للبيع بيت في صباح الناصر - مؤجر بــ 2300

[مشاري بو ناصر]

للبيع بيت في صباح الناصر الجديده - مؤجر بــ 2300

3 أدوار ونص شارع واحد وأمامه أرتداد ...

7 شقق ... كل شقه 4 غرف و 3 حمامات ومطبخ وأعتقد فيها صاله ...

الدخل 2300 شهري ...


يمنع الوسطاء - البيت معروض عند صاحبي ...​

 

[moqawel]

اخوي صاحبك جم خاطره فيه

 

[LS__430]

انت من صجك7

شقق ( 7 شقق ... كل شقه 4 غرف و 3 حمامات ومطبخ وأعتقد فيها صاله ...)

جم مساحته 3000 متر

وشلون ينباع!!!!

لأن وقت البيع يتم طلب شهادة اوصاف من البلدية
( يعني يطلع مراقب يكشف على البيت ويطابق المخطط المرخص مع الواقع )

وبمواصفات البيت إللي إنت عارضه يعتبر مخالف لقانون تراخيص البناء لبلدية الكويت

لأن القانون ينص بتقسيم الدور الأخير لنظام شقتين فقط لأي مساحة

ومستحيل يترخص من البلدية إلا بأحد الحالات

1- يتغاضى المراقب ويكتب بتقريره إن البيت فيه عدد 2 شقة بدلا من 7 شقق
بعد مايكون قبض ثمن تغاضيه2

-واسطة قويه جدا ( بتدخل من وزير البلدية -- وبعدها يتم إخفاء ملف المعاملة حتى لايتم البحث عنه للإيطاح بالوزير من قبل اعضاء مجلس الأمه3-

يتم التسجيل عن طريق محامي و و و و و ( نصب من نوع آخر )

ثاني شي مؤجر 2300 دك ( بيت بالجليب مو صباح الناصر )

والشقق بصباح الناصر حدها 250 دك للشقق الكبيرة250 * 7 =1750 دك

وباقي من 2300 دك = 550 دك

لايكون بعد مؤجر الحوش على عمال يشتغلون بأمغرة !!!!!!!​

 

[ezee]

جم طالبين فية طال عمرك

 

[ابو عبدالله333]

يا جماعه علامكم طنشم الرجال والله اعتقد ان كلامه صح صعب التحويل البيت لانه مخالف

 

[moqawel]

انا اعتقد ان البيت في قطعة 4 او 6 لاني شايف 3 بنايات مؤجرة

الله يوفقك اخوي وياليت تقولنا صاحبك جم يبي فيه

 

[I T C]

صباح الناصر منطقه خارجه عن القانون.

 

[مشاري بو ناصر]

ما شاء الله عليكم ... فلسفه زايده ... أقول أعرف ناس عندها جرايد تبي نفسكم منفلتين ... خوش كتاب ...

أقول البيع 290 ألف كاش ...

إللي عنده هالمبلغ يرسل لي رقمه على الخاص وغير هالكلام ما عندي ...

وبعطيكم معلومه ...

عندي بيت في سلوى
16 شقه نظام 4 غرف وصاله ومطبخ و3 حمامات وأعتقد غرفة خادمه ...

الدخل 6320 شهري ...

وإللي عنده فوق 650 ألف يراجعني ...

 

[I T C]

ما شاء الله عليكم ... فلسفه زايده ... أقول أعرف ناس عندها جرايد تبي نفسكم منفلتين ... خوش كتاب ...

أقول البيع 290 ألف كاش ...

إللي عنده هالمبلغ يرسل لي رقمه على الخاص وغير هالكلام ما عندي ...

وبعطيكم معلومه ...

عندي بيت في سلوى
16 شقه نظام 4 غرف وصاله ومطبخ و3 حمامات وأعتقد غرفة خادمه ...

الدخل 6320 شهري ...



وإللي عنده فوق 650 ألف يراجعني ...

اخوي بوناصر انت قريت قوانين المنتدي؟؟؟؟؟؟

 

[ابومحمد 2009]

اذكر الله يا بوناصر ...

بس ترا كلام الاخوان صحيح المبنى مخالف قانونيا والله يرزقك

 

[أبوعلي1]

هههههههههههههههههه

جايز كل شيء يصير !!








​

 

[مشاري بو ناصر]

في البداية ذكرت لكم البيت معروض عند صاحبي ...

وذكرت لكم مواصفاته ... وإللي مهتم بالموضوع وإللي يبي يشوفه ... يدز لي رساله خاصه فيها رقم تلفونه ...

على طول حكمتوا أن البيت مخالف ... وإن فيه رشاوي ...

أعوذ بالله ... بسكم حسد ... وسوء الظن ... وبخس حلال الناس ...

 

[I T C]

في البداية ذكرت لكم البيت معروض عند صاحبي ...

وذكرت لكم مواصفاته ... وإللي مهتم بالموضوع وإللي يبي يشوفه ... يدز لي رساله خاصه فيها رقم تلفونه ...

على طول حكمتوا أن البيت مخالف ... وإن فيه رشاوي ...

أعوذ بالله ... بسكم حسد ... وسوء الظن ... وبخس حلال الناس ...

بو ناصر ماشاء الله انت كله تعرض لربعك بالمنتدى كلش مو صاحب مكتب!!!!

 

[مشاري بو ناصر]

عندي مكتب أو ماعندي مكتب ... شنو إللي مضايقك بالموضوع ...

الرازق بالسماء والحاسد بالأرض ...

 

[I T C]

عندي مكتب أو ماعندي مكتب ... شنو إللي مضايقك بالموضوع ...

الرازق بالسماء والحاسد بالأرض ...

الله يرزقك عن يمينك وعن شمالك ومن فوقك ومن ورائك ...

اخوي ابو ناصر انا والله مو حاسدك والحسد تمني زوال النعمه عن الاخرين وانا ان شاء الله مو منهم لكن يابو ناصر انت قاعد تتذاكي علينا وتحاول تلف على قانون المنتدى لمنعه المكاتب العقاريه بالسمسره على العقار السكنى صح ... وانت كل ماتعرض عقار مرات تقول لصديقى ومرات تقول بيتي يا بو ناصر تأكد ان زوار اعضاء المنتدى وخاصتا اخواننا المتابعين لقسم العقار كل يوم يدخلون عشان يشوفون اخر اخبار وزارة الاسكان واسعار البيوت فأكيد راح يلاحظون الناس اللى تعرض بإستمرار وانت واحد منهم... فياليت تكون عندك رقابه ذاتيه وتطبق القانون على نفسك عشان لايجيك المشرف ويطبقه عليك... وياليت تقولي شصار على الحوطه اللى بأمغره انباعت او لا



ابو ناصر الشعب الكويتى من اكثر الشعوب اللى يحبون ويحلون الكلمات المتقاطعه

 

[مشاري بو ناصر]

قسيمة أمغره هذه مالتي ...

وعنوانها أمغره قطعة 1 قسيمه رقم 70 وراح تشوف أسمي على اللوحة بالخارج ...

بيت الجهره هذا بيتي ...

بيت سلوى هم هذا لنا ...

عمارات الفروانية و خيطان هم لنا ... إللي على طريج المطار ...

صباح الناصر بيت رفيجي ... وبالأصح جاري إللي عارضها علي ...

و في دلالين بالمنتدى معروض عندهم عقاراتي يا فهيم ... وأعتقد أنك تعرفهم ...

وبخصوص مكتب العقار إللي عندي هذا خاص بإدارة أملاك الورثه يعني حلال الوالد رحمة الله عليه ...
بعد في شي ثاني عندك يا أفندي ... مو أقولك الحسد ...

 

[LS__430]

قسيمة أمغره هذه مالتي ...

وعنوانها أمغره قطعة 1 قسيمه رقم 70 وراح تشوف أسمي على اللوحة بالخارج ...

بيت الجهره هذا بيتي ...

بيت سلوى هم هذا لنا ...

عمارات الفروانية و خيطان هم لنا ... إللي على طريج المطار ...

صباح الناصر بيت رفيجي ... وبالأصح جاري إللي عارضها علي ...

و في دلالين بالمنتدى معروض عندهم عقاراتي يا فهيم ... وأعتقد أنك تعرفهم ...

وبخصوص مكتب العقار إللي عندي هذا خاص بإدارة أملاك الورثه يعني حلال الوالد رحمة الله عليه ...
بعد في شي ثاني عندك يا أفندي ... مو أقولك الحسد ...

( كشف الذمة المالية )

كيف حصلت على :-

قسيمة امغرة === طال عمرك من جد وجد

بيت الجهراء === طال عمرك الله يسلم الجد والمثابرة وسهر الليالي

بيت سلوى === نصيبي من التعب بهالدنيا

عمارات الفروانية وخيطان اللي على طريج المطار ===

علاقاتي قويه وعندي سيوله

من اين لك كل هذا === ورث الوالد الله يرحمه !!!!!!!!!

ونشكر الأخ مشاري بوناصر على سعة صدره وصراحته بالأجوبه​

 

[ابو فرح2005]

يا جماعه كل شي عرض وطلب الرجل عرض اللي عاجبه يرد بالخير واللي مو عاجبه لا يرد
سويتوها قصه واكيد الشراي قبل ما يشتري راح يتاكد من الايجار والبلديه
اخوي موفق خير وانشاء الله يوفقك بحلالك

 

[almofareg]

لا حول و لا قوة الا بالله شفيكم على الرجال هذا منتدى بيع و شراء الله يرزق الجميع دخلتوا فيه عرض و تحقيق و من وين لك هذا . الله رازقه شعليكم منه تبون تشترون سيموا او اتصلوا عليه ما تبون تشترون لا تتفلسفون و تسوون نفسكم فاهمين بالقانون شنوا بايق حلالكم . انا اعرف ناس عندهم مئات العماير الله يرزقهم و يرزق عبيده من حيث لا يعلمون.

و بعدين حتى لو مكتب عقاري و يعرض بضاعته شنو فيها ما حد مغصوب يشتري اذا مو مناسب له

بالتوفيق بو ناصر

 

[مشاري بو ناصر]

جزاكم الله خير يا أخوان ...

و أحنا أخوان وعيال الديره ... جايين للمنتدى نفيد ونستفيد ...

الله سبحانه وتعالى يهدي الجميع ...

والإختلاف بالرأي لا يفسد للود قضيه ...

بالعكس أنا احترمت وجهات نظرهم ولو فيها أتهام وسخريه ...

قال الرسول عليه الصلاة والسلام ... إما أن تقل خيراَ أو لتصمت ...