الي يبيعون العطور يدشون والي يعرف يساعدني

[om dodi]

السلام عليكم،
الاخوان الي حاطين مواضيع عن العطور
طير السعد
ابو علواو
بنت جابر الخير
صاحبة ذوق
الكويت2009
موستنج
mosq890
Perfumes2009
KUWAITYA
وغيرهم بعد - بس هذول الي شفتهم نشيطين في المنتدى-

انا وايد محتارة شنو اشتري عطور وبصراحة ريلي ذوقه صعب ومابي اتوهق اطلب ومايعجبني
اذا امكن تدشون تقولونلي وين اقدر اجرب العطور الي عندكم
انا ادور عطر يعجبني حجم 100 مل بسعر حلو ​

 

[mosq890]

السلام عليكم اختي

بالنسبة للعطور مثل ما تعرفين اذواق في الاول الاخير !

يعني اللي يعجبج ما يعجب غيرج وفي العطور راح تلاقين العطور اشكال والوان في منها تكون بريحة البخور وفيها تكون سويتي وشوجري او بروائح الورد وغيره

فالافضل وبما ان ريلج ذوقه صعب فما ادري شنو اللي راح يعجبه حتى انتي نفسج مو عارفة !!!

فالافضل انج تروحين بيضون مثلا وتشوفين العطر اللي يعجبج وان شاء الله بتحصلينه عندي او عند الشباب ولا تشيلين هم السعر

تحياتي

 

[sound blaster]

مابي أزعل أحد .. بس روحي لاجمل وفي عطور روعه .. ويكفي أنها أصليه وما تصبغ بالملابس...لان بعض العطور المعروضه تصبغ الملابس وريحة الكلونيا فايحه منها يعني تفرق عن الأصلي ..

طبعا العطور الي باجمل أنصحج فيها

1- كربون اتعطر فيه يقعد يومين وروعه

2- عطر اسمه دهن عود معتق شي مو طبيعي سعره 24 .. بس اتوقع الكل بيسال منين شريته

3- عطر اظن اسمه شاداو .. روعه سعره ب 8 توه نازل

والله يخلي لج زوجج قولي أمين

 

[بنت جابر الخير]

حياج الله اختي


حبوبة
ذوق زوجج
يحب العطور اللي ريحتها هادية
ولا ثقيله
وانا بصراحه عندي عطر
كل مايبرد العطر تفوح ريحته اكثر
حو حيل
العطر سعره 10 د.ك
والعطور اللي عندي بامكانج تشمينهم قب لا تشترينهم
والاحجام متوفره 50 + 100

والاسعار مناسبة

واخر شي بقوله
لج
اله يكون بعونج على ثوق زوجج

 

[mosq890]

مابي أزعل أحد .. بس روحي لاجمل وفي عطور روعه .. ويكفي أنها أصليه وما تصبغ بالملابس...لان بعض العطور المعروضه تصبغ الملابس وريحة الكلونيا فايحه منها يعني تفرق عن الأصلي ..

طبعا العطور الي باجمل أنصحج فيها

1- كربون اتعطر فيه يقعد يومين وروعه

2- عطر اسمه دهن عود معتق شي مو طبيعي سعره 24 .. بس اتوقع الكل بيسال منين شريته

3- عطر اظن اسمه شاداو .. روعه سعره ب 8 توه نازل

والله يخلي لج زوجج قولي أمين

اخوي اسمح لي اعدل على كلامك

عطوري ولله الحمد لا تفرق عن الاصلي لانها اصلية في الاساس ولا تصبغ الملابس على قولك وانا شخصيا استخدمها ولو مثل ما تقول ما كنت استخدمتها ولا كان اللي يشترون مني صاروا زباين عندي

هذا للتوضيح فقط !!!

وكلامك مافيه زعل ولا شي مجرد وجهة نظر او تجربة ومريت انت فيها وصارلك هالشي !

تحياتي

 

[om dodi]

مشكورين على الردود

والنعم بالكل انا جربت الاصلي الغالي والتركيب وبصراحة الفرق لا يذكر
بس بصراحة ابي عطر زوين وسعره مناسب حق كل يوم

انا حطيت الموضوع عشان اعرف هل في اماكن حق الاعضاء الي منزلين مواضيعهم اقدر اجرب الي عندهم؟؟؟

 

[om dodi]

وين الباجي؟؟؟؟؟؟؟؟؟؟؟؟

 

[طير السعد]

السلام عليكم ورحمه الله وبركاته

الاخت ام دودي كيف الحال

الاخوان اللي ردم كلهم فيهم الخير والبركه

وكلامهم عدل


ولازم انتى تعرفين ذوق ريلج

وممكن احنا نساعدج في ترشيح اكثر العطور الرجالية طلبا


والعطور اللي متوفرة اكثر من 400 نوع من العطور

والناس اذواق

ولو تشابهت الاذواق لبارت السلع

والاسعار بشكل عام عند الاخوان او الخوات في المنتدى سعرها مناسب

موفقة خير اختى

 

[om dodi]

شكرا جزيلا لكل الي رد علي

ويرجى من المشرفين اغلاق الموضوع

 

[ابو علواو]

بسم الله الرحمن الرحيم​

السلام عليكم اختي انا اسف على التاخير بالرد ولكن لازم انه تعرفين انه ريلج يميل حق العربي ولا الفرنسي ومن اي نوع الريحه تكون قويه او خفيفه وما اقدر انا اقولج اخذي جذي ولا جذي لازم نعرف شنو ذوق ريلج واسف على الرد المتأخر وعسى الله يرزق الجميع يا رب وشاكر للاخوان الي ردوووو