منو تنصحوني فيه مكتب محامي للترافع بدعوه نفقة

[z-75]

السلام عليكم ورحمة الله وبركاته
ابي خدمتكم منو عنده ارقام تلفون او يدليني على مكتب محامي
زين واسعاره مناسبه لانه علي دعوه نفقة وابي يترافعلي بالدعوه المرفوعه علي وجم راح تكلفني برايكم؟

 

[ابن تيميه]

السلام عليكم...أنصحك انك أنت شخصيا تحضر الجلسات ..لأن المطلقه واولادها راح يأخذون نفقه وراح يكسبونها 100% لكن عليك تقديم الاوراق التي تثبت عليك أقساط لكي لا يحكمون بالكثير ضدك ..أجره سائق -خادمه تستأجر لهم شقه اذا ما تملك سكن خاص ونفقه شهريه والعده والمتعه وأجره حضانه(هذا غير موجود بالسعوديه أهل الشرع) ....المحامي راح يطلب الكثير وايضا محاميها راح يأخذ منك اذا هي أستلمت النفقه عند التنفيذ..يعني أنت عليك محامين ...

 

[اساهيم]

احضر بنفسك لان القاضى سيتعاطف معك ..

اما اذا حضر محامى راح يقول القاضى هذا انسان فسقان ..

عموما الحكم معروف مسبقا ولكن الكلام على كم النفقه ,,.

 

[general]

الحكم معروف مسبقا لان راح يحكم لها نفقاتها لكن كثر ماتحاول لازم تخلي القاضي يحكم شويه لها , وان خذيت محامي القاضي بيقول هذا قاط مو اقل من ألف ديناار وهذا دليل ان عندك

 

[z-75]

وشنو الشغلات اللي تثبت اني كنت اصرف عليها

 

[general]

ماله داعي تثبت انك كنت تصرف عليها أو انك خايف ترفع دعوى طلاق للضرر وانك ماكنت تصرف عليها ؟
الي مايبيك لاتبيه المرأه لمن توقف بالمحكمه وتتهم زوجها ان مانفق عليها هذا مو زوجه .

وتعسا ً لليوم الي يي الرجال ينذل و ينكر جميله ويكون بحاجه الى ان يثبت كان ينفق على زوجته

الله وياك ولاتخاف من شي

 

[Abdulla990]

مثل ما قالوا الجماعة روح بروحك بس انصحك تستشير محامي فاهم بهالسوالف علشان يقول لك شنو الأشياء اللي ممكن تسويها و تخلي الحكم يكون اخف عليك.

 

[ابن تيميه]

وشنو الشغلات اللي تثبت اني كنت اصرف عليها

محاكمنا أو المشرع منحاز للمرأه ...فمثلا لو أحضرت هي شهود زورا طبعا أنك لا تنفق عليها لعامين ماضيين وأنت مسكين تنفق عليها لكن ماعندك شهود أو أوراق توقعها عليها كل شهر مثل الخادمه راح تروح فيها يا تدخل السجن أو تدفع حتى مقدما لانهم لا يقبلون الاقساط......واجابه على سؤالك اذا ما عندك ورق هي موقعى عليه كل شهر يثبت أنك تنفق وأنا اجزم أن ما عندك ما لك أن تحضر شهود ...السؤال من راك وأنت تنفق ؟؟بصراحه مسخره ؟؟هل هذا شرع ؟؟هنا بالكويت يتبعون المذهب المالكي أما في السعوديه لا يوجد من يدخل السجن بسبب النفقه ولا اجره سائق ولا خادمه ولا هم يحزنون لانهم يتبعون المذهب 0(الحنبلي)اذا أخطات صلحوا لي ...

 

[ابن تيميه]

في شئ آخر نسيت اذكره وهو ان القاضي مو فاضي يسمع من أحد وسرعان ما ينسى اللي تقوله ...أكتب اللي عندك بورقه وسلمها له والمستندات المطلوبه....

 

[z-75]

بارك الله فيكم شباب وعلى ردودكم
والله تراك نورتني اخوي ابن تيميه ومستحيل في احد بالدنيا بالتأكيد يوقع مرته كل شهر على استلام نفقه وشهود مالك امل اجيب شهود لأنه بصراحه فشله ومااسوويها
وبانتظار باقي الردود ياجماعة الخير

 

[نجد الخليج]

محاكمنا أو المشرع منحاز للمرأه ...فمثلا لو أحضرت هي شهود زورا طبعا أنك لا تنفق عليها لعامين ماضيين وأنت مسكين تنفق عليها لكن ماعندك شهود أو أوراق توقعها عليها كل شهر مثل الخادمه راح تروح فيها يا تدخل السجن أو تدفع حتى مقدما لانهم لا يقبلون الاقساط......واجابه على سؤالك اذا ما عندك ورق هي موقعى عليه كل شهر يثبت أنك تنفق وأنا اجزم أن ما عندك ما لك أن تحضر شهود ...السؤال من راك وأنت تنفق ؟؟بصراحه مسخره ؟؟هل هذا شرع ؟؟هنا بالكويت يتبعون المذهب المالكي أما في السعوديه لا يوجد من يدخل السجن بسبب النفقه ولا اجره سائق ولا خادمه ولا هم يحزنون لانهم يتبعون المذهب 0(الحنبلي)اذا أخطات صلحوا لي ...

السلام عليكم / فعلا صحيح بالمملكة العربية السعودية يتبعون المذهب الحنبلى ( الامام احمد رحمة الله علية ) ومن خلال خبرتى ،، يطبق القاضى
قانون كتاب المغنى لأبن قدامه المقدسى الحنبلى فى امور كثيرة منها
كتاب النفقات والطلاق والحضانة ........... الخ

 

[Administrator]

السلام عليكم ورحمة الله وبركاته ....

اخوي الله يعينكـ ...

اذا وضعكـ المادي يساعدكـ حط محامي وارتاح اخوي من دوخة المحكمه ...

واذا ما يسااااااااااعدكــ وضعكـ المادي ...

اول شي اجمع جميع الاوراق اللي تثبت ان عندكـ التزامات ماليه يعني اي اقساط عليكـ .
وبعدين اخذ معاكـ صحيفة الدعوى المرفوعة ضدكـ وروح لمستشار اي محامي وبلغه يكتبلك مذكرة دفاع ويذكر فيها جميع المديونيات اللي عليكـ مع حافظة مستندات من نسختين واحضر الجلسه وقدم النسخه الاصليه للقاضي والنسخه الثانيه لمحامي زوجتكـــ .

ترا المذكره مع حافظة المستندات سعرها من 20 الى 30 دينار ..

على فكره انت اطلب حجزها للحكم علشان ما يتم تاجيلها كم شهر ويتراكم عليكـ المبلغ .

الله يعينكـ ...

 

[نجد الخليج]

الله يوفقك اخى الكريم ويحل مشكلتك ،، القانون بالكويت لايرحم الرجل ،، ومع المرأة

ويسمونه قانون ( جيهان السيدات )

 

[Jahra]

اخوي اذا لك رقم صندوق بجمعية تعاونية اذهب للادارة واطلب منهم برنت كامل من بداية زواجك بجميع المشتريات مثل الحفاظات والحليب الخ.. يكون مسجل فيه التاريخ ونوع الاصناف والسعر ويكون عليه ختم اعتماد من ادارة الجمعية وقدمة للقاضي ...