    بس مشكلتنا الوحيده انه كل واحد يدور الزله على الثانى مشكله بسيطه يكبرونها وهذا كله بسبب الاعلام الفاسد اللى توه طالع من صحافه ولا قنوات جديده

    يا جماعه اللى يسافر برا الكويت ويتمعن عدل بحال كثير من الدوله ومنها المجاوره يحمد الله ان بلده الكويت
     
  4. zoya_y

    zoya_y عضو جديد

    التسجيل:
    ‏26 ديسمبر 2007
    المشاركات:
    9,261
    عدد الإعجابات:
    4
    مكان الإقامة:
    DREAM WORLD
    مممممممم
    الكويت مايحتاج لها متروووو صغيرونه مجكنمه

    وعندنا جامعة بالشويخ وبالخالديه كككككك وكيفان
    بس هذول الخالديه وكيفان خيغيرونهم احسن ويخلون كل الكليات بالشويييخ
    انا مااااااااادري ليش يبيون يفتحون جامعه بعد مادري وين بقلعة وادرين
     
  5. ابو ريتاج

    ابو ريتاج عضو جديد

    التسجيل:
    ‏10 ديسمبر 2007
    المشاركات:
    733
    عدد الإعجابات:
    0
    هذى المشكله يامحمد .. ان دبى كانت بالنسبه للكويت صحراء من قبل والحين شف اشلون صار العكس .... ناس تتحرك بسرعه وتجارهم مايبخلون على ديرتهم بس حنا الله المستعان ...تجارنا تجارتهم برا فى مصر او الدول الاخرى-- هذى المشكله يامحمد دبى ودبى --من الحره اللى فينا ان الدول الثانيه شغاله ليل ونهار وحنا مكانك راوح .. لا مستشفيات متطور ولاجامعات جديده -لاتقول الخاصه هذى مص دماء ولاهمها التعليم ولا شى ... ولا منتزهات مثل العالم .. ماغير المدينه الترفيهيه اللى خابرها يوم كان عمرى 10 سنوات وللحين نفس الشى ولا شى فيها تغير بالعكس الا الزمان اكل منها وشرب---
     
  6. NICK

    NICK عضو نشط

    التسجيل:
    ‏23 سبتمبر 2007
    المشاركات:
    2,072
    عدد الإعجابات:
    202
    مكان الإقامة:
    kuwait
     
  7. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    الله كريم
     
  8. maha_Q8

    maha_Q8 عضو نشط

    التسجيل:
    ‏19 يونيو 2008
    المشاركات:
    4,537
    عدد الإعجابات:
    4
    مكان الإقامة:
    الكويت.. ((جبــله ))
    مهما قلتوا عن الكويت
    كفايه اسمها الكويت وانا افتخر اني منها
    ولا تنسون الكويت في السبيعنات شنوكانت بالنسبه
    للخليج
    وبالنسبه للدول الثانيه تتكلمون عن الاعمار اللي فيها
    شنو الفايده من الاعمار وسكان الدوله الاغلبيه من الجنسيه الاسيويه
    والكويت مو ناقصها لا اسواق ولا مطاعم ولا جامعات والاعمار موجود عندنا
    الجامعات الخاصه موجوده والحمدالله الحكومه ما قصرت
    دخلت الطلاب فيه بمنحه داخليه
    والمشاريع موجوده وراح تشوفون في السنوات المقبله شلون
    راح تكون الكويت بالنسبه للخليج
    انا متفائله من بلدي الكويت وادعوا لها دائما بالخير