متداول اسلامي
عضو مميز
السلام عليكم
قبل شوي كنت اسوي سيرج بقوقل عن مطعم رويال موفمبك بطلع ايميل الاداره او الشكاوي لقيت ان في المؤشرنت قسم المواد الغذائيه والعجيب اني توني ادريه عنه
المهم
حبيت انقل لكم تجربتي مع مطعم رويال موفمبك للأسف واشرح لكم التفاصيل بالتعامل والاكل والسيرفس ....الخ
وانتم الحكم
أولا كان عندنا مناسبة واحتار صاحب المناسبة من وين يطلب عشا ونبي شي يبيض الوجه وراقي اكراما للحضور والشخصيات المدعوه .
فقالوا مطعم الشيراتون ومطعم ماريوت وقلت لهم انا مطعم روتانا المنشر فيلكا وفعلا هالمطعم راقي الشخص 16 دينار و20 دينار للشخص
لكن تذكرت مطعم رويال موفمبك واني قبل سنتين تقريبا طلبت منهم وكان ممتاز والكل يسألني اي مطعم هذا ؟
لكن الحين عرفت ليش المعازيم تسألني اي مطعم هذا بعد شوي بقولكم ليشش!!!!!!!!!############
اقترحت لهم مطعم رويال موفمبك وقلت لهم سعره معقول مقارنة بالفنادق الي ذكرناها ومستواهم مقارب له .
قام واحد وقال العشا هديه مني وعلي وتم ,,,
كلفني باختيار المطعم وعطاني المبلغ رحت شركة مطعم رويال موفمبك
وتفاهمت مع الموظف البائع واخترت المنيو الفاخر VIP وسعر الشخص 8 دنانير
وأضفت خروف غوزي مع البوفية ومتردد اطلب من بره ولا منهم القوزي مدح لي القوزي الموظف وقالي قوزينا كويتي طيب وممتاز وطلب
وقالي تعال اختار الاطقم للبوفيه عندهم الطاولات واطقم الاكل انواع والوان واخترت طقم ودفعت المبلغ وتوكلنا على الله
وطلبت طاولات دائريه وكراسي وهذا سعره غير البوفيه .
وقلت لهم رجاءا جيبو معاكم عدتكم كامله مابيكم تستخدمون مطبخ الفيلا وطلبت وبسعر اضافي قهوجي مصري نوبي متخصص للشاي والقهوه .
الان ندخل الى الموضوع بعد هالمقدمه حتى يكون القارئ معاي بالصورة
في يوم المناسبة والافتتاح كانت المشاكل كالآتي:
1-حسيت ان في نقص بالطاولات وطلبت عدد زيادة طاولات دائريه وكراسيها وكانت لعدد 60 شخص وراح تكفي 100 لان الرجال غير الحريم يقعدون ولا يقومون من كثر السوالف .
2-عمال السيرفس لشركة مطعم رويال موفمبك استدخموا المطبخ وعدتهم موجوده لكن لقوا مطبخ نظيف وجاهز ف استخدموه ارتفع ضغطي! طوفتها
3-عمال السيرفس كل شوي انادي واحد منهم تعال صب عصير وانزل السرداب اصعد لي واحد القاه مجابل موبايله ويخشه القا ناس تتعشى من غير عصير اقولهم وين المشروبات يقولون مافي قلاصات نظيفه! ياسلام جايبين على العدد وينطرون الناس تشرب عشان يغسلونهم ويصبون غيرهم واتفاجأ بعدين لما وقف سيرفس العصير انهم خاشين لهم ثلاث بطول عصاير طبيعيه بره البيت بصندوق الثلج وازفهم .
4- القهوجي محد يشرب قهوته لانها بارده . والمصيبه من الساعه 9:30 بعز الزحمه ادوره الا الاخ الحبيب نازل السرداب على البوفيه يتعشى !
استحيت اقومه من الاكل ووخليته ومن الساعه 10:00 الاخ الحبيب شايل قهوته وعدة الشاي وكل اغراضه وماشي ! وبأمر منو والمعازيم لغاية الساعه 12:00 موجودين .
5-الاطقم للبوفيه كانت نفس اللون الي اخترته لكنهم خدعوني في مقر الشركة حاطين فوق طاولة الاكل ستاند من زجاج مرتفع وفوقه حاطين اطلقم الاكل وتحت الزجاج ناثرين ورد جوري
للأسف خدعة للزبون بالشركة شكل والواقع شكل اخر تعبان ويفشل صراحه قصوا وجوهنا مع الناس المفارش للبوفيه كانت وسخه وكلها مرق وبقع اكل قديم وفي بقع حروق من الشمع متفرقة
آه يالاحراج
6-الأكل وما ادراك مالأكل بالنسبة للسلطات كانت ممتازه طازجه ونظيفة باقي الاكل !!!
( القوزي كان والله ثم والله بعمري ما اكلت اكل تعبان مثله لحم أسود اسسسسسسسسسسسود وياااااااااااااااااااااابس وباااااااااااااااارد مطبوخ من الظهر ومكشف شكله وماينبلع مافي ضيف نجب له من القوزي واكمل اكله الكل يقول ويتحلطم لاتاكل من اللحم ماصخ ، ماينبلع ، مو شي ....
المحشي يابس وناشف !
الدجاج بالسبانخ يابس والدجاجه شاده كانها حطبة !
اي نسيت اقولكم ان مرق القوزي حاطينة بماعون صغير فخار صحنين قوزي ولهم ماعون مرق صغير لا تحته سخان ولا نار ولا شي والله فشلة !
المعجنات نفس الشي كانت طاقتها الهوا ويابسه !
وباقي الاكل نسيت مستواه لكن بعضه مقبول وبعضه جيد والاغلب والباقي سيئ ورديئ وتعبان جدا .!!!
الحلويات كانت مقبوله نوعا ما وجيدة ونظيفة .
7-عمال السيرفس كل شوي جايني واحد خلاص بابا؟ يشيل بابا؟ يروح بابا؟
للعلم تدرون شنو جايب انا للبوفيه وضايف من عندي ؟
الحين اقولكم ليش المعازيم كانت تسألني قبل عن عشاي من وين ومن وين هذا المطلعم وشنو؟
الحين اقولكم ليش!!!!!!!!!!!!############لأني كنت جايب
*سي فود مأكولات بحريه هوامير من فيش ماركت وربيان جامبو شاكينا باعواد كل ربيانه طولها فوق الشبر اطول من كف اليد من مطعم حسني.
*وجايب شاورما من مطعم اسمه شاورما وكانوا بالحوش يقدم للضيوف منيو شنو نوع الصلصه والنكهه للشورما الي تبيها مكسيكي ولا ايرانيه ولا عربيه ولا هنديه ولا ايطاليه .... شورما دجاج وكانت لذيذه وومتازه .
*وجاب من كنافنجي معلم الكنافه ويسويها جدامك ست الكل وكنافه حاره مايمديه يسوي صينيه الا طارت .
*وجايب آيس كريم بوضة .
الحين عرفتوا ليش الناس تسألني من وين عشاك ومن أي مطعم؟!
الحين عرفت أن آنا الي رفعت من مستوى شركة مطعم رويال موفمبك يومها وليش الناس كلها تسألني وكل الناس يوصلني الكلام ان عشا فلان كان راقي وشي .
هالمره سويت نفس الطريقة تقريا بس من غير الشورما
والله ان الهامور من اول دقايق خلص واسمع كم واحد من الضيوف يقول للثاني لايفوتك الهامور اهوا احسن شي بالبوفيه !
آه مثل الباي البارد على قلبي ارتحت شوي من قمة الاحراج الي حطتني فيه شركة مطعم رويال موفمبك
بعد مامشوا المعازيم والاكل زايد ومحد اكل رحت الجمعية وشريت مواعين بلاستك وقصدير ونادينا الاهل المقربين وكانوا مجتمعين في بيت قريب وقلنا لهم حرام الي ماتعشى يجي ويتعشى او على الاكل عطوا الخدم تشيل بالصحون قبل لا الشركه تشيل البوفيه
والله العظيم الاكل ما نشال كل ما احد فيهم اكل قال حتى خدمنا في بيوتنا ما نوكلهم الاكل هذا . لاطعم ولا ريحه ....
=======================
بعد هذا كله اتفاجئ ناس تتشره علي وينك ماتسلم ولا قعدنا وياك بسبب اني الحق عمال السيرفس .وكان في تصوير ولا صوره لي دليل على اللويه بسبب العمال الي يبطون الجبد.
الحين انا الي تسببت بالاحراج لصاحب المناسبه .وانا الي تسببت بالاحراج للي كلفني باختيار المطعم . وانا الي تسببت بالاحراج قدام كل اهلي مع ضيوفهم
السيرفس تعبان اقيمه 1\10
الاطقم والطاولات والنظافة كانت 0\10 بسبب الخدمه واعتبرها غش وكذب
السلطات كانت طيبه واقيمها 7\10
الاطباق الرئيسيه كانت (استغفر الله والله يزيد النعمه) 1\10
الحلويات لا باس فيها 4\10
الان نجي لما بعد البيع
جايني هندي الساعه 12:45 بالليل بنفس اليوم يقول نبي منك فلوس زيادة.
ليش!
مايدري اتصل وكلمني موظف عاوزين حساب الطاولات الي طلبتها زيادة! وكان زايد علي السعر بخلاف الاتفاق معاهم بالشركة مشيته وقلت له انا اجيكم واتفاهم وياكم.
من اليوم الي بعده رحت لمطعم شهريار ويعتبر فرع من شركة مطعم رويال موفمبك
كلمت الكاشير وقلت له عندي شكوه وعطاني رقم مسؤول افرع مطاعم شهريار وكان الحوار معاه كالتالي
الو الاخ عصام .؟
أيوا اتفضل ازاي حضرتك
اسف على الازعاج وان شاء الله يتسع صدرك للكلام
ولايهمك الي انته عاوزه كلنا بخدمتك!
وقلت له كل الكلام وبحرقه وقلت له انا سالت عن الموظف الي له كلمه وتهمه مصلحة الشركه وقالوا لي عصام وان شالله ماتخيب ظني فيك وكان رده
لا لا لا مايهمكش وانا متاسف قدا جدا . وشكوة حضرتك انا حرفعها للسيد المدير العام ابو فهد شخصيااااا وللسيد أبو عامر السكرتير الخاص للسيد أبو فهد شخصيااااااا !
قلت له ان شالله خير.
راح اليوم ويجي اليوم الي بعده وتجينا اتصالات من مطعم رويال موفمبك
الو
الو نعم
الاستاذ ....
اي نعم وياكم
معاك مطعم رويال موفمبك وعاوزين الفلوس بتاعت الطاولات !!فوق شينهو وقوات عينهم ::verymad::
قلت لهم انا كلمت الاخ عصام المسؤول وان شالله اسلمه الفلوس وانا على امل انتظر منهم رد
وصار اليوم الثالث وعمك اصمخ
ارسلت رساله بالمسج شديدة اللهجه وبكل ادب كتبت فيها
عيب عليكم وشكرا يا مطعم رويال موفمبك على الاهتمام بالزبون
اتصل علي مباشرة الاخ عصام
مييييين معااااااايا ؟!!!
سكت شوي
رد علي الو الو ميييين معاااااي؟
قلت له معاك فلان الفلاني
اهلالالالالالالالالالالالالالا ازايد حضرتك انا متاسف جدا ايه الي حصل؟
قلت له ولا شي انحرج الرجال وقال بصراحه انا رفعت تقرير وكلمتهم ومبعرفش ايه الي حصل.
قلت له لاتكمل انا عارف الي حصل وشنو الي بيحصل ولاشي وطناش المهم فلوس دخلت في بطونهم والزبون ينسى ويجينا غيره .
قال لا لا انا حكلمهم قلت انشوف.
وراح يومين ولا صار شي
ورحت بنفسي للشركه اسلمهم الفلوس حق الطاولات وفي صحن ناسينه رحت اسلمه لهم
قابلني الموظف الي تعاملت معاه وجابلي عصير ورفضته قلت له انا ما اشرب منكم شي
ليه بس ليه ايه الي حصل.!
قلت له والله اذا تكلمت انا الحين ان الزباين الي موجوده راح تطلع من المطعم
وسردت عليه الكلام واهوا ولا كلمه
قالي والله انا محدود جدا بالمجامله ولا عندي الصلاحيه .
قلت له واحد من الاثنين اما انكم تغطون على الشكاوى وما ترفع للمدير العام ....حتى لا يتخذ فيكم الاجراء ...
او ان المدير العام تصعد له الشكاوى ولكن يطنش ومايهمه غير مصلحة نفسه
قالي انا الحين بصعد للاداره فوق!
والان صار للسالفه اسبوع بالضبط
وعندنا مناسبة افتتاح ديوان وان شالله تشرفونا فيه وتووووبه اختار مطعم رويال موفمبك مره ثانيه
ابي رايكم ياجماعه تكفون لو انت بموقفي شنو تسوي وشنو ردة فعلك وشنو الاجراء الي تتخذه ؟
تقدر ترفع قضيه؟ شلون؟ تقدر تتعوض؟
بالاكل التعبان الي انقط؟ولا بالفشله من المفارش الوضخه كلها مرق ومحرقه؟ولا بالتعب من مجابل عمال السيرفس؟ولا الاحراج ناس تجيك ولا في احد يقهويها؟ ولا ولا ولا من الطناش::verymad::
وسلامتكم
الحين ارتحت صراحه لما فرغت الي صار وكتبته
ومن باب النصيحه والامانه اطلب من اخواني وارجوهم رجاء لاتحطون نفسكم في موقف محرج مثل هذا ويفشلكم مطعم رويال موفمبك
الا بشرط جزائي بينكم وبينه .
قبل شوي كنت اسوي سيرج بقوقل عن مطعم رويال موفمبك بطلع ايميل الاداره او الشكاوي لقيت ان في المؤشرنت قسم المواد الغذائيه والعجيب اني توني ادريه عنه
المهم
حبيت انقل لكم تجربتي مع مطعم رويال موفمبك للأسف واشرح لكم التفاصيل بالتعامل والاكل والسيرفس ....الخ
وانتم الحكم
أولا كان عندنا مناسبة واحتار صاحب المناسبة من وين يطلب عشا ونبي شي يبيض الوجه وراقي اكراما للحضور والشخصيات المدعوه .
فقالوا مطعم الشيراتون ومطعم ماريوت وقلت لهم انا مطعم روتانا المنشر فيلكا وفعلا هالمطعم راقي الشخص 16 دينار و20 دينار للشخص
لكن تذكرت مطعم رويال موفمبك واني قبل سنتين تقريبا طلبت منهم وكان ممتاز والكل يسألني اي مطعم هذا ؟
لكن الحين عرفت ليش المعازيم تسألني اي مطعم هذا بعد شوي بقولكم ليشش!!!!!!!!!############
اقترحت لهم مطعم رويال موفمبك وقلت لهم سعره معقول مقارنة بالفنادق الي ذكرناها ومستواهم مقارب له .
قام واحد وقال العشا هديه مني وعلي وتم ,,,
كلفني باختيار المطعم وعطاني المبلغ رحت شركة مطعم رويال موفمبك
وتفاهمت مع الموظف البائع واخترت المنيو الفاخر VIP وسعر الشخص 8 دنانير
وأضفت خروف غوزي مع البوفية ومتردد اطلب من بره ولا منهم القوزي مدح لي القوزي الموظف وقالي قوزينا كويتي طيب وممتاز وطلب
وقالي تعال اختار الاطقم للبوفيه عندهم الطاولات واطقم الاكل انواع والوان واخترت طقم ودفعت المبلغ وتوكلنا على الله
وطلبت طاولات دائريه وكراسي وهذا سعره غير البوفيه .
وقلت لهم رجاءا جيبو معاكم عدتكم كامله مابيكم تستخدمون مطبخ الفيلا وطلبت وبسعر اضافي قهوجي مصري نوبي متخصص للشاي والقهوه .
الان ندخل الى الموضوع بعد هالمقدمه حتى يكون القارئ معاي بالصورة
في يوم المناسبة والافتتاح كانت المشاكل كالآتي:
1-حسيت ان في نقص بالطاولات وطلبت عدد زيادة طاولات دائريه وكراسيها وكانت لعدد 60 شخص وراح تكفي 100 لان الرجال غير الحريم يقعدون ولا يقومون من كثر السوالف .
2-عمال السيرفس لشركة مطعم رويال موفمبك استدخموا المطبخ وعدتهم موجوده لكن لقوا مطبخ نظيف وجاهز ف استخدموه ارتفع ضغطي! طوفتها
3-عمال السيرفس كل شوي انادي واحد منهم تعال صب عصير وانزل السرداب اصعد لي واحد القاه مجابل موبايله ويخشه القا ناس تتعشى من غير عصير اقولهم وين المشروبات يقولون مافي قلاصات نظيفه! ياسلام جايبين على العدد وينطرون الناس تشرب عشان يغسلونهم ويصبون غيرهم واتفاجأ بعدين لما وقف سيرفس العصير انهم خاشين لهم ثلاث بطول عصاير طبيعيه بره البيت بصندوق الثلج وازفهم .
4- القهوجي محد يشرب قهوته لانها بارده . والمصيبه من الساعه 9:30 بعز الزحمه ادوره الا الاخ الحبيب نازل السرداب على البوفيه يتعشى !
استحيت اقومه من الاكل ووخليته ومن الساعه 10:00 الاخ الحبيب شايل قهوته وعدة الشاي وكل اغراضه وماشي ! وبأمر منو والمعازيم لغاية الساعه 12:00 موجودين .
5-الاطقم للبوفيه كانت نفس اللون الي اخترته لكنهم خدعوني في مقر الشركة حاطين فوق طاولة الاكل ستاند من زجاج مرتفع وفوقه حاطين اطلقم الاكل وتحت الزجاج ناثرين ورد جوري
للأسف خدعة للزبون بالشركة شكل والواقع شكل اخر تعبان ويفشل صراحه قصوا وجوهنا مع الناس المفارش للبوفيه كانت وسخه وكلها مرق وبقع اكل قديم وفي بقع حروق من الشمع متفرقة
آه يالاحراج6-الأكل وما ادراك مالأكل بالنسبة للسلطات كانت ممتازه طازجه ونظيفة باقي الاكل !!!
( القوزي كان والله ثم والله بعمري ما اكلت اكل تعبان مثله لحم أسود اسسسسسسسسسسسود وياااااااااااااااااااااابس وباااااااااااااااارد مطبوخ من الظهر ومكشف شكله وماينبلع مافي ضيف نجب له من القوزي واكمل اكله الكل يقول ويتحلطم لاتاكل من اللحم ماصخ ، ماينبلع ، مو شي ....
المحشي يابس وناشف !
الدجاج بالسبانخ يابس والدجاجه شاده كانها حطبة !
اي نسيت اقولكم ان مرق القوزي حاطينة بماعون صغير فخار صحنين قوزي ولهم ماعون مرق صغير لا تحته سخان ولا نار ولا شي والله فشلة !
المعجنات نفس الشي كانت طاقتها الهوا ويابسه !
وباقي الاكل نسيت مستواه لكن بعضه مقبول وبعضه جيد والاغلب والباقي سيئ ورديئ وتعبان جدا .!!!
الحلويات كانت مقبوله نوعا ما وجيدة ونظيفة .
7-عمال السيرفس كل شوي جايني واحد خلاص بابا؟ يشيل بابا؟ يروح بابا؟
للعلم تدرون شنو جايب انا للبوفيه وضايف من عندي ؟
الحين اقولكم ليش المعازيم كانت تسألني قبل عن عشاي من وين ومن وين هذا المطلعم وشنو؟
الحين اقولكم ليش!!!!!!!!!!!!############لأني كنت جايب
*سي فود مأكولات بحريه هوامير من فيش ماركت وربيان جامبو شاكينا باعواد كل ربيانه طولها فوق الشبر اطول من كف اليد من مطعم حسني.
*وجايب شاورما من مطعم اسمه شاورما وكانوا بالحوش يقدم للضيوف منيو شنو نوع الصلصه والنكهه للشورما الي تبيها مكسيكي ولا ايرانيه ولا عربيه ولا هنديه ولا ايطاليه .... شورما دجاج وكانت لذيذه وومتازه .
*وجاب من كنافنجي معلم الكنافه ويسويها جدامك ست الكل وكنافه حاره مايمديه يسوي صينيه الا طارت .
*وجايب آيس كريم بوضة .
الحين عرفتوا ليش الناس تسألني من وين عشاك ومن أي مطعم؟!
الحين عرفت أن آنا الي رفعت من مستوى شركة مطعم رويال موفمبك يومها وليش الناس كلها تسألني وكل الناس يوصلني الكلام ان عشا فلان كان راقي وشي .
هالمره سويت نفس الطريقة تقريا بس من غير الشورما
والله ان الهامور من اول دقايق خلص واسمع كم واحد من الضيوف يقول للثاني لايفوتك الهامور اهوا احسن شي بالبوفيه !
آه مثل الباي البارد على قلبي ارتحت شوي من قمة الاحراج الي حطتني فيه شركة مطعم رويال موفمبك
بعد مامشوا المعازيم والاكل زايد ومحد اكل رحت الجمعية وشريت مواعين بلاستك وقصدير ونادينا الاهل المقربين وكانوا مجتمعين في بيت قريب وقلنا لهم حرام الي ماتعشى يجي ويتعشى او على الاكل عطوا الخدم تشيل بالصحون قبل لا الشركه تشيل البوفيه
والله العظيم الاكل ما نشال كل ما احد فيهم اكل قال حتى خدمنا في بيوتنا ما نوكلهم الاكل هذا . لاطعم ولا ريحه ....
=======================
بعد هذا كله اتفاجئ ناس تتشره علي وينك ماتسلم ولا قعدنا وياك بسبب اني الحق عمال السيرفس .وكان في تصوير ولا صوره لي دليل على اللويه بسبب العمال الي يبطون الجبد.
الحين انا الي تسببت بالاحراج لصاحب المناسبه .وانا الي تسببت بالاحراج للي كلفني باختيار المطعم . وانا الي تسببت بالاحراج قدام كل اهلي مع ضيوفهم
السيرفس تعبان اقيمه 1\10
الاطقم والطاولات والنظافة كانت 0\10 بسبب الخدمه واعتبرها غش وكذب
السلطات كانت طيبه واقيمها 7\10
الاطباق الرئيسيه كانت (استغفر الله والله يزيد النعمه) 1\10
الحلويات لا باس فيها 4\10
الان نجي لما بعد البيع
جايني هندي الساعه 12:45 بالليل بنفس اليوم يقول نبي منك فلوس زيادة.
ليش!
مايدري اتصل وكلمني موظف عاوزين حساب الطاولات الي طلبتها زيادة! وكان زايد علي السعر بخلاف الاتفاق معاهم بالشركة مشيته وقلت له انا اجيكم واتفاهم وياكم.
من اليوم الي بعده رحت لمطعم شهريار ويعتبر فرع من شركة مطعم رويال موفمبك
كلمت الكاشير وقلت له عندي شكوه وعطاني رقم مسؤول افرع مطاعم شهريار وكان الحوار معاه كالتالي
الو الاخ عصام .؟
أيوا اتفضل ازاي حضرتك
اسف على الازعاج وان شاء الله يتسع صدرك للكلام
ولايهمك الي انته عاوزه كلنا بخدمتك!
وقلت له كل الكلام وبحرقه وقلت له انا سالت عن الموظف الي له كلمه وتهمه مصلحة الشركه وقالوا لي عصام وان شالله ماتخيب ظني فيك وكان رده
لا لا لا مايهمكش وانا متاسف قدا جدا . وشكوة حضرتك انا حرفعها للسيد المدير العام ابو فهد شخصيااااا وللسيد أبو عامر السكرتير الخاص للسيد أبو فهد شخصيااااااا !
قلت له ان شالله خير.
راح اليوم ويجي اليوم الي بعده وتجينا اتصالات من مطعم رويال موفمبك
الو
الو نعم
الاستاذ ....
اي نعم وياكم
معاك مطعم رويال موفمبك وعاوزين الفلوس بتاعت الطاولات !!فوق شينهو وقوات عينهم ::verymad::
قلت لهم انا كلمت الاخ عصام المسؤول وان شالله اسلمه الفلوس وانا على امل انتظر منهم رد
وصار اليوم الثالث وعمك اصمخ
ارسلت رساله بالمسج شديدة اللهجه وبكل ادب كتبت فيها
عيب عليكم وشكرا يا مطعم رويال موفمبك على الاهتمام بالزبون
اتصل علي مباشرة الاخ عصام
مييييين معااااااايا ؟!!!سكت شوي
رد علي الو الو ميييين معاااااي؟
قلت له معاك فلان الفلاني
اهلالالالالالالالالالالالالالا ازايد حضرتك انا متاسف جدا ايه الي حصل؟
قلت له ولا شي انحرج الرجال وقال بصراحه انا رفعت تقرير وكلمتهم ومبعرفش ايه الي حصل.
قلت له لاتكمل انا عارف الي حصل وشنو الي بيحصل ولاشي وطناش المهم فلوس دخلت في بطونهم والزبون ينسى ويجينا غيره .
قال لا لا انا حكلمهم قلت انشوف.
وراح يومين ولا صار شي
ورحت بنفسي للشركه اسلمهم الفلوس حق الطاولات وفي صحن ناسينه رحت اسلمه لهم
قابلني الموظف الي تعاملت معاه وجابلي عصير ورفضته قلت له انا ما اشرب منكم شي
ليه بس ليه ايه الي حصل.!
قلت له والله اذا تكلمت انا الحين ان الزباين الي موجوده راح تطلع من المطعم
وسردت عليه الكلام واهوا ولا كلمه
قالي والله انا محدود جدا بالمجامله ولا عندي الصلاحيه .
قلت له واحد من الاثنين اما انكم تغطون على الشكاوى وما ترفع للمدير العام ....حتى لا يتخذ فيكم الاجراء ...
او ان المدير العام تصعد له الشكاوى ولكن يطنش ومايهمه غير مصلحة نفسه
قالي انا الحين بصعد للاداره فوق!
والان صار للسالفه اسبوع بالضبط
وعندنا مناسبة افتتاح ديوان وان شالله تشرفونا فيه وتووووبه اختار مطعم رويال موفمبك مره ثانيه
ابي رايكم ياجماعه تكفون لو انت بموقفي شنو تسوي وشنو ردة فعلك وشنو الاجراء الي تتخذه ؟
تقدر ترفع قضيه؟ شلون؟ تقدر تتعوض؟
بالاكل التعبان الي انقط؟ولا بالفشله من المفارش الوضخه كلها مرق ومحرقه؟ولا بالتعب من مجابل عمال السيرفس؟ولا الاحراج ناس تجيك ولا في احد يقهويها؟ ولا ولا ولا من الطناش::verymad::
وسلامتكم
الحين ارتحت صراحه لما فرغت الي صار وكتبته
ومن باب النصيحه والامانه اطلب من اخواني وارجوهم رجاء لاتحطون نفسكم في موقف محرج مثل هذا ويفشلكم مطعم رويال موفمبك
الا بشرط جزائي بينكم وبينه .
