لا يمكن أصدق أن مجموعة الأوراق جادة في شراء حصة الهيئة من أسهم زين.. أول شي ان مجموعة الاوراق تفكر ألف مرة قبل ما تدفع من جيبها فلوس و تفكر مرة وحده شلون تدخل فلوس بجيبها,, لو يشترون اسهم زين من الهيئة راح يبتلشون فيهم و يبتلشون في الشركة المحملة بديون ما تشيلها بعارين الصمان,, خل مجموعة الأوراق تشتري اسهم خزينتها .. مصرفين على خلق الله, أغلب الشركات ارتدت اسعارها الا سهم م. الاوراق,, دوران سهمهم من أضعف الشركات,, مجموع الاسهم المتداوله للخمس شهور الي فاتت 870 ألف سهم يعني 170 ألف سهم بالشهر و هذا الرقم يعادل صفقه وحده او يوم واحد تداول من الاسهم الرديه,, القصد انهم يبون الناس تقط كل كميتها بسعر رخيص,, غرونا في بداية الازمة و انجلوا فينا بعدين,, أنا أقول اذا جت الصجية ما يشترون اسهم زين من الهيئه,, العمليه مقامرة مثل لعبة البوكر الي نشوفها بالافلام كل واحد خاش اوراقه و يراهن ان اوراقه هي الاحسن لكن الجريئ هو الي يفوز,, اذا الخرافي و الهيئه سمن على عسل عندي لهم الحل الي يقول كش ملك يا مجموعة الاوراق,, بكل بساطة وهي ان تعلن الهيئه عن رغبتها ببيع كامل حصتها دفعة وحده بدينارين لكل سهم بحيث ينتهي العرض نهاية هذا الشهر,, هنيه راح تنسحب مجموعة الاوراق,, ما فيكم احد جريئ و يعرف يلعب بوكر حلال يا مجموعة الخرافي؟؟؟؟,,,. شنهو ذنب صغار المتاولين الي كل بين فترة و الثانية تضيع اموالهم بسبة صراع الجبابرة,, و ما الجبار الا الله سبحانه و تعالى, و هو فوق كل جبار ,,,,,
او ذكاء و تفكير الدكتور علي السالم
