أرجو المساعدة والنصيحة

الحالة
موضوع مغلق

أحمد ظاهر

عضو نشط
التسجيل
6 يونيو 2007
المشاركات
3,155
الإقامة
الكويت

بسم الله الرحمن الرحيم

الاخوة الاحبة .. السلام عليكم ورحمة الله

المثل يقول: ما خاب من استشار

فأنا ابي استشيركم وابي تنصحوني .. الموضوع يخص شخص عزيز وغالي علي حيل .. الاخ هذا مقيم عربي - بدون ذكر الجنسية - يقيم بالكويت من أول السبعينات .. وهو من "ذوي الاحتياجات الخاصة" .. اقامته على شخص جزاه الله خير سواها له مساعدة لوجه الله تعالى وسامح له انه يلقط رزقه براحته وين ما يبي.

المهم هذا الاخ الحين يبي يشتري سيارة بالاقساط .. لكن عشان ما عنده شهادة رصيد ولا كشف حساب .. فمن سنين مو عارف ولا قادر .. كان واحد من اصحابه جزاه الله خير معطيه سيارة يطقطق فيها لغاية ما قامت ماكينتها وتصليحها يسوى ثمن سيارة جديدة .. والحين شغله واقف ومتعطل بسبب عدم وجود سيارة .. تدرون الواحد بدون سيارة ما يسوى شي :)

اسمحوا لي طولت عليكم لكن عشان تكونوا بالصورة .. فشنو تنصحون وشنو يسوي .. ووين يروح

في انتظار اراءكم السديدة .. ونصيحتكم الكريمة

وجزاكم الله خير

:)
 

BOSHHAB

عضو نشط
التسجيل
3 أبريل 2009
المشاركات
290
الإقامة
KUWAIT
في سيارات حلوين حق المشاوير و الكرف على 200 و 300 دينار شفرات وفوردات

والمثل يقول مدرجولك على قد لحافك وماله داعي اقصاد .. والله المستعان
 

أحمد ظاهر

عضو نشط
التسجيل
6 يونيو 2007
المشاركات
3,155
الإقامة
الكويت
جزاك الله خير يا بو شهاب على المرور وعلى النصيحة

يا غالي هالسيارات اللي تقول عنهم لو نظاف يكونون نادرين جدا جدا .. واللي موجود يحتاجون اضعاف هذا المبلغ للترقيع :)

ومن ناحية ثانية .. حتى هذا المبلغ ما عنده اياه :)

هو يدور سيارة محترمة ما تقف معاه بالشارع ويكون سعره زين وقسطها قليل

عموما مشكور مرة ثانية .. وجزاك الله خير .. والله يصلح حاله وحالنا وحال امة محمد

:)
 

Low Fat

عضو مميز
التسجيل
2 سبتمبر 2009
المشاركات
3,276
الإقامة
قطعه 13
بسيطه

يشوف احد من اقاربه او معارفه او اصحابه او الشخص اللي كافله او انت
يشتريله سياره ويتكفل بتسديدها وماله داعي فلسفه زايده وشكرا
 

أحمد ظاهر

عضو نشط
التسجيل
6 يونيو 2007
المشاركات
3,155
الإقامة
الكويت
فلسفة زايدة!!!

جزاك الله خير على النصيحة
 
الحالة
موضوع مغلق
أعلى