بيت التمويل الخليجي ..........6( تمويل خليج )

[الوافي ابو محمد]

السلام عليكم

السهم اليوم عنده زيادة رأس مال والسبب يبون يغطون خسايرهم من زيادة رأس المال وفي توقعي بعد الإكتتاب راح يلمون بالسهم مره أخري من الناس لأن السهم راح يصعد لأسعار جيده والسبب :
1- تم تغطية الخساير
2- بداية السهم بدون ديون
3- الهوامير اللي إكتتبوا يبون يطلعون فلوس الإكتتاب من صغار المساهمين بربح مقنع مما يستدعي لإرتفاعه لأسعار جيده ولاكن ممكن تكون بعد فتره أشهر

وهذا مجرد رأي وتوقع وحطوا في بالكم وضع السوق

 

[الفاتح]

الهوامير بعد الاكتتاب يخفسون بالسهم ويشترونه من المكتتبين بربع المبلغ وبعدين يرفعونه سنه سنين هم مو مستعجلين

 

[فنان999]

يجماعة كلام كثير ماكو فيده
الي مقتنع بالشركه يكتتب الي مو مقتنع ما يشوف شر
وجهة نظري 108 فلوس يعتبر رخيص على شركه مثل تمويل الخليج
احنا خسرنا الكثير علي شركات ما تسوي بيزه المره على شركه عريقه ومشهود لها ووزعت ارباح العام الي فات
التحبيط مو زين
ما تبي تكتتب كيفك بس لا تأثر على غيرك
الناس ودها تكتتب وانتو تخوفونهم
ملاحظه
انت تشتري سهم اكتتباب سعره 108 فلوس
مو قاعد تشتري سهم بدينار
والي يقارن بين تمويل الخليج وابيار ما عنده سالفه ليش لأن ابيار كل شغلها في دبي وانتو شوفتو دبي ايش حصل في عقاراتها راحت قوع وشيء طبيعي ابيار تتأثر
اتمني تكون الأمور واضحه

هذه دعوة للإكتتاب للمستثمر وليس للمضارب
ودمتم

 

[احمد knpc]

اليوم دقيت علي البنك التجاري الجهراء .وكلمت المسؤل قلتله اقدر ااخر الاكتتاب الي أخر 3 ايام ...قالي فيه غيرك 200 شخص قدموا علي الاكتتاب وفتحو حساب ويبون يلغون الحساب بعد الاكتتاب مباشره علي شان يردون الميه دينار حق فتح الحساب ...يقول المدير والله فوضه تفتح حساب لمده جم يوم وترد تسكره ..بس الحين لازم نخلي فتح الحساب 500 دينار لمده 6 اشهر وتقدر تلغي بعدها ..!!!يقول مشغلين فيلق علي شان الاكتتاب شنو ماعندهم شغل وانت دافع ميه دينار...

 

[trader_1]

قسمه ونصيب

عافور عفر فينا حسبى الله عليه والاخوان قالو طاب الكويت علشان سواد عيونا لا والله للنصب والاحتيال قلنا يمكن الاخوان متحاملين شوية على بيت التمويل ماعليه الوضع راح يصحح ،(فيلكا بانت) السهم رايح قوع الله لايوفق مجلس الاداره سهمهم يدق وعمك أصمخ طيب اطلع صرح قول شى ادعم السهم يا أخى أجر كلكجى ( اقتصادى ) مثلك وطلعه بقناة cnbc خل السهم يرتفع هم مافى طيب شحقه انت رئيس مجلس ادارة شسويت للمساهمين شفط من جيوبنا موحرام عليك ما تخاف الله .

من حفر حفره لأخيه وقع فيها​

 

[الوافي ابو محمد]

الهوامير بعد الاكتتاب يخفسون بالسهم ويشترونه من المكتتبين بربع المبلغ وبعدين يرفعونه سنه سنين هم مو مستعجلين

كل شيء جايز وأقرب مثال هو سهم المدينه كان سعره 128 فلس وشوف سعره اليوم 80 أو 81

 

[الوافي ابو محمد]

عافور عفر فينا حسبى الله عليه والاخوان قالو طاب الكويت علشان سواد عيونا لا والله للنصب والاحتيال قلنا يمكن الاخوان متحاملين شوية على بيت التمويل ماعليه الوضع راح يصحح ،(فيلكا بانت) السهم رايح قوع الله لايوفق مجلس الاداره سهمهم يدق وعمك أصمخ طيب اطلع صرح قول شى ادعم السهم يا أخى أجر كلكجى ( اقتصادى ) مثلك وطلعه بقناة cnbc خل السهم يرتفع هم مافى طيب شحقه انت رئيس مجلس ادارة شسويت للمساهمين شفط من جيوبنا موحرام عليك ما تخاف الله .

من حفر حفره لأخيه وقع فيها​

عجل شلون تبيهم يطلعون أرباح

الله لايخسركم فيه ويرزقكم

 

[امرك عجيب]

يا اخوان ذبحتونه بتمويل الخليج يعني بورصة الكويت مافيها الا هالبنك الفاشل والماشي على البركه بلا فاعور بلا جناحي بلابطيخ روحوا ايفا ولا اكتتاب ولا صافتك ولا بنك بوبيان احسن لكم

 

[امرك عجيب]

عفوا نسيت اشتروا السهم بشهر مارس 2010

 

[trader_1]

أمرك عجيب

أخوى ما خذ ايفا على 126 وكمية كبيرة واللى يرحم والديك لاتخلينى أقط اللى بجبدى خلها على الله وصابرين بس الواحد وين يروح ما عندى الا المنتدى وسامحونا .

وجزاك الله خير​

 

[Bu Bader]

بس تدري شنو الطامه الكبرى، اللي العموم ما يعرفها؟؟ أنا متأكد أن في كم شخص هني يعرفونها بس ساكتين

الفلوت اللي على السهم جداً عالي،، 80% من أسهم تمويل خليجي غير ممسوك من جهات أو مؤسسات.

80% ممسوك من أفراد،،، تقدر تجمع الأفراد هذول و تلغي الاكتتاب و تطرد عصام جناحي من مجلس الادارة ؟؟[/quote]اقتباس من الاخ wicked


من يومين اتصلوا فيني ادارة الاستثمار من البحرين ,يسألون اذا عندي استفسار بخصوص الاكتتاب وزودوني برقم تليفون أحد الاشخاص بالكويت في حال عندي اي استفسار ....جنها السالفه صج..يدورون ناس تكتتب

 

[Dr.Abo----omar]

أسعـــد الله مسائكم بكل خير




يؤسفنـــا كمستثمرين بالسهم هذه الانتقـــادات والتشكيك بأعضـــاء مجلس الإدارة.

أعضـــاء مجلس الإدراة ليس لهم ناقه ولا جمل فيمـــا يحصل للاسهم.

وليسوا مخولين لرفع السهم أو خفضـــة.

مهمتهم تقتصـــر على حسن إدارة أموال المساهمين المستثمرين بالشركة وتنمية رؤس أموالهم.

وهم ليسوا مسؤلين عن إخفاقات المضاربين بالسهم.




أقول هذا وأنا خســـارتي ( الدفترية ) كبيرة جدا , ولكنها لن تسجل مادمت أحتفظ بأسهمي.

مايحدث للسهم من ضغط هدفه الإستحواذ على الاسهم ( حق مشروع ) ولكن الاسلوب ( فيه نذالة ).





هناك من يقول أنه يملك كذا وكذا من الأسهم ولن يكتتب !!

والبعض يقول لن أكتتب لأن السهم سوف ينزل الى 100 أو اقل !!

أقول لهؤلا بيعوا أسهمكم الان قبل أن يصل الى مادون المئة إن كنتم صادقين !!

ماذا تنتظرون ؟؟!!!!





هجمات شرسة وضجيج وإنفعال.

هذا الوقت نحن أحوج مانكون الى العقل والمنطق.

شركة ناجحة ورابحة طوال مسيرتها وعندما خسرت ( بسبب الأزمة المنتهية ) نبالغ بذمهــا !!!






للعلم أنا متابع ومستثمر في السهم منذ 2004 وحتى هذه اللحظة والسهم لم يخذلنا أبدا (( كمستثمرين صابرين )).
أما من يريد الربح المستعجل فلا يلومن إلا نفسه.





أقول هذا القول وأتمنى من الله أن يفرج كرب المكروبين وأن يقضي الدين عن المدينين وأن يفرح الصابرين والمتصبرين وأن يخذل المخذلين والمتربصين.​

 

[BoNasser 2]

بارك الله فيك جبت المفيد المختصر.

 

[بـ1ـدر]

فاعور مادري عافور ماصارله شهور، قمنا نتحلطم عليه، واهو سبب الخسارة واهو كل شي ..

الشركة ناوية تفتح صفحة جديدة، واللي يقرا نشرة الأكتتاب يشوف الشركة للحين بخير، اما خسائر 2009، الكل عانى منها، والشركة فيها امل، وأتوقع مع بداية السنة الجديدة راح تتجه الانظار عليها، ومن الممكن يكون هناك Takeover من قبل المستثمرين لأن مستقبل الشركة قوي.

السهم مو مال مضارب، السهم مال استثمار.

واذا على الإكتتاب .. ماراح ينزل عن 108 فلس (خلال فترة الأكتتاب)، لكن اتوقع في ناس يبون السهم بالنازل، فالحركات اللي صايرة مجرد تهويش لكم علشان تبيعون بأقل الأسعار بسبب الخوف وتقليل الخسائر بأكبر قدر ممكن.

فاللي يرحم والديكم، بطلوا تحلطم، وبطلوا تخوفون الناس وتحطمونهم بالسهم، عندك 190 الف، عنك مااكتتبت .. بس لاتخوف الناس وتكسر بمجاديفهم !

 

[مجد 91]

كل مازاد التشاؤم زاد تفاؤلي

 

[سرور]

السيناريو اللي راح يصير بعد تجميع الأسهم من أغلب المتداولين 00 بعدها يطلعون خبر من العيار الثقيل ويرفعون السهم واللي باع برخيص راح يشتري بغالي

 

[العريف]

طبيعة عمل السوق ان يكو ن احدهما رابح ويتسبب في خسارة الاخر .. من يعرف توقيت دخول الرابح وتوقيت دخول الخاسر انتبه دخول الخاسر وليس خروجه .. لن ينصاد بكل سهوله ..

 

[مضارب شجاع]

أسعـــد الله مسائكم بكل خير




يؤسفنـــا كمستثمرين بالسهم هذه الانتقـــادات والتشكيك بأعضـــاء مجلس الإدارة.

أعضـــاء مجلس الإدراة ليس لهم ناقه ولا جمل فيمـــا يحصل للاسهم.

وليسوا مخولين لرفع السهم أو خفضـــة.

مهمتهم تقتصـــر على حسن إدارة أموال المساهمين المستثمرين بالشركة وتنمية رؤس أموالهم.

وهم ليسوا مسؤلين عن إخفاقات المضاربين بالسهم.




أقول هذا وأنا خســـارتي ( الدفترية ) كبيرة جدا , ولكنها لن تسجل مادمت أحتفظ بأسهمي.

مايحدث للسهم من ضغط هدفه الإستحواذ على الاسهم ( حق مشروع ) ولكن الاسلوب ( فيه نذالة ).





هناك من يقول أنه يملك كذا وكذا من الأسهم ولن يكتتب !!

والبعض يقول لن أكتتب لأن السهم سوف ينزل الى 100 أو اقل !!

أقول لهؤلا بيعوا أسهمكم الان قبل أن يصل الى مادون المئة إن كنتم صادقين !!

ماذا تنتظرون ؟؟!!!!





هجمات شرسة وضجيج وإنفعال.

هذا الوقت نحن أحوج مانكون الى العقل والمنطق.

شركة ناجحة ورابحة طوال مسيرتها وعندما خسرت ( بسبب الأزمة المنتهية ) نبالغ بذمهــا !!!






للعلم أنا متابع ومستثمر في السهم منذ 2004 وحتى هذه اللحظة والسهم لم يخذلنا أبدا (( كمستثمرين صابرين )).
أما من يريد الربح المستعجل فلا يلومن إلا نفسه.



أقول هذا القول وأتمنى من الله أن يفرج كرب المكروبين وأن يقضي الدين عن المدينين وأن يفرح الصابرين والمتصبرين وأن يخذل المخذلين والمتربصين.​

اخوى بو عمر
انت تناقض نفسك بنفسك !
كيف السهم لم يخذلك منذ سنة 2004 !!!
نرجع للماضى لسنة 2004 وكان سعر السهم 500 فلس وفرضا انت او مستثمر غيرك كان يملك 100 الف سهم بسعر 50 الف دينار كويتى !!!!!!
ولان بعد هذه السنوات من الاستثمار ماذا جنى من استثماره فى بيت التمويل الخليجي !!! والان سعره 116 فلس ضرب 100 ال سهم 11600 دينار !!
يعنى بحسبة بسيطه كان يملك 50 ال دينار ولان يملك 11600 دينار الخساره 38400 دينار !!!!!!
اى استثمار هذا تسميه وكيف تقول لنه لم يخذلك السهم !