عندى شيكات بدون رصيد

[bmw740]

عندى شيكات بدون رصيد و فيها ضبط و احضار من النيابة بس مو عارف اشلون اصيد الشخص ( عنده شركة فى الشويخ و متخفى و بيته بالقرين ) ساعدونى يا شباب . المباحث قالولى قولنا موجود الحين فى هالمكان انى و نقبض عليه يعنى ما يبون يتعبون وياي ... الحل ياجماعة

 

[خبير النفط]

يبيلك واسطه فى المباحث و يطلعونه من تحت الارض واذا ما عندك واسطه الله يعينك شوف لك كم واحد واذا لقيته جفته و حجزه فى اقرب مخفر .

 

[nabeels8]

أخوي أنا أقول حاول تتفاهم معاه وإتشوف وين تقدر توصل وياه وترى الرحمه زينه يعني لمن تقطه

بالسجن شنو راح تحصل غير خراب بيوت العالم والله يعوضك يارب
__________________

 

[BO-MUBARAK]

حط مكافأه للي يدل عليه وشوف الفتينية شكثرهم صدقني اذا كويتي اسهل شخص في العالم تقدر تصيده

 

[hassana]

اخوي ماكو إلا تحبلله بفخ بوشبك لون خضر بس غبي مو زهيوي وخل الغبي شوي كبير ودير بالك لا يتث الفخ
اخوي انا مجرب هالسالفه وايد مرات يصيدونه عقب اسبوع مرات شهر مرات سنه او اكثر إلا في حاله وحده تفضي نفسك جم يوم وتراقبه ويكون عندك رقم جم دوريه إذا هو مبين واضح اما إذا دش بيته مالك إلا المباحث ما حد غيرهم يقدر يدش بيت المتهم وسلامتك واسحلي على النكته البايخه

 

[أعصار]

الله يعينك نفس ما حصل معاي ولمن رحت المباحث قالوا لي لمن تشوفه بلغنا قلت لهم وانتم شنو دوركم ... سلامات حبيبي شوف لك واسطه عند المباحث ما لهم خلق بس لو كنت أمرأه حلوه جان طقوا لك صدر وألف واحد يحل لك المشكله ...ما اقول ألا الله يعينك على النصابين لو كان أدمي هذا جان قابلك وتفاهمتوا بس الله وياك وراح تفرج ما عليك صدقني .