يا جماعة ديربالكم ..... هذي الأشياء الي ما تبين عند فحص اي سيارة مستعملة

الحالة
موضوع مغلق

قناص_السوق

عضو نشط
التسجيل
8 يناير 2009
المشاركات
1,348
يا جماعة كلنا نشتري سيارات مستعملة , ويمكن ثلاث ارباعنا يفحص السيارة عشان يرتاح ضميرة

لكن ترى في اشياء ما تبين من خلال فحص السياره في كراج مختص بالفحص ....... (الا اذا كان هناك دقه شديده جدا جدا و هذا للأسف ليه هاليوم غير متوفر في اي كراج للفحص )


الامور التي لا يمكن لكراج الفحص كشفها :-

1- السيارات المدعومه :- و التي تم استبدال القطع المدعومه منها باخرى جديده تبين مع الفحص انها فقط صبغ تجميلي و للاسف احيانا تكون القطع تجاري .

مثال :-
سيارة اندعم بابها اليسار بدل من تصليح الباب و اخذ معجون يقوم الشخص باستبدال الباب باخر تجاري غير اصلي (فيظهر للفحص انه غير مدعوم و اخذ صبغ تجميلي )

ولكشف هذا التلاعب يمكن ان نعرف ذالك من خلال البراغي الي تثبت الابواب قد تكون مزلقه بسبب الفك و التركيب او شدها ليس بقوة شد المصنع او من خلال عيار الباب مع المدقر الفتحه ما تكون مظبوطه الباب اليسار فتحه صغيره بين الباب و المدقر , والباب اليمين فتحه اوسع بين الباب و المدقر .


2- المكينة المجفته :- لا يمكن للفحص ان يعرف المكينه هل تم تجفيتها ولا لأ او هل القطع بداخل المكينة تجارية ام اصلية

ولكشف ذلك لا بد عند الفحص خبرة في كل برغي بالمكينه و يركز على البراغي هل جميع البراغي في مكانها الصحيح و هناك سبانه خاصه تبين رقم شد البرغي فيرى الفاحص هل البراغي مشدوده كما كانت في المصنع و يرى هل يوجد خدوش في البراغي ....


3- السيارة التي بها صرفية :- هناك ادوية تمنع ظهور الدخان الابيض لمدة يومان و تباع في محلات زينة السيارات

وهذه الادوية تعطي فاحص دخان العادم بان حالة المكينه جيده و القراءه طبعا خاطئه لان انغش الكمبيوتر .

لكشف ذلك الصراحه صعب افضل يوكون الفحص على يومين او 3 او بطريقة اخرى تفريق زيت مكينة السياره خلال الفحص و استبدالة بزيت اخر جديد

4- سيارة يكون عداد بانزينها خربان ما تبين بالفحص و الصراحه بالاستعمال تبين .

5- الشاشه الداخلية ..... ازرار النوافذ ..... الاشارات الخ .... لا تهتم جهة الفحص بفحصها و كذلك حالة المكيف لا تلتزم جهة الفحص بفحصها


6- صوت قرقعة الديكور .... الانوار الداخلية .... . حالة المقاعد و لبس المقاعد ربما يكون تلبيس غير الاصلي و من جودة رديئة .....


7- تراكشن + علامة شيك انجنير + علامة ماء الراديتر + علامة طرمبة زيت المكينه + جرس الانذار (قد تكون جميعها عطلانه ) لذلك يفضل برمجة السيارة من جديد و تشغيل جميع ما تم فصله من كمبيوتر السياره قبل الفحص . . .

8- السياره الغرقانه و الداخله بحر (ما تبين بالفحص لو تم رشها قار من اسفل و لذلك السيارات المرشوشة مشكوك فيها خاصه لو كانت رش حديث و ليس قديم لان الرش القديم اهو مره و خلاص لحمايتها من الامطار لكن رش حديث و يرد يبيعها ما تدش العقل )

9- القطع تجارية ام اصليه (مثل كراسي مكينه - كراسي جير - دسكات - سفايف - اي قطعه اخرى ما تبين بالفحص ....... )

10 - تنسيم الهواء داخل السياره عند القيادة و حالة سايد البريك ما يركزون عليه بالفحص

طبعا اذا في المزيد عندكم ارجو اضافته :)
 
التسجيل
12 أكتوبر 2008
المشاركات
569
وين تنصحنا اذا ابي افحص تويوتا اروخ حق الساير احسن
 

abu shehab

عضو نشط
التسجيل
12 يناير 2009
المشاركات
330
السلام عليكم
الله يعطيك العافيه ويجزيك الخير على هالمجهود الطيب بصراحه مجهود اكثر من رائع
بس يااخوك اللي يبي يشتري سياره مستعمله شي اساسي لازم يدفع عليها فلووس عشان جذي الناس يركزوون على الماكينه والقير والشاصي والحوادث
بس ما حد يركز على الاشيااء الفرعيه مثل ما تكرمت والسبب انها مستعمله
بس لو السياره جديده فاكها من الوكاله من حقك انك تفحص برغي برغي لأنها وكاله والمفرووض مايكون فيها همسه مو صووت وعلى فكره انا شفت كراجات فحص السيارات برى الكويت والله العظيم على قولتك يفحصونه بالبرغي واذا السياره سليمه 100% يعطيك على السياره كرت ابيض يعني انها السياره سليمه 100% ويعطيك بعد اذا السياره مدعومه بالتفصيل
ويكتبونلك بالكرت مثلا انها في طقه بالشاصي أثر مطب أو اثر حفره وهذا الشي يحصل مع كثير من الشاب لأن اكثر الشباب امسدحين مواترهم على الارض فيعطيك هذه الطقه اثر تسديحه وحكت مطب او حادث وآسفين على الاطاله
 

hamed_zd

عضو نشط
التسجيل
26 سبتمبر 2007
المشاركات
1,202
احب اضيف الكبوت(غطا المحرك) اذا بعض السيارات اللامريكية تحصلها بعد الحادث مو مستويه...
والمكيف كما ذكرت صعب احد يفحصها لكن تحتاج لخبير

ولاتنسى الرنقات وراغي الرنقات

اذا الواحد بيقط فوق الف دينار بيفتش بالسيارة وهذا من حقه ولا حرج فيها
 

-الوافي-

عضو نشط
التسجيل
3 أكتوبر 2007
المشاركات
381
الله يعطيك العافيه اخوي على الموضوع وجان زين حاط الموضوع قبل شهر
الي صار معاي اني حصلت سياره مستعمله من شخص بصراحه محترم
و الي صار بيني وبينه انه قالي على كل شي بالساره ومن ظمنهم انه السياره فيها حراره بس ما يدري من شنو
قلت افحص كل شي ويبين العيب من شنو
و فحصت السياره بالرمال الذهبيه قير مكينه شاصي
والمكينه نسبتها 70 و القير ممتاز و الشاصي ممتاز
حولت السياره و وديتها كراج يعدل فيها اشياء خفيفه و تصفيه و الخ
المهم بعدها مريت على ميكانيكي و من فحصه قالي راس المكينه يسبب حراره عندك
قلت بتاكد و رحت لشخص ثاني و قلت له مادري شنو فيها و فحصها وقالي نفس الكلام
يا جماعه راس المكينه يطلع بالفحص اذا كان فيه شي ولا لا ؟
وشاكر لكم
 

قناص_السوق

عضو نشط
التسجيل
8 يناير 2009
المشاركات
1,348
احب اضيف الكبوت(غطا المحرك) اذا بعض السيارات اللامريكية تحصلها بعد الحادث مو مستويه...
والمكيف كما ذكرت صعب احد يفحصها لكن تحتاج لخبير

ولاتنسى الرنقات وراغي الرنقات

اذا الواحد بيقط فوق الف دينار بيفتش بالسيارة وهذا من حقه ولا حرج فيها



كلامك عدل اغلب السيارات الي فيهم حادث تلقون الكبوت مو مستوي مع احد المدقرين الامامين في فتحاته الجانبية ....

وكذلك الابواب لو فيها حادث قد تكون مو مستوية مع المدقرين سواء امامي او خلفي

كذلك الدبه لو فيه حادث نلقى مو مستويه

هذا بالاضافه قد يسبب الحادث تنسيم قوي للهواء فاحيانا التنسيم القوي دليل على اصابة المركبة ....
وخاصتا لو كان معيار فتحات الباب مو مستوية مع المدقر و فيه تنسيم ربما يوجد الشك في الموضوع

شكرا لك . . .


الله يعطيك العافيه اخوي على الموضوع وجان زين حاط الموضوع قبل شهر
الي صار معاي اني حصلت سياره مستعمله من شخص بصراحه محترم
و الي صار بيني وبينه انه قالي على كل شي بالساره ومن ظمنهم انه السياره فيها حراره بس ما يدري من شنو
قلت افحص كل شي ويبين العيب من شنو
و فحصت السياره بالرمال الذهبيه قير مكينه شاصي
والمكينه نسبتها 70 و القير ممتاز و الشاصي ممتاز
حولت السياره و وديتها كراج يعدل فيها اشياء خفيفه و تصفيه و الخ
المهم بعدها مريت على ميكانيكي و من فحصه قالي راس المكينه يسبب حراره عندك
قلت بتاكد و رحت لشخص ثاني و قلت له مادري شنو فيها و فحصها وقالي نفس الكلام
يا جماعه راس المكينه يطلع بالفحص اذا كان فيه شي ولا لا ؟
وشاكر لكم

المفروض يبين بالفحص و الظاهر ان كراج الفحص يتعامل مع صاحب السياره الي شريتها منه و كان من حققك ترفع قضية بحماية المستهلك لو ما مر حوالي 3 ايام من الشراء و تاريخ الفحص ..





انصح كل واحد يشتري سياره قبل ما يشتريها يفحصها فحص دقيق ...

وبعد ما يشتريها يفحصها بكراج ثاني و يعلم الكراج ان السياره باسمه بس بسافر فيها و بصلح كل شي فيها ليقوله توني شاريها

ويقارن النتيجتين بالفحص اذا كشف في تلاعب قبل الشراء يتجه لحماية المستهلك ...

 

نواف الخالدي

عضو نشط
التسجيل
26 سبتمبر 2008
المشاركات
405
- سيارة يكون عداد بانزينها خربان ما تبين بالفحص و الصراحه بالاستعمال تبين .

5- الشاشه الداخلية ..... ازرار النوافذ ..... الاشارات الخ .... لا تهتم جهة الفحص بفحصها و كذلك حالة المكيف لا تلتزم جهة الفحص بفحصها


6- صوت قرقعة الديكور .... الانوار الداخلية .... . حالة المقاعد و لبس المقاعد ربما يكون تلبيس غير الاصلي و من جودة رديئة .....


7- تراكشن + علامة شيك انجنير + علامة ماء الراديتر + علامة طرمبة زيت المكينه + جرس الانذار (قد تكون جميعها عطلانه ) لذلك يفضل برمجة السيارة من جديد و تشغيل جميع ما تم فصله من كمبيوتر السياره قبل الفحص . . .


وانت تبي تجييك على كل هالشغلات جيك بنفسك شكو الفحص فيك ولا اشترلك سياره من الوكاله وخلاص
 

بوعبدالله 11

عضو نشط
التسجيل
29 مايو 2009
المشاركات
98
اخوي الي يبي يشتري سياره مستعمله وخايف من كل هل امور خل يفحص السياره الي يبيها بالوكاله مع ذكر ماوصفت بالدقه وراح يكون الفحص مدته لاتقل عن 3 او 4 ايام والفحص فوق 100 دينار
ومااعتقد انه صاحب السياره بينطر شخص بفصخ سيارته من الي
والشي المعروف بالفحص العالمي
شاصي
ماكينه
جير
باككس
هيئه اماميه
هيكل
دبل ان وجد
اماالامور الي انت ذاكرها اعتقد كل واحد يشتري مستعمل يهيئ نفسه لها

تقبل مروري
 

فودري

عضو نشط
التسجيل
12 أكتوبر 2008
المشاركات
610
الإقامة
الكويت
عدل كلام اخوي بوعبدالله ....
وانا بصراحه قبل لا أفحص أي سياره اطق فيها فره أشوفها جامده ولا مهرقله واطفي المسجله واركز عالأصوات الي تطالع واذا عجبتني تالي اوديها الفحص ... وتقبل مروري :)
 

Rap Soul

عضو نشط
التسجيل
2 سبتمبر 2007
المشاركات
965
جزاك الله خير على التنبيه
 

sound blaster

عضو نشط
التسجيل
13 أبريل 2007
المشاركات
1,003
الإقامة
الكويت
ياجماعه آنا قلتها وأقولها لمره الألف

أشتري سياره كيا جديده وكاله خير لي من ان أشتري بي أم أو مرسيدس أو لكزس مستعمل..
وصاحب الموضوع الف شكر شكلك تعبت على موضوعك​
 

الوالي@

عضو نشط
التسجيل
23 يونيو 2009
المشاركات
219
والله ضحكتني يا صاحب الموضوع

هذا وانت شاري سيارة مستعملة تسوي جذيه اشلون لو شاري سيارة من الوكالة شتسوي
يا شباب ترا الخبرة تلعب دور انت شوف السيارة بالنظر اذا ارتحت لها اخذها ترا يا شباب اهم شي لما تاخذ السيارة يكون البدي سليم ومنظر السيارة حلو ووقفتها حلوة يعني رزة والماكينة والقير والشاصي على الفحص

اما اني اطالع السيارة واتفحصها برغي برغي شسالفة ما عمرها صارت
 

الوالي@

عضو نشط
التسجيل
23 يونيو 2009
المشاركات
219
الله يعطيك العافيه اخوي على الموضوع وجان زين حاط الموضوع قبل شهر
الي صار معاي اني حصلت سياره مستعمله من شخص بصراحه محترم
و الي صار بيني وبينه انه قالي على كل شي بالساره ومن ظمنهم انه السياره فيها حراره بس ما يدري من شنو
قلت افحص كل شي ويبين العيب من شنو
و فحصت السياره بالرمال الذهبيه قير مكينه شاصي
والمكينه نسبتها 70 و القير ممتاز و الشاصي ممتاز
حولت السياره و وديتها كراج يعدل فيها اشياء خفيفه و تصفيه و الخ
المهم بعدها مريت على ميكانيكي و من فحصه قالي راس المكينه يسبب حراره عندك
قلت بتاكد و رحت لشخص ثاني و قلت له مادري شنو فيها و فحصها وقالي نفس الكلام
يا جماعه راس المكينه يطلع بالفحص اذا كان فيه شي ولا لا ؟
وشاكر لكم


لا ياخوي ما يبين اذا راس الماكينة في شي ولا لا
لاني مرة فحصت سيارة عند كراج ريما اللي في الري وقالو لي نسبة الماكينة 75% وسبحان الله طلعت من الكراج انا وصاحب السيارة رحنا نحولها بس ما لحقنا قالي خل السيارة عندك وبكرة نحول قلتله اوكي ومن زود الحرص اللي فيني قلت خلني اشيك على ماي الراديتر يمكن ناقص ولما فتحت الراديتر لقيت فيه زيت يعني الماكينة خالطة ماي وزيت ورديت السيارة لراعيها قبل لأحول الحمدلله
 

قناص_السوق

عضو نشط
التسجيل
8 يناير 2009
المشاركات
1,348
اخوي المفروض يبين لان خلط الماي بالزيت ينتج دخان :) من العادم الاكزوز


بس فيه ادوية مع الاسف موجوده بمحلات الزينه ......... توقف الدخان فتره بسيطه والظاهر كان بغشك الريال و هم الفحص المفروض يعرفون من الحراره و يلتزمون بفحص الماي لان الراديتر جزئ ميكانيكي :)


بس الظاهر كان بطيحونك في فخ و الله سبحانه نجاك منهم
 

SnaFy

عضو نشط
التسجيل
9 يناير 2009
المشاركات
110
3- السيارة التي بها صرفية :- هناك ادوية تمنع ظهور الدخان الابيض لمدة يومان و تباع في محلات زينة السيارات

وهذه الادوية تعطي فاحص دخان العادم بان حالة المكينه جيده و القراءه طبعا خاطئه لان انغش الكمبيوتر .

لكشف ذلك الصراحه صعب افضل يوكون الفحص على يومين او 3 او بطريقة اخرى تفريق زيت مكينة السياره خلال الفحص و استبدالة بزيت اخر جديد

فتح قطا المكينة ويبين معاك اذا كانت تصرف ولا لا او عير الزيت هم يبن معاك
 
الحالة
موضوع مغلق
أعلى