مشكلـــــه في اليوكن والتاهـــو.......!!

[سهم فسفوري]

بغيت اعرف شنو مشكله اليوكن والتاهو من موديل 2001إلى 2006 بخصوص الدبل كثر الخرابات..

عملت له صيانه وخرب بعد شهر ونفس الخراب..!!!

مادري شنو الحل

 

[بومعالي]

أخوي حدد أي موديل

اليوكن واللي مثله من موديل 2000 إلى 2002 الخراب من سنسر الدبل أو دقمة الدبل بالطلبلون ... تشوفها إذا ما تشتغل لما تبدل بالأزرار لازم تتبدل الدقمة كاملة وسعرها رخيص عند الأهلية ... السنسر مشكلته بهالموديل انه ما يتبدل لحاله لازم تشتري القطعه كاملة

أما 2003 إلى 2006 تبدل السنسر بروحه ... وسعره بحدود 25 دينار أو أقل من الأهلية

اللي ما يدرون فيه الناس ان اليوكن واللي مثله لازم تبدل زيت الدبل كل 75 ألف كيلو وتبديله رخيص بس العالم تخلي الزيت ليما يتلف ويخرب سنسر الدبل كذلك لازم تشغل الدبل على الأقل مره بالشهر ولو لمدة دقيقتين

 

[سهم فسفوري]

مشكور يا الغالي

الله يعطيك العافيه
إلى عندي موديل 2004 تاهو z71

يطلع بالطبلون SERVES 4WD مع العلم مرات اشغل السياره ألقاه فجأه محطوط على الدبل شغال بروحه ومرات دبل ثقيل ومرات اليتات فاصله...


مشكور على المعلومه القيمه

 

[بومعالي]

دام موديل 2004 اللي خربان عندك سنسر الدبل اسمه encoder motor sensor ورقم القطعه 88962315 ( تأكد من الأهليه ) اشتر السنسر من الأهليه واخذ ثلاث علب زيت دبل ( أصلي ) وبدلهم عند ميكانيكي يكون فاهم بالدبل ... الشغله ما تاخذ نص ساعه تقريبا ..

هذي صورة للانكودر وهو يكون خلف القير من جهة عمود القاردن والسنسر داخل الانكودر

إفصل البطارية لمدة ربع ساعه ( السالب ) ورد ركبها اذا اشتغل الدبل عندك وتقدر تبدل بين الأوضاع يعني الخلل من السنسر

 

[bo_sultan]

الله يعطيك الصحة و العافية اخوي بومعالي علي المعلومة الطيبة و الله يكثر لنا من الناس الطيبة مثلك