استشاره قانونيه لو سمحتو يا اخوان

الموضوع في 'قسم الإستشارات القانونيه' بواسطة duwailah, بتاريخ ‏12 أكتوبر 2009.

  1. duwailah

    duwailah عضو جديد

    التسجيل:
    ‏13 ابريل 2008
    المشاركات:
    215
    عدد الإعجابات:
    0
    مكان الإقامة:
    KUWAIT
    قبل عشر سنوات كان هناك شركه كبيره تبيع الاجهزه الكهربائيه .. وهذه الشركه تأخذ اكثر البضائع من الشركات الكبيره كتصريف بعموله ..

    كنت قد اشتريت منهم بضاعه عباره عن وحدات تكييف بقيمه تقريبا 1500 دينار .. وكان الاتفاق على ان يتم التسديد بدفعات معينه الا ان يكتمل المبلغ .. وفعلا بدأت بالدفع لهذه الشركه قسط واحد فقط ..

    وبعدها بشهر واحد ذهب اخي واشترى بضاعه من نفس الشركه بقيمه 1900 دينار وكان الاتفاق بينه وبين الشركه لاستلام البضاعه بعد يومين (البضاعه كانت اجهزه كهربائيه)

    وبعد يومين ذهب اخي لاستلام البضاعه فوجد الشركه مغلقه بالشمع الاحمر ومسكرينها ..

    علمنا بعد ان صاحب الشركه فص ملح وذاب .. نصب على الكل وسافر للبرازيل ..

    الان الشركه تطلبني مبلغ 1400 دينار تقريبا .. واخي يطلب الشركه 1900 دينار !!
    اخي عايش معانه بالبيت وقالي خلاص مدام انت ماخذ منهم بضاعه وانا اطلبهم فلوس اذن العمليه شبه متساويه والعوض على الله ..

    مرت السنين والحال كما هو وانا اصلا نسيت الموضوع .. اتصل فيني رجل قبل سنه (يعني بعد عمليه الشراء ب 10 سنوات ) وقالي هذا الرجل انه شركه تحصيل اموال ومديونيه ويطالبني فيه بتسديد المبلغ !!

    انا للامانه تفاجأت .. كان الرجل يريد مني التسديد وانا ما اعرفه اصلا وصاحب الشركه انا متأكد انه غير موجود بالكويت ..

    المهم قلت حق الشخص اللي اتصل فيني .. انا ماعرفك وماراح اسدد لك المبلغ لانه اخوي اساسا يطلب الشركه فلوس اكبر من المبلغ المطلوب ..
    قالي الرجل انا راح ارفع قضيه .. قلتله ارفع قضيه وجيبلي حكم ويصير خير ..


    الان تفاجأت انه اسمي فعلا نزل بلائحه منع السفر ولا اعلم عن الاجراءات القانونيه المرفوعه ضدي ..

    انا الان سؤالى .. هل اقوم بتسديد المبلغ المطلوب مني ؟؟ وكيف استرجع فلوس اخي علما بأن الفاتوره ضايعه مالته لانه السالفه صارلها 10 سنوات ؟؟ وشنو اقدر اسوي !! هل اقدر ارفع قضيه على الشركه ؟؟ هل العمليه فيها لف على الناس من اجل تحصيل اموال الشركات الكبيره ؟؟ طيب والاشخاص اللي اساسا يطلبون الشركه فلوس هل فلوسهم راحت عليهم ؟؟

    والسلام عليكم ورحمه الله وبركاته ..
     
  2. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    منع سفر صاير مثل الحلاوه للأسف مادري ليش هل عمليه غير تنظيميه كل من هب ودب حط على الاخر منع سفر
     
  3. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    اول شي تسويه ادخل على بوابة العدل الالكترونية حط رقمك المدني وشوف القضايا المرفوعه ضدك اخذ رقمها وروح قسم المحفوظات اخذ صورة من الحكم وشوف شسالفة وبنفس الوقت سو تظلم من منع السفر هناك بالمحكمة يعلمونك الاجراءات وبالموقع يبين معاك المحكمة المختصة وقولنا شيصير معاك ودام في منع سفر اكيد في امر اداء او حكم صادر ضدك
    بييييييييه 10 سنوات وايد
     
  4. duwailah

    duwailah عضو جديد

    التسجيل:
    ‏13 ابريل 2008
    المشاركات:
    215
    عدد الإعجابات:
    0
    مكان الإقامة:
    KUWAIT
    المشكله انه صار منع سفر بدون لا استلم شي من المحكمه او اي بلاغ ..
     
  5. duwailah

    duwailah عضو جديد

    التسجيل:
    ‏13 ابريل 2008
    المشاركات:
    215
    عدد الإعجابات:
    0
    مكان الإقامة:
    KUWAIT
    المشكله منع السفر توه نازل لاني سافرت قبل شهرين وكان الامر عادي .. انا راح اسوي الاجراءات اللي قلتيها لي ..