تكفون شباب بغيت وظيفه بشركة رسمية

[دواس علف]

السلام عليكم

مرحبا شباب

شباب انا مواطن كويتي شهادتي متوسط وعندي دبلوم كمبيوتر 9 اشهر معتمد رسمي من التطبيقي

شباب الله يرحم والديكم من يساعدني بالحصول على وظيفه رسميه باحدى الشركات الكبيره

تكفون شباب بغيت اي وظيفه

والله يجزاكم الف خير

 

[general]

اخي العزيز شرايك تسجل بالديوان ترا تقدر تسجل بالديوان وبالشهاده الي عندك وترا التوظيف سريع صاير , بشرط لازم يكون عمرك معدي الـ 25 سنه (اذا ماعندك دبلوم بعد الثانويه) لكن ان كنت اقل من 25 سنه وماتقدر تسجل بالديوان وتبي تشتغل بشركه رسميه أنصحك
تقدم على التسهيلات التجاريه , الخليج للتأمين , البنوك , مشروعات السياحيه (حكومي) , المرافق العموميه (حكومي) .
وغير هذا ما نملك لك الا الدعاء من صميم القلب

 

[دواس علف]

اخي الغالي مشكور يااخوي على ردك ومساعدتك لي
يالغالي بخصوص التسهيلات التجاريه , الخليج للتأمين , البنوك
هل يقبلون شهادة المتوسط اللي عندي ؟

 

[general]

يبحون المتوسط اكثر من الجامعي لان بيوفرون على انفسهم رواتب العاليه

 

[ياسر الروقي]

دش العسكريه افضل لك من الشركات
خاصه وان شهادتك متوسطه
وان دخلت كمل دراستك لين تخلص الجامعه كل شي بتوفيق الله سبحانه وتعالى
ثم بعزيمتك لا تقول مستحيل كل شي يصير والايام سريعه والدراسه اسهل من قبل
تقبل تحيات اخوك

 

[بدون مجامله]

دش العسكريه افضل لك من الشركات
خاصه وان شهادتك متوسطه
وان دخلت كمل دراستك لين تخلص الجامعه كل شي بتوفيق الله سبحانه وتعالى
ثم بعزيمتك لا تقول مستحيل كل شي يصير والايام سريعه والدراسه اسهل من قبل
تقبل تحيات اخوك

رايك سديد

 

[دواس علف]

السلام عليكم
الف شكر لكم يااخوان على الردود يعطيكم العافيه
اخواني منو يعرف وين يتم التقديم عند التسهيلات ؟

 

[بوعمر2]

ادخل موقع جريه الراي على النت

وظائف شاغره يوجد اكثر من 300 طلب متفرقه وظائف حكوميه وبنوك وشركات اسرع والله يوفقك..​

 

[دواس علف]

مشكور اخوي ابو عمر على ردك
بس للاسف يالغالي ولا وحده من الوظائف طالبين شهادة متوسط وفوقها دبلوم كمبيوتر 9 اشهر

شباب تكفون بسالكم بخصوص الكول سنتر بالبنوك
يصير شهادة متوسط ؟
تكفون شباب ردو
وشكرا

 

[general]

البنوك ماتوظف متوسط بالكول سنتر وبالنسبه للتسهيلات تروح مقرهم الرئيسي في شرق عند دوار شئون القصر

 

[وقاص]

والله ياخوي مثل ما قال الاخ الي فوق

دش العسكرية راتب قوي وشي طيب

بس نصيحة لاتكمل عمرك كله فيها

هم ارد اقول مثل ما قالوا الاخوان كمل دراسه وانت موظف

وتالي اطلع روح مدني وحول مده الخدمة الي بالعسكرية وربك كريم

اذا تبحث عن الراتب القوي مالك غيرها

بس الافضل داخليه

انحش من الجيش

واذا تدور الراحة وتربية الكرش روح المطافي راتب حلو وقطية مع الربع طباخ هندي كان يشتغل بالسعوديه

ودق بـ هـ العيوش

مندي ورى مندي

ومن ضيقة الخلق ما تلقى شي تسويه غير القعده عالكراسي برا ومطالع بالرايح والراد


لي واحد من الربع شهادته متوسطه ودش الجيش وكمل دراسه ولما خلص استقال

والحين مدني وللحين يكمل دراسه ومو مخلي دورة الا لازق فيها وربك ما قصر معاه عطاه على قد نيته

وانا اتمنالك كل خير بس الاهم استشير والدينك والاقرب لقلبك بعدها استخير ومثل ما قلت ربك ما ينساك ابد لو اخلصت بالدعاء

 

[قناص_السوق]

الله يجزاك اخير اخوي وقاص و انا من المؤيدين لنصيحتك

 

[kkuwait]

انا والله مؤيد حق الاخواان روح الداخليه فيها اماكن حلوه اريح من الجيش والحرس

 

[الشكوىى لله]

قدم على الديوان ..
واختار الأدارة العامه للجمارك (الجوازات)
وظيفة حكوميه إبركلك نصيحه للهـّ...

 

[weld.q8]

اخوي سجل بالهيكله راح اطلعون لك وظيفه وبنسبه للبنوك في بعضهم يقبل المتوسطه مع الدوره اما بنك بو بيان يقبل متوسطه + دوره سنتين على الاقل وكون عندك لغه اشويه.. بالتوفيق ان شاء الله