كيف يمكن فتح محفظة في السوق السعودي؟

[ابو حبيب]

السلام عليكم:

كيف يمكن فتح محفظة في السوق السعودي؟

 

[shraay]

تراجع بنك الرياض او الراجحي ومعاك جواز سفرك اذا انت مواطن مو سعودي وبطاقتك اذا انت سعودي ويفتحون لك حساب تداول الكتروني والله يوفقك وباقي التفاصيل ما اعرفها والله

 

[العازمي32]

اخوي في شركه كيفيك عندهم التدول حق السعوديه تدول علي كيفك

 

[عشره ع عشره]

اي والله زين ماتسوي روح السوق السعودي ابرك من سوقنا بمليون مره

 

[buyousf]

أبوحبليب مساك الله بالخير والأخوه الأعضاء الكرام ،،،،

من واقع تجربه أنا طلعت من السوق الكويتي على وقع الارتفاعات اللي حصلت في 2007 واختلراق المؤشر الكويتي لل 10000 ورحت للخفجي البنك العربي السعودي وفتحت محفظه وكان السوق السعودي في القاع حول 6000 وكسور ، والله من واقع تجربه مدتها أكثر من سنه ، تبخرت فيها فليساتي وحلالي مع اني متحفظ ومتابع جيد ، لكن سبحان الله شقولك سوق محارب من الدوله بسبب التضخم اللي صار بالمملكه كما انا المتداولين هناك ولازالو مجرد افراد نعم افراد لايوجد صناديق ولا محافظ مؤسسات أو شركات مثل عندنا بالكويت ، كما ان السوق السعودي فاقد للثقه طارد للمستثمرين ، أقولها محارب من الدوله نعم حيث تشارك الدوله بصندوق الاستثمارت العامه اللي يمكلك الأغلبيه في الأسهم القياديه وينفذ السياسه الحكوميه هناك بحاربة التضخم وكذلك لايريدون المواطنين هناك ان ينشغلو بالتداول كما حدث بالماضي من فوضي عارمه حيث الكل من الموظفين والعاملين بالحكومه انشغلو وتركو اعمالهم وقابلوا ها الشاشات ، لاتستغرب يخوي ، وهناك لو يدق السوق دق ما تلقى من يعلق ولا يستنكر والا يستنجد بالدوله عكس ما هو حاصل بالكويت على الاقل والحمد لله عندنا صناع سوق وصناديق استثماريه تشارك فيها الهيئه ومحافظ حكوميه تتدخل لضبط ايقاع السوق وتحافظ على توازنه ...


اللى أبي أقوله ومن واقع تجربه أكثر من سنه خسرت فيها اكثر من 80 بالميه وكانت قبل الازمه العالميه أقول اقضب مجنونك لايجيك أجن منه ، والمثل يقول ماتعرف قديري لين تجرب غيري ... والله لو يجيني أكبر خبير بالاسواق ويقولي ادخل السوق السعودي مادخلت ، تدري شلون ابيك تسأل من الاخوه اللي تداولو بالسوق السعودي عن تجربتهم وراح تسمع العجايب ....

نصيحه أوجهها لك ولأي شخص يفكر الدخول بالسوق السعودي

 

[النوخذة بوسالم]

اخوى تاكد اول شى من العروض لانه سابقا البنك العربى اذا فتحت حساب فوق 100000ريال يعطيك جهاز لابتوب واشتراك دى اس ال والبنك العربى موجود فى الخفجى تقدر تتداول من البيت ما عليك الا تشترى كرت مباشر من مكتبة جرير /حولى بارك والاسعار لايف وراح يعطونك رقم التداول والمطلوب الجواز الاصلى وصورة عنة والحضور شخصى اذا بغيت بطاقة الكترون للسحب يفضل عنوان بريد فى السعودية لسرعة التوصيل او تقول لهم ابعثوها عن طرية الدى اتش ال للكويت وتقدر عند البيع تسحب عن طريق الكى نت فورى ما ادرى اذا عدلوا على هذى الفقرة ولا تامة والسحب على حسب البطاقة اللى صرفوها لك.اخوك متداول قديم وياليت تامين كان اشرف واسمحلى /النوخذة بو سالم

 

[ابو حبيب]

مشكورين على تفاعلكم مع الموضوع جزاكم الله خير عن المعلومات القيمة اخوي buyousf سوقنة دايخ من قبل العيد وهو احمر شوف سوق سعودي اخضر قبل العيد مشاءللة عليهم شوف مؤشر سعودي جم واصل عند مستوى 6399.63 نقطة، وحنة سوقنا في انحدار الله يستر والله محتار ابصبر على سوقنة شوي انشاءللة يتعدل اذ ماتعدل مالي الة بورصات الخليج

 

[buyousf]

أبو حبيب اسمع وانا أخوك والله ومالك على حلف اني دخلت السوق القطري والسعودي وفتحت حسابات هناك وتداولت بالنت ومالقيت الا الخساير الكايده ، ورديت مؤخرا للكويتي وعوضت الشيء الكثير ولله الحمد والمنه اترك الناس المتشائمه واللي مالها شغل الا التحلطم من السوق الكويتي ، انا اشتغلت بالكويتي من 97 ومالقيت أفضل منه لاتشتت نفسك بأسواق ماتعرف عنها شي ولا تقدر تحصل أخبار الشركات واسواق ماتدعمها حكوماتها وبالذات بالذات السعودي ، خلك بديرتك ابرك لك وراح تعدل الامور باذن الله تعالي :

احب اقولك لاتعامل مع الشركات الورقيه والشركات اللي ماترتفع الا اذا اراد ملاكها لها الارتفاع مثل شركات البحر والبدر ومدري منو ، خلك على التشغيلي الربحان واللي يوزع ارباح واللي الصناديق الاستثماريه والمحافظ الكبيره تعامل فيه مثل (بيتك ، اجلتي ، زين ) الشركات الربحانه اللي تعامل فيها الصناديق الاستثماريه ، لاتقرب من الخسرانه والورقيه حتى لاتقع تحت رحمة ملاكها ، لو فيها خير ماخسرت ولا صار سعرها افلاس ....

الله يوفقك ويوفقنا جميعا لما فيه الخير ،

 

[بو سليمان]

من تجربة و اغلب الاخوان يعرفوني منذ تسجيلي بالمنتدي

السوق السعودي طيب و لازالت فيه و سابقي دون تحفظ

و اذا حبيت تستفيد دز لي رسالة و اوجهك باجرات و افضل مكاتب التداولات حاضر

و افضل الشركات

 

[ابو حبيب]

buyousf اخوي ماتقصر على النصايح بصراحة بخاطري اجرب سوق سعودي من زمان في ناس تمدحة وفي ناس تلمة الله يوفقك ويوفقنا جميعا لما فيه الخير

 

[ابو حبيب]

بو سليمان اي والله ابي فزعتك وخبرتك بسوق سعودي جزاك الله الف خير

 

[ابوحمزه]

من تجربة و اغلب الاخوان يعرفوني منذ تسجيلي بالمنتدي

السوق السعودي طيب و لازالت فيه و سابقي دون تحفظ

و اذا حبيت تستفيد دز لي رسالة و اوجهك باجرات و افضل مكاتب التداولات حاضر

و افضل الشركات

جزاك الله خير على المساعده