تخيل لو أبوك وأمك معنا بالمنتدى ,,,

[yoyo1983]

السلام عليكم

طبعا كلنا نعرف ان كل عضو له اسلوبه وطريقته في الحوار والتعامل مع جميع زملاءه من الاعضاء في المنتدى



اللي ودي أعرفه


وش بتكون ردة فعلك لو امـك او ابوك مشاركين معنا بالمنتدى ؟



هل تتوقع /ـي بيتغير اسلوبك وطريقتك بالحوار؟؟



وهل تكونون فرحانين او متضايقين من هالشي متضايقين مره وحده بس اقصد ودكم انهم يكونون مو موجودين ؟؟



اتمنى اني اسمع ارائكم بهالموضوع



وشنو تتوقع راح يكون اسمائهم في المنتدى ؟؟


واي قسم راح يكتب فيه ابوك اكثر شئ ؟؟


وامــك وين راح تكون متواجده ؟ يعني في اي قسم ؟


انتظر ردودكم ​

 

[Winchester SX3]

عاد أبوي يمدح المنتدى وربعه بالدوام داشين فيه وسويتله أكاونت بس ليلحين مادش فيه

وأبوي الله يطول بعمره يحب قسم المتفرقات والأجهزه الكهربائيه

وعادي الأسلوب واحد مو متغير

الإحترام للنفس قبل الغير هذا المهم

 

[النجدي2007]

اتوقع اسم ابو في المنتدي ( ابو النجدي )

 

[الهمس الخجول]

أمممممممم إذا ماماتي موجوده أكيد بتكون في قسم المشتريات إذا باباتي موجود أكيد بيتابع الأسهم _صراحه فلهـ أضيف باباتي عندي ع الماسن وأطيح معاه سوالف ليل نهار وهو مايدري إني بنته !!!

 

[قلم حر]

ابوي ميت الله يرحمه

امي لو معانا اكيد راح يكون معرفها بنوته عسل
ويمكن راح تكون بقسم المركبات شريطيه ​

 

[جامعي]

انا ابوي وامي مايعرفون للكمبيوتر
بس انا افضل ان ماحد يعرف لقبي لان هذا شي خاص فيا واكتب الاي بالي واكتب من دون مجامله ومشكورين

 

[NICK]

ابوي ميت الله يرحمه

امي لو معانا اكيد راح يكون معرفها بنوته عسل
ويمكن راح تكون بقسم المركبات شريطيه ​

لووووول


انا عن نفسي فاعد اتخيل امي قاعده على الجهاز واضحك اهي تلفون يالله تعرفله بس لوو يعني لو

اتوقع نكها بنوته هكرز

 

[zoya_y]

عادي خل يكونون موجودين

بس مابي يعرفون نك نيمي لانه راح حس نفسي مقيده بالرد

مادري يمكن يمكن

 

[NoOoOoR]

ابوي ميت الله يرحمه

امي لو معانا اكيد راح يكون معرفها بنوته عسل
ويمكن راح تكون بقسم المركبات شريطيه ​

لووووول


انا عن نفسي فاعد اتخيل امي قاعده على الجهاز واضحك اهي تلفون يالله تعرفله بس لوو يعني لو

اتوقع نكها بنوته هكرز

أمهاتكم مو هينين الله يخليهم لكم

 

[العاشق]

ماعتقد امي وابوي يشاركون بالمنتدى لسبب 00


لي أنهم لاهين

أبوي بالمدونه

وامي برسالة الدكتوراه في المجبوس

 

[acton]

ابوي الله يرحمه لو موجود جان عرفته على الشباب الطيبين والشابات الحلوين
امي مرات تقرا اللي كاتبه وتضحك تقول غشمرتك واصله حتى بالدقم واقولها كله دقمه بالكي بورد لها ابتسامه مني ​

 

[نواره1]

والله أمي حبيبتي مسكينه .. مع إنها تقرا وتكتب .. لكنها حتى التلفون ما اتعرفله ...

أما أبوي .... ازكرت ... وكل شيء مدخل نفسه فيه .. وكل شي هو فاهمه .. و يا حبه للتفلسف .. فأتوقع يتنقل بين المواضيع و خاصه مواضيع البنات .. ويقعد يتفلسف ليما يسكرون الموضوع بسبته ...

 

[فضل]

والله أمي حبيبتي مسكينه .. مع إنها تقرا وتكتب .. لكنها حتى التلفون ما اتعرفله ...

أما أبوي .... ازكرت ... وكل شيء مدخل نفسه فيه .. وكل شي هو فاهمه .. و يا حبه للتفلسف .. فأتوقع يتنقل بين المواضيع و خاصه مواضيع البنات .. ويقعد يتفلسف ليما يسكرون الموضوع بسبته ...

الله يقطع ابليسج

الشايب قلبه خضر ، عسى الله يخليه لكم ويمتعه بشبابه ​

 

[azooooz1]

انا امي ما تعرف حق الكمبيوتر بس يمكن ابوي يكون موجود وانا اتوقعه قلم حر

 

[سيف راكس]

امي على الاقسام الاسلاميه ..............ابوي راح شكثر يحب يزعجني بالمغازل زكرت

 

[acton]

انا امي ما تعرف حق الكمبيوتر بس يمكن ابوي يكون موجود وانا اتوقعه قلم حر

انا متاكد ابوك قلم حر وعندك اخوان وايد يشاركون معانا بس يخافون يقولون ابونا قلم حر
عمو قلم حر الحين ماقدر اتحرش فيك اعيالك كلهم معضلين ​

 

[قلم حر]

انا امي ما تعرف حق الكمبيوتر بس يمكن ابوي يكون موجود وانا اتوقعه قلم حر

انا متاكد ابوك قلم حر وعندك اخوان وايد يشاركون معانا بس يخافون يقولون ابونا قلم حر
عمو قلم حر الحين ماقدر اتحرش فيك اعيالك كلهم معضلين ​

اكتن كله مستعجل
صبر خلنا نتأكد

عزوووووز اشلونك
عن الفضايح ومحروم من المصروف يومين
انا لي فتره اقص على دنياء غريبه اقول لها عمري 17 وانت فضحتني​

 

[الصاحب الاول]

طيب ايش رايكم نقولها بالمقلوب بالنسبه لي

ليش ماتقولون انا ويا عيالي بالمنتدى مثلا

بصراحه لي شخصيا انا كنت اتصفح بالنت منذ سنة 1994 من خلال الدوز ايامها ههههه لاتقولون شايب تراني بمنتصف العمر وفيني طاقه حب الاطلاع على كل شيء والحمدالله

سنة 1996 طلع نظام المتصفح الجديد وطلعت شركة الخليج وكان الاشتراك الشهري وقتها 45 دينار شهريا

اول ماطلعت شركة كوالتي نت سنة 1998 تقريبا بدانا في عمل اول منتدى وكانت مشاركاتنا انذاك كثيرة بس ماكانوا الكويتيين كثيريين وقتها

تعلموا عيالي شويه شويه حتى صاروا يديرون المنتدى عدل خلال اسبوع ههههه

كان بعض الحاقدين من بعض دول الضد انذاك يسبون اهل الكويت وكنا ماسكين خفارة وقتها هههههه نمسح بسرعه اللي يقولونه عن الكويت

اللحين ماشاء وتبارك الرحمن الشباب ( عيالي ) انا وياهم وحتى امهم بعد وعيال اخواني وخواتي كلهم نتقابل بالمنتديات وبعد قاعدين نسولف ونتغشمر مع الجميع
كاننا اسره واحده ولله الحمد ووين مايروحون عيالي اروح وياهم ونتغشمر بالسوالف الحلوه ومقزرينها

بس ها كنت اقول حق عيالي دائما واركز عليهم :

المنتديات فرصة كبيرة جدا لكسب الاجر ونشر الخير وتعلم الخير فخلوها شاهد لكم وليس عليكم يوم القيامه

المهم ان شاء الله ان كان الله تعالى اعطاكم العمر فسوف تشاهدون اولادكم زملاء لكم بالمنتديات ومااجملها من زماله

اهم شيء تزوجوا بسرعه وانجبوا الاولاد .... تراهي زينة الحياة الدنيا وربوهم على طاعة الرحمن وادعوا الله بان يهديهم ولاتنسون الاستمرار على النصح وبذل المجهود لكي تثمر هذه الشجره المباركه بالخير

انا ولله الحمد وبصراحه ومن باب الميانه العائليه اللحين نقعد نتطارح شبه يوميا بالدوانيه مع عيالي ههههه

ادعولنا بالبركه يااخوان وعسى الله يعطيكم مثل ماعطانا

مشكووور ياسويت

 

[سيف راكس]

اهم شيء تزوجوا بسرعه وانجبوا الاولاد .... تراهي زينة الحياة الدنيا وربوهم على طاعة الرحمن وادعوا الله بان يهديهم ولاتنسون الاستمرار على النصح وبذل المجهود لكي تثمر هذه الشجره المباركه بالخير
والله العظبم ربيناهم على تحفيظ القران والصلاة... تعذبت معاهم وامهم تخاف الله والحمدلله انا على خلق وامهم اشهد الله على خلق واتغشمر معاهم مايرضون حتى لوامسك واحد فيهم سبحان الله تحس يكش مني ماني عارف لكن شوفني مع اولاد اختي شي عجيب مع اولاد اخوي عجييييييييييييييييييييب لكن معاهم شي موطبيعي وانا راظي فيهم واحبهم مهما يسون كل واحد عندي حر نفسه ياجبل مايهزك ريح اهم شي نفسيتي ترتاح .... وقول الحمدلله ان اعيالك مثل ربعك والله يباركلك فيهم (( ملاحظه .. اشهد الله اني ادعي هذا الدعاء بكل صلاه... اللهم اصلح ذريتي وأعنهم على طاعتك وحسن عبادتك واجعلهم قرة عين لي في الدنيا وفي الاخره(( لما تحب وترضى))اللي بين قوسين ليمن قلت الدعاء هذا في الحرم قال الشيخ وقل لما تحب وترضى.

 

[away1979]

ابوي متوفي الله يرحمة من زمان

وعن امي الله يخليها لي مستحيييييييييل اتخيلها التلفون ويالله تعرفله

بس إلي اعرفه عندها إيميل وإيميلها >> My mother@hotmail.com ​