واقسم بالله بعد ما أصفي محفظتي لا أروح للسوق السـعـــــــودي أبرك من سوقنا الدايخ

[وين المليون]

تصفية المحفظة بعد ما ترجع خسارتك هذا صعب ومشواره طويل .
الخروج من السوق الكويتي بهذه الأسعار الحالية خطاء لأنك خسران .
الدخول على السوق السعودي بعد أخرافة لقمم 11 شهر صعود خطاء حتى ولو للمضاربة .
الخروج من السوق وقت الضيق والانفعال خطاء حاول الابتعاد عنه .
أصبر أصبر لعلك تجد الفرج من عند رب العالمين .

نصيحة أخ لأخيه لا تستعجل باتخاذ القرار عند وجود هذه الحالات ربما تقع في خطاء أكبر .

 

[frozen]

تكفة خيي لاتخلي سوقنا لان سحب فلوسك راح ياثر علي اقتصاد الكويت ارجوك خلك

اي ياخوي الله يستر اذا كان جاد معناته اقتصاادنه بااي بااي راح تشوف المؤشر 3000

 

[سرور]

دربك خضر ولكن عن نفسي فلوسي بديرتي راحت الفلوس والا يات

 

[BMW2007]

راااااااااس الماااااااال العاااااافيه والفلوس تروح وتجي................لو تجري جري الوحوش غير رزقكك مااتحووووووش........(( لو اعلم الغيب مامسني سووء واستكثرتو من الخير)).......

طيع شوري واارركد خلك في السوق ابركلك.....

والله يوفق المسلمين

 

[ابن عمير]

والله لهو قسم عظيم

مشكورررررين ياجماعة الخير على شعوركم الطيب ونصايحكم لكني اقسمت بالله لاروح للسوق السعودي واضارب كل يوم وطلع الي ماطلعته بالكويتي

ادخل غرف المحادثه paltalk القى عشرين غرفه والكويتي حتى غرفه مافي
اروح مواقع بالنت القى عشرين موقع يتكلم عن السوق السعودي مثل موقع ارقام الي كل يوم يحط لك تغيرات كبار الملاك عندهم بالكويتي ماتحصلها الا بفلوس من مركز الجمان وتحديثها بالنسبه لي اشك فيه انه متاخر
بغرف المحادثه وبالمنتديات السعوديه دققت ولاحظت ان كثير من التوصيات مع التحليللات ماشيه زي اللوز على قولتهم واحنا اهني ربعنا يختلفون على هدف مافرق بينهم الا 1 بالميه
شوفوا شلون افضحوا راعي شركة البيشه الزراعيه هناك وغرموه واسجنوه يتجرأون ربعنا على سجن مدراء المحافظ الي يطلعون علنا بالجرايد يجذبون هذا غير الشيخ المصطنع صاحب الفخامه الي عندنا استثمارات في لبنان وفنادق في المغرب صاحب الفلم الاطول في العالم من افلام المكسيكيه والتركيه والي سخر كل وسائل الاعلام حتى الافريقيه في دعم خياله وهاهو سهم حتى 2 مليون سهم ماقمنا نشوف
منو يقدر يحاسبه ويقوله انت كذبت وانت حرامي

بلاوي متللتلتلتله بسوقنا شيقعدنا خلو سوقنا حقهم يلعبون فيه بروحهم خلونا نشوف حلال عيالنا

احنا عايشين عشان نورث حق عيالنا احنا شفنا شي بحياتنا خلونا نخلي عيالنا يشوفون شي بمستقبلهم وان كان بره الكويت ومع الاسف

كلام مؤثر لكني حاولت اقول كل الي بخاطري

اخي العزيز كفر عن يمينك وخلك بالكويتي احسن ...صج في حسد بس بالقوانين يبقى احسن ...
(ومن يستطيع محاسبة الامراء)

 

[صايد الفرص]

وسع صدرك بالغالي ولا تستعجل بتصفية محفظتك في الوقت الحالي وانت

خسران ,انتظر حتى تسترجع نسبه كبيره من راس المال.

الله يوفقك

 

[ضويحي]

السلام عليكم -- شباب اذا ابي ابطل حساب بسوق القطري او السعودي شلون الطريقه ممكن شرح مفصل وشلون اتداول بالكويت الصراحه موضوعك شدني الي الذهاب الي الاسواق الخليجيه - عطني ايدك وهيييييييييا بنا نذهب بس ناطر الشرح

 

[mtc3]

رغم خسارتي
السوق الكويتي أفضل اسواق الخليج

صح لسانك و اكثر سوق منضبط و متوازن باقي اسواق اخوننا الخليجين تفتقر للتوازن يعني ترتفع فجأة و تطيح فجأة ما تدري لية

 

[أبو قتاده]

حين ما ترى اليأس

تأكد أن الفرج قريب

 

[Shima]

رويدا رويدا يا أخي عشره على عشرة
ما طاح الا انبطح.​

وبعدها يقعد يحوبي ,,


مافهمت يعني شنو ماطاح الا انبطح يعني متى نقوم نمشي فيها مشيه ولالا ,,

صج سوقنا مريييض ,, الله يشفيه ,,

 

[بو حمد 12]

الواحد مايدري وين رزقه يمكن رزقك بالسوق السعودي جرب---------والحيات تجارب والله يرزقك ويعوضك

 

[net1]

يكفي انك تشتغل بعيد عن ديره الحسد ولا تاجر ايحسد مواطن ليش ولا ديره بالعالم تاجر ايحسد مواطن العاده المواطن ايقول الله لو عندي فلوس مثل التاجر فلان ولا علان الا الكويت تنفرد ابخصله ماهي موجوده بالعالم (التاجر يحسد المواطن ) طبعا حتى على دشداشته

اي والله حتى ودهم الكل مفلس الا اهم

 

[ريكاندو]

ما عليه الواحد يحط بفلوسه لشركة زينه وفعدها المادي زين والله كريم انشالله على مدى السنين البعيده مع توزيع اربااح هذا اذا فكروو يوزعون ارباح بعد هالازمه والله ولي التوفيق
بس سووق السعودي مضبووط ارباح مل نص سنه شي طيب

 

[بحرري]

اي ياخوي الله يستر اذا كان جاد معناته اقتصاادنه بااي بااي راح تشوف المؤشر 3000

يا جماعه ليش الطنازه على الريال اهو من الحره الي فيه قال جذي وانتو بعد تزيدونه حره وقفو مع اخوكم ونصحوه مو تطنزون عليه الله يهديكم بس

 

[يوسف خالد]

راح فيها السوق السعودي


ربعنا وانعرفكم الإسبوع القادم السوق السعودي أحمر وبقوة يابوووووه

 

[الصدق منجاة]

يكفي انك تشتغل بعيد عن ديره الحسد ولا تاجر ايحسد مواطن ليش ولا ديره بالعالم تاجر ايحسد مواطن العاده المواطن ايقول الله لو عندي فلوس مثل التاجر فلان ولا علان الا الكويت تنفرد ابخصله ماهي موجوده بالعالم (التاجر يحسد المواطن ) طبعا حتى على دشداشته

هههههههههه والله انك صاج التاجر قرصه بناره وعينه بجاره

 

[هداف]

دير بالك اخوي انا اعرف اصدقاء خسروا ثلاث ارباع راس مالهم بالسوق السعودي

انا عندي تداول بالسوق الكويتي والسعودي والقطري و الاماراتي والمصري

بس عمري مافكرت اتداول فيهم اللهم الكويتي والاماراتي بس

السوق السعودي كان فوق ال 20000 نقطه وانهار

ولما ينزل مو مثل اسواق العالم انا اذكر انه نزل مره 1000 نقطه مره وحده

فدير بالك واذا تبي خلك بسوق دبي ترى حلو وقوانينهم اشد من الكويت والسعوديه وتوزيعاتهم هم

حلوه وبالتوفيق

 

[بو فلسين]

الامريكي واقطع ناطر راس مالي يرد ونحشه للامريكي

 

[B.I.G]

يا خوي كلامك في شي كبير من الصحه إن سوقنا إييب المرض والدليل

اعطيك مقارنه بين الأسواق الثلاثه الآتيه خلال شهر 9 بس (الأدنى والأعلى والإغلاق)

الأدنى الأعلى الإغلاق​

السعودي 5580 6322 6322

الأمريكي 9280 9917 9712

الكويتي 7610 7900 7817 ​

طبعا سوقنا مكانك راااااااااوح وماكو مقارنه بس ما نقول إلا الله كريم

وإغلاق ثاني يوم بالشهر نفس إغلاق نهاية الشهر 7816 ههههههه يعني من اول الشهر لي آخره ما تغير

إنزين صكروا السوق إذا ما تبون تحركونه......!!!!!

وانا أأيد كلام الشباب إن لا تستعجل وسوقنا يبقى الأفضل وله دوره

وبالنهايه الحلال حلالك وإنت ابخص فيه

تحياتي

 

[أبو فهود]

ماتنلام السوق السعودي من بعد العيد وهو مخضر الاحنا محمر الله يكفينا الشر زين سؤال ليه اذا ارتفع السعودي ننزل واذا نزل السعودي ننزل زين شنو سبب النزول بالوقت الحالي ابي رد