هل يجوز قانونيا شراء سياره بالاقساط وبيعها كاش ؟

[ساحل الليل]

السلام عليكم ورحمة الله وبركاته

اود شراء سياره بالاقساط وبيعها كاش

فهل يسمح القانون بذلك ام انه ممنوع الا بعد سداد الاقساط على السياره

بانتظار اجوبتكم اخواني

ولكم مقدما جزيل الشكر والتقدير

 

[محمد خليفه]

بسم الله الرحمن الرحيم

ممكن تبيعها برّه

ماتقدر تبيعها لا بالكويت ولا دول الخليج

ممكن بره

بس احذر لا تندفع مو اي سياره تمشي

الي اعرفه المرغوبه

اللاند كروزر والبرادو والكامري ( القديم )

يعني حسب المبلغ الي محتاجه

وهم احذر من اللون مو اي لون مرغوب

المرغوبين الذهبي البيج والابيض

والله يوفقك

 

[بدون مجامله]

عندك معرفه في بيت التمويل يعطيك كتاب براءة ذمه يحق لك بيعها كاش

 

[ساحل الليل]

الف شكر لكم اخواني على المرور
اخوي بدون مجامله انا باخذها من شركة سيارات مو من التمويل يالغالي
فممكن توضح يالغالي ؟

 

[بدون مجامله]

ياغالي واحد من الشباب احتاج فلوس راح بيت التمويل وعطاه براءة ذمه انه يسمح له ببيعها كاش وباعها والمديونيه لازالت عليه ...على حسب الشركه ان كانت اعيان او اصول او دار الاستثمار تشوف لك من المدراء يعطونك براءة ذمه وتبيعها كاش هذا الي اعرفه

 

[الموحد1]

وللعلم هذه افضل طريقه شرعيه للتورق

وسمعت ان بعض الشركات يقبلون بمثل هذه الطريقه بحيث يكتب بدفتر السياره غير مطلوبه للأقساط وذلك للحث على الشراء وياليت احد يأكد هذا الخبر

 

[زقرتي 7]

والله يا خوي انا قبل جم يوم صارلي نفس الموقف كنت باخذلي سياره مطلوبه حق التسهيلات
وادفع المبلغ كاش لصاحبها ويستمر صاحب السياره بدفع المديونيه

حاولنا فيها لي لم عيزنا ماكو فايده يقول لنا المسؤل هذا قرار يديد من المركزي قبل كان يصير بس حاليا ما تقدر وهالقرار علي كذا شركة مو بس عليهم وهم عندهم قرار نازل لهم من المركزي علي كلام المسؤل حق الموظفين في القطاع الخاص لازم يكون له كفيل شغال بالحكومه ول ما يعطونه سلفه طبعا هذا بالنسبه للشركات امن البنوك عادي

عموما ما يمنع تتاكد بنفسك

 

[z-75]

اخوي هذي الطريقة اسمها

تكييش

ممنوعه وفيها تلاعب على القانون

لأن حسبة فايدة اقساط السيارة تختلف عن القرض

وانت تبي فلوس كاش يعني قرض ولها فايده معينه

نفس طريقة اللي عنده بطاقة فيزا ويبي كاش يروح محل ويتفق وياه على انه يشخط ببطاقة الفيزا من المحل على بونه شرا شي وياخذ كاش من الصندوق وبهذه الطريقه ماراح تنحسب عليه فايدة سحب الكاش واهيه معروفه انه عمولتها عاليه بمقارنة بطريقة السحب الألي من فلوسك الموجوده بالحساب

فهذه الطريقه بقوانين البنوك اسمها احتيال على البنك نفسه واذا اكتشفت يتم رفع قضية على المحل اذا اثبت تورطه مع سحب جهاز الفيزا من المحل واغلاق حساب العميل مع سحب البطاقه منه.

بأن تم فعليا تفنيش موظفين يعملون في بعض شركات التقسيط يكيشون السيارات حق الشريطيين وياخذون عموله

سلام