المكالمات ..موضوع مهم

[khaled_y]

موضوع عن المكالمات ..شلون الواحد يثبت ان المكالمات الي دفعها هي المكالمات الي استخدمها صحيحة؟
الفواتير الي تصدر من الشركة ...كافية؟ وكيف نثبت ان صحيحة او لا؟

اذا كانت صعب اثباتها.!!! ليش الحكومة ماتدخل بوقف الشركات الي ماتعطي الطريقة الي مستخدميها لاثبات صحة مكالماتهم بالشركة...

 

[fayoona74]

صعب الاثبات لان الشركة تطلعلك ستين الف عذر عشان تثبت انها صح

واذا بتثبت بييييييييييه العملية صعبة تعال طلع برنت بالمكالمات واحسب جم دقيقة تكلمت واضربها بسعرها واذا كانت وقت ذروة تختلف واذا مسجات حسبتها غير واذا مكالمة خارجية هم غير ووو

اقول استخدم كروت احسن واستخدم خط التلفون ارخص بوايد

 

[khaled_y]

والله غريبة....مافي احد رد الا الاستاذه فيونه؟!!!!!!!!!!!!!!!
معقولة الواحد مايقدر يعرف بجم متكلم وهل فواتير شركة الاتصالات صحيحة ولا لا؟ وين قاعدين احنا؟!!!!!!!!!!!!!!!!!!!!!!!!!!!!!!!
ياجماعة الطرف الاقوى في التعاقد هو الشركة....عليها ان تثبت ...وتخلي العميل يطمئن ..يعني لازم يكون في شفافية....

 

[general]

اخوي كلام الاخت فيونه صحيح
انا من مشترك بخط فواتير عند شركة ,,,,,,,,,,,,,,, الصراحه عميل قديم عندهم انا وتيني فواتير شهريه لاتقل عن 150 دينار لكن في احد الاشهر شكيت بالموضوع واتصلت على خدمه العملاء قالوا لي مايطلع لك برنت الا بطريقتين (النيابه , المخفر , اعتراض على مبلغ) انا رحت الشركه مقرهم الرئيسي في ,,,,,,,,,,,,, قلت معترض على الفاتوره وفعلا عطوني البرنت وقعدوني مع 3 محاسبين كل واحد نظاراتهم قاع جبن قلاسات . ومعاهم الات الحاسبه والكمبيوتر صدقني طلعت من عندهم وانا متفشل و ماي ويهي راح , والسبب جاوب بنفسك

1- هل تعتقد ان مقعدين موظفين يزيدون على فواتير مليون أو مليونين مشترك .
2- هل تعتقد شركه راس مالها بالمليارات تي تزود عليك مكالمات وفي فضيحتها باجر المحكمه تحكم لصالحك وتنفضح الشركه وتخسر مليون أو مليونين مشترك ؟؟
3- هل تعتقد ان نظام احتساب الدقائق والتكلفه تتم بطريقه يدويه ؟ ؟
4- هل تعلم ان الدقائق تنحسب بالكمبيوتر وتلقائيا يتم احتساب التكلفه يعني لغه كمبيوتر ولغه الارقام عمرها ماتخطأ

اسمح لي الكل وسواسين نفسك وانا كنت اولكم لكن فعلا ترا مافي لعب والواحد يسولف بالتلفون ومايحس واخر شي يلقي اللوم على الشركه

 

[khaled_y]

general
هل تعتقد ان مافي احكام صدرت ضد الشركة بسبب المكالمات؟
احب اكدلك ان في احكام بهالخصوص
انا بسئلك ...هالشركة الي اصلا انفضحت مع ذلك الناس مستمرة فيها لان عرفت شلون تجذبهم مره ثانية " مو هالشركة الوحيدة في الوطن العربي بل والعالم الي كانت تحسب مكالمات بطريقتين سواء انت متصل او متصلين فيك؟ ليش ماخسرت الناس؟ لان تدري ان عندها خدمة الناس محتاجينها وعدلت من مميزاتها فستمررو الناس معاها....المفروض ترد كل الفلوس الي خذتها بالنظام القديم ...
بخصوص ان نظام احتساب الدقائق والتكلفه تتم بطريقه يدويه ..لا بطريقة كمبيوتر ..لكن السؤال هل يمكن التحكم بالكمبيوتر : انا اجاوبك نعم ...بدليل عندهم قدرة على ان الكمبيوتر يعدل لاحتساب الاجزاء من الثواني (كمكالمة كاملة) .او احتساب الثانية مثل الدقيقة (كمكالمة كاملة)
....اخيرا وهذا المهم...انا سؤالي واضح ......ليش ما الواحد يقدر يحسب مكالماته بنفسه ؟!!!!!!!!!!! ويدفع وهو مرتاح

 

[general]

general
هل تعتقد ان مافي احكام صدرت ضد الشركة بسبب المكالمات؟
احب اكدلك ان في احكام بهالخصوص
انا بسئلك ...هالشركة الي اصلا انفضحت مع ذلك الناس مستمرة فيها لان عرفت شلون تجذبهم مره ثانية " مو هالشركة الوحيدة في الوطن العربي بل والعالم الي كانت تحسب مكالمات بطريقتين سواء انت متصل او متصلين فيك؟ ليش ماخسرت الناس؟ لان تدري ان عندها خدمة الناس محتاجينها وعدلت من مميزاتها فستمررو الناس معاها....المفروض ترد كل الفلوس الي خذتها بالنظام القديم ...
بخصوص ان نظام احتساب الدقائق والتكلفه تتم بطريقه يدويه ..لا بطريقة كمبيوتر ..لكن السؤال هل يمكن التحكم بالكمبيوتر : انا اجاوبك نعم ...بدليل عندهم قدرة على ان الكمبيوتر يعدل لاحتساب الاجزاء من الثواني (كمكالمة كاملة) .او احتساب الثانية مثل الدقيقة (كمكالمة كاملة)
....اخيرا وهذا المهم...انا سؤالي واضح ......ليش ما الواحد يقدر يحسب مكالماته بنفسه ؟!!!!!!!!!!! ويدفع وهو مرتاح

اخوي العزيز انا مادافع عن شركات الاتصالات واكرهم اكثر ما انت تكرهم بس اتحداك تيب لي حكم صدر ضد شركه اتصالات بأنها زودت مكالمات على العميل (تلاعب) خبر مثل هذا ينزل بجريده ممكن الشركه تدفع ملايين تعويض ولا ينزل الخبر بجريده وهذا كلام خطير
ثانيا بخصوص المكالمات الي تتم خلال ثواني وتنحسب دقيقه فعلا هذا كلام صحيح وقاعد يحصل لكن الظاهر الحسبه مالتهم مع فتح الخط لذلك اقل شي يحسبه عليك دقيقه
وثالثا وان حبيت تحسب مكالماتك اعلمك طريقه صفر فاتورتك (ادفعها بالكامل ) وصفر عدادات المكالمات (بتلفونك) واحسب

يعني مثلا انت مشترك بخدمه 1600 دقيقه بالشهر وتدفع 30 دينار
تروح تصفر عدادات المكالمات (مادري ان تعرف من وين تحصله )
وتبلش تتكلم لنفرض تكلمت خلال اسبوعين 1000 دقيقه (يعني 16 ساعه ونص تقريبا) فورا تتصل على خدمه العملاء وتقول لهم اخوي جم دقيقه مجانيه باقيه لي راح يقولك 600 دقيقه (هني تعرف ان الحسبه اوكي) ان قالك 400 أو 300 هني يعني لعب وترفع قضيه فورا بس من ناحيتي راح تشوف حسبتك ضابط مع حسبتهم بالثانيه الوحده

 

[Se7T]

احد اصدقائي اتصل على صديقة في النرويج فقط رن تيلفونه رنة وفصلة
شركة زين خصمت عليه 750 فلس
وقدم شكوى وسالفة طويلة اخر شي قالوله راجع الفرع الرئيسي وكلم المدير !!! على 750 فلس

انا في السابق ادف شهريا مابين 60 الى 80 مكالمات رغم ان مكالمات مو كثيرة
حولت لشركة فيفا شهريا ادفع 25 الى 30
وفرنا ماجلة للبيت
شركة فيفا بموقعهم تدش على سجل مكالماتك تشوف كل ثانية تكلمت فيها
وافهمومها والمستغفل بيتم مستغفل ويستاهل الطق على الراس

 

[Administrator]

نصيحه للجميع ...

اذا تبي تروح تدفع ابتسم قبل لا تدفع .....

لأنكـــ ما راح تصيد عليهم شي ....