في احد المطاعم الامريكيه

[yoyo1983]

قبل شوي كنت في احد المطاعم الامريكيه الي على البحر وحسيت بفرق كبير بالسعر عن قبل يعني كنت اكل نفس الطلب انا وزوجي بسعر 9.500
واليوم صار 15 دينار يعني تقريبا زاد نصف القيمه ماادري قاعده افكر مافي مراقبه على الاسعار من قبل وزارة التجاره والصناعه يعني اي مطعم ازيد قميه وجباته على كيفه و لا شنو الوضع .....​

 

[NoOoOoR]

الحين اذا رحتى اي كافيه تطلبين ( قهوه وقطعه حلو ) 4.500

هذا الطلب لشخص واحد وكل مازدتي شي زاد السعر

كل شي زاد سعره هالايام

 

[العاشق]

على كيفه


ولا حسيب ولا رقيب وحماية المستهلك حمايه للتاجر 00 ارفع على كيفك والناس ترا رايحين للمطاعم رايحين 00 ماعندنا مقاطعه للمحلات والتجار

ومستغلين ضعف المستهلك وحاجته 00

 

[Kyokushin]

كل شي غالي
توني بشتري طحين خبري فيه ب 100 فلس الحين صاير 150
كل شي غلااااااا

 

[ياسر الروقي]

انا مسوى رجيم وليلى الله يهداها تبي تخربه الظاهر
وينه الطلب انا اشتريه منج 20 دينار ههههههههه هالحزه

 

[eng.explorer]

ليلى بصراحة على بالي مطعم في امريكا

هذي الكويت اختى لا رقيب ولا حسيب التجر اذا ما يربح 1000 % ما يرتاح ولا يغمضله جفن تصدقون الضرايب عندنا 4% والاسعار كانك في اوربا .

بس ياريت ليلى تعزمينا احنا اللي في المنتدى ونشوف الوجبة تستاهل والا لا عشان نحكم

على العموم بالعافية انتي وابو العيال

 

[master_111]

و أزيدج من الشعــر بيت ،

معظم المطاعم الامريكيه و غيرها إلي عالبحر اصحابها هوامير

شكلج انتي و زوجج متهاوشين عالحساب ههههههههه اتغشمر

الله يهنيهم بحلالهم ، و بالعافيه عليكم

 

[shraay]

ليلى بصراحة على بالي مطعم في امريكا

هذي الكويت اختى لا رقيب ولا حسيب التجر اذا ما يربح 1000 % ما يرتاح ولا يغمضله جفن تصدقون الضرايب عندنا 4% والاسعار كانك في اوربا .

بس ياريت ليلى تعزمينا احنا اللي في المنتدى ونشوف الوجبة تستاهل والا لا عشان نحكم

على العموم بالعافية انتي وابو العيال

طبقوا قانون الضرائب عندنا ولا شنو ؟ اذا انا مو غلطان الحبيب مايفرق بين الضرائب والجمارك

 

[sa3od29]

صباح الخير

الطريقه القانونيه السليمه......انج تاخذين الفاتوره القديمه مع الفاتوره الجديده وتروحين حق حماية المستهلك وتقدمين شكوى واهما يحولونها حق رقابة الاسعار......وراح يحلون المشكله لج خلال اقل من اسبوع....وحلها يكون مخالفة اولى مع انذار للرخصه مع رد السعر على ماكان عليه او يبدى اسباب ارتفاع الاسعار وشكرا

 

[Bn-Sha6i]

الثقافة الاستهلاكية عندنا ضعيفة جدا
المفروض مطعم برفع اسعاره نقاطعة

 

[نوكيا]

وجبتين من هذا النوع اوفر لك

ويقولك بعد تاكل اصابعك وراه طبعا بسعر 950 فلس

 

[البرنس111]

قانون وزارة التجارة يجب وضع سعر ولا يهم كم السعر
يعني ياتاجر زيد على راحتك بس حط سعر حتى لو كانت الوجبة ب 100 دينار

 

[master_111]

قانون وزارة التجارة يجب وضع سعر ولا يهم كم السعر
يعني ياتاجر زيد على راحتك بس حط سعر حتى لو كانت الوجبة ب 100 دينار

يمكن انت قلتها على طنازه 100 دينار ،

لكن الحقيقه انه في مطعم هامبورغر بالكويت يقدم وجبه برغر خاصه بسعر 100 دينار كويتي تصدق !!! و اذا ماني غلطان سندويشه برغر فقط ب 100 دينار !!

لكن الناس إلي تروحله كلها من ربع الهاي هاي ، لكن اسم المطعم ما يحضرني حاليا و اكيد في ناس تعرفه ،

فعلا زمن العجائب

 

[eng.explorer]

طبقوا قانون الضرائب عندنا ولا شنو ؟ اذا انا مو غلطان الحبيب مايفرق بين الضرائب والجمارك

انا اخوي اعتذر منك فعلا ما اعرف الفرق بين الضرائب والجمارك فمنكم نستفيد فياريت تشرح للساده المشاهدين شنو الفرق ( وانا اتكلم جد ) وتنورنا والله يجزاك خير يالحبيب

 

[محمد11]

العبيد ثلاثه: عبد رِقّ، وعبد شهوة، وعبد طمع

نسأل الله أن يقينا شر الطمع، وأن يرزقنا القناعة..
​

 

[مرواس]

موضوع ماكو فايده منا

اول شي ياريت تتقبلين رايي بكل صراحه ..

1 - ماحد طقج على ايدج وقالج روحي هالمطاعم وفي بالكويت مطاعم وجبات مثل وجباتهم وبأسعار تبدأ من 100 فلس وتقولين الحمدالله على النعمه ..

2 - هذا حلالهم واهما حرين فيه والي عاجبه ياكل والي مو عاجبه لا ياكل منهم .. يلي تحاربون امريكا :\ =-=-=-=- >> ( السلف ) اشوف تاكلون من مطاعمهم

3 - اعتقد المطعم قبل ماتطلبين ييبلج منيو وبأسعاره المره اليايه اخذي وياج اله حاسبه واذا طلع فوق الدينار طلعي من المطعم

بالاخير هذي حرية تجارة الشخص ومن حقهم .. للاسف انتو تروحون وتبلعون بعدين من وراهم تتكلمون .. مو مجبوورين انتو

 

[yoyo1983]

موضوع ماكو فايده منا

اول شي ياريت تتقبلين رايي بكل صراحه ..

1 - ماحد طقج على ايدج وقالج روحي هالمطاعم وفي بالكويت مطاعم وجبات مثل وجباتهم وبأسعار تبدأ من 100 فلس وتقولين الحمدالله على النعمه ..

2 - هذا حلالهم واهما حرين فيه والي عاجبه ياكل والي مو عاجبه لا ياكل منهم .. يلي تحاربون امريكا :\ =-=-=-=- >> ( السلف ) اشوف تاكلون من مطاعمهم

3 - اعتقد المطعم قبل ماتطلبين ييبلج منيو وبأسعاره المره اليايه اخذي وياج اله حاسبه واذا طلع فوق الدينار طلعي من المطعم

بالاخير هذي حرية تجارة الشخص ومن حقهم .. للاسف انتو تروحون وتبلعون بعدين من وراهم تتكلمون .. مو مجبوورين انتو

الله يسامحك انا مابي ارد عليك نفس اسلوبك بس اول كلمتييين من ردي عليييك تكفييك يا دمبك مادري مرواس​

 

[ابن التوحيد]

بالفعل إدارة حماية المستهلك غير مفعلة و الدليل الأسعار عندنا ترتفع و ماتنزل بعكس السعودية و الامارات الأسعار عندهم مناسبة

شكرا بالفعل موضوع الكل يعاني منه

جهود مميزة من أخت فاضلة

أخ مرواس خانك التعبير أنت وين و الموضوع وين