(تجربة شخصية) كيف تشتري سيارة من أمريكا عن طريق بيت التمويل الكويتي (بالتفصيل)

الموضوع في 'إستراحة المنتدى' بواسطة المركز المالي, بتاريخ ‏15 أكتوبر 2009.

  1. المركز المالي

    المركز المالي عضو جديد

    التسجيل:
    ‏25 سبتمبر 2008
    المشاركات:
    813
    عدد الإعجابات:
    0
    مكان الإقامة:
    الكويت
    *الطريقة على خطوات:
    1- تدخل على موقع السيارات اللي تبيه (مثال:www.autotrader.com) وبالنسة لـ zip code راح اشرحه تحت بالتفاصيل المهم تحط هالرقم 33133 وبعده في box يحتوي على خيارات 100 ميل 500 ميل حط any distance علشان يبحث في كل مناطق امريكا ، بعدها عادي تختار نوع السيارة وموديلها وفي اوبشن ممكن يحددلك السيارة اللي تبيها بالضبط ، وتنتهي الخطوة باختيار السيارة.

    2- تتصل على مسؤول المكتب اللي يتعامل معاه بيت التمويل في أمريكا (شركة ليبرتي-تكساس) الأخ/ بوعماد حاتم الأدهم رقمه 0012144780630 وهو انسان متعاون وعنده خبره بالموضوع مهمته يشتري السيارة اللي تبيها ويخلص أوراقها ويشحنها الكويت وياخذ عمولة 3% من قيمة السيارة ، المهم انك تبلغه بالموضوع وتقول له بدز لك رابط الصفحة اللي فيها السيارة على ايميل ولدك عماد (adham@bellsouth.net) وهو بدوره راح يحسب قيمة السيارة+قيمة الشحن+عمولته ويسجلهم في عرض السعر الخاص ببيت التمويل ويدزهم عليه ، واذا عندك اي مشكلة او سؤال ممكن تساله وما راح يقصر معاك.

    3- بعد ما يوصل عرض السعر بالفاكس لقسم الموردين (معرض الشويخ) عند الأخ/ محمد أيمن تاخذ العرض وتروح قسم المرابحة في نفس المكان علشان تخلص معاملة الأقساط ، هني انتهى دورك مؤقتا ، المرابحة راح يدزون موافقة البنك على شراء السيارة لقسم الموردين اللي راح يدزها بدوره للأخ حاتم بأمريكا ، وهو الحين راح يشتري السيارة ويخلص امور الشحن باقرب وقت ممكن وماعليك بهالفترة الا انك تنتظر وصول السيارة وراح يدز لك قبلها الأخ بوعماد أوراق السيارة كاملة على الـ DHL وممكن تتواصل معاه بين فترة والثانية بالتلفون او الإيميل المذكور فوق.

    4-بعد ما توصل السيارة المينا تبدأ عملية (التخليص الجمركي) وعلشان اختصر هالمرحلة وما ندش بتفاصيل هذا رقم واحد من المخلصين اسمه سامر الصياد :99062150 راح يقولك شتسوي من الألف للياء يعني من تطلع السيارة من المينا لين تدخل فحص المرور ثم استخراج الدفتر واللوحات.

    الخطوات باختصار للتذكير:
    1-اختيار السيارة من الموقع وحفظ رابطها - LINK
    2-التنسيق مع الأخ بوعماد بأمريكا رقمه:0012144780630
    3-تخليص معاملة الأقساط (قسم المرابحة-معرض الشويخ).
    4-التخليص الجمركي بعد وصول السيارة مع الأخ سامر ورقمه:99062150



    *ارجو ان تكون الخطوات واضحة ، والحين نأتي لبعض الملاحظات الهامة والتفاصيل :

    (أولا): بالنسبة لـ zip code هو عبارة عن رقم يدل على عنوان منطقة او قطعة من الأرض يسهل عملية الإستدلال عليها تقريبا مثل نظام القطع عندنا في الكويت.

    مثال: 5340 W Tropical Parkway Las Vegas NV 89130

    W Tropical Parkway 5340 (عنوان الشارع)
    Las Vegas (اسم المدينة)
    NV (اسم الولاية) Nevada
    89130 (هذا الـ zip code الخاص بهالقطعه من الأرض ممكن يكون فيها مستشفى او مدرسة الخ)

    والموقع يطلب الـ zip code علشان يشوف اقرب السيارات لموقع سكنك على افتراض انك ساكن بامريكا وعندك zip code

    طيب انا بالكويت شسوي؟
    احط اي zip code بعدها احدد خيار any distance يعني البحث في اي مسافة من موقع السكن وبمعنى اخر في كل المناطق ، لأنك لو حددت 50 ميل او 100 ميل مثلا راح تطلع السيارات اللي تبعد عنك هالمسافة بس وبالتالي راح تكون الإختيارات عندك قليلة.


    (ثانيا): بالنسبة لحالة السيارة وضمانها ، ممكن عن طريق رقم الشاصي تتأكد من حالة السيارة من ناحية تعرضها لحوادث او ماشابه وكذلك بالنسبة للعداد في موقع الكارفاكس والأوتوجك وغيرها برسوم بسيطة وممكن البايع يعطيك الشهادة مجانا ، الضمان الوحيد يكون بينك وبين البايع الأول اللي هو الشركة او المكتب اللي اخترت منه السيارة من خلال شهادة ضمان او ورقة فحص معتمدة من شركه معروفه وقبل هذا السمعة الجيدة للبايع هي اكبر ضمان للسيارة (ممكن يفيدك المكتب هناك بهالشي بحكم خبرته في البيع والشراء).

    اما البنك فيشتري السيارة على مسؤوليتك ويبيعها لك على افتراض انك شفتها وفحصتها وكذلك المكتب اللي يتعامل معاه فهو وسيط بينكم ياخذ عمولة على شغله هناك من شراء وشحن وتخليص معاملات فقط ، وممكن اذا كانت السيارة في نفس الولاية (تكساس) انه يفحصها لك بمقابل طبعا ، لكن بالنهاية انصح الإخوان انهم يشترون من شركات او مكاتب معروفة حتى يرتاحون من هالشغلة.


    (ثالثا): بالنسبة للتكلفة الاجمالية للسيارة ، التكلفة تعتمد على (قيمة السيارة+قيمة الشحن+قيمة الجمرك 5% من قيمة التثمين في الجمارك+عمولة المكتب 3% من قيمة السيارة).

    بالنسبة للشحن كل شركة سعرها يختلف عن الثانية والشحن قسمين جوي وبحري:
    1- الجوي غالي فما راح اتكلم عنه.
    2- البحري قسمين اما شحن السيارة بكونتينر ويعتمد على حجم السيارة اذا كانت تاخذ كونتينر بروحها او مع سيارة ثانية ، او شحن (الرورو-RORO) وهو شحن السيارات داخل الباخرة في مواقف خاصة لها وهالطريقة تتبعها اغلب وكالات السيارات ومعظم الناس عموما لانها ارخص وامنة في نفس الوقت ، والمكتب راح يحاول يشوفلك شركة زينة ورخيصة بحكم خبرته.

    وبالنسبة للجمرك فيعتمد على تثمين السيارة بالسعر المحلي حسب نوعها وموديلها ، في (قسم التثمين-مؤسسة الموانئ-الدور الاول).


    (رابعا): مرحلة (التخليص الجمركي) ، (مكاتب التخليص-مؤسسة الموانئ- الدور الأول) والمخلص راح يكون معاك لين تاخذ السيارة لفحص المرور ، اول شي لازم اطلع رخصة استيراد مؤقت باسمك من وزارة التجارة (مجمع الوزارات) بعدها تكمل المعاملة في مكتب التخليص وتدفع الجمرك بعد ما يثمنون السيارة بقسم التثمين (الجمرك 5% من قيمة التثمين) بعدها يتم فحص السيارة فحص مبدئي (في نفس المكان) وتروح تختم ورقة الفحص في ادارة المواصفات والمقاييس (المنطقة الحرة الثانية) (رسوم 60 دينار) وترجع ادرة الفحص المبدئي يعطونك اللوحة المؤقتة (مدتها اسبوع) بعدها تروح فحص المرور حق الدفتر واللوحات.


    (خامسا): الجهة المعنية بالتأكد من مطابقة السيارة للمواصفات الخليجية :
    1-ادارة المواصفات والمقاييس التابعة لوزارة التجارة (المنطقة الحرة)
    2-الفحص الفني للمرور

    السيارة لما توصل الكويت لازم تمر على هالجهتين ويعطونك الموافقة وبالتالي تطلع الدفتر واللوحات لها ، والصراحة هم يشوفون السيارة من بره يعني عليها تظليل او ملصقات او في تغيير كبير بشكل السيارة اما الأمور الميكانيكية والتفاصيل ما لهم شغل فيها.


    تم بحمدلله ، دعواتكم الطيبة ... :)
     
  2. الهمس الخجول

    الهمس الخجول عضو مميز

    التسجيل:
    ‏6 أكتوبر 2008
    المشاركات:
    8,739
    عدد الإعجابات:
    2
    اللهـ يعطك الف عافيهـ -
     
  3. NICK

    NICK عضو نشط

    التسجيل:
    ‏23 سبتمبر 2007
    المشاركات:
    2,072
    عدد الإعجابات:
    202
    مكان الإقامة:
    kuwait
    اشكرك اخوي عل الموضوع
     
  4. العاشق

    العاشق عضو مميز

    التسجيل:
    ‏18 يناير 2009
    المشاركات:
    14,324
    عدد الإعجابات:
    557
    مكان الإقامة:
    هنا
    وفيت وكفيت مشكور ياحلو 000;)
     
  5. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    جزاك الله خير ع المعلومات
     
  6. دنياء غريبه

    دنياء غريبه عضو مميز

    التسجيل:
    ‏5 يناير 2009
    المشاركات:
    12,840
    عدد الإعجابات:
    686
    مكان الإقامة:
    ● فــَي قـًلـب بـًآبـآتيِ ..!ِ~}
    يسلموووووووو ..

    لاعدمنــــاك ...
     
  7. shocked

    shocked عضو نشط

    التسجيل:
    ‏4 فبراير 2008
    المشاركات:
    822
    عدد الإعجابات:
    0
    مكان الإقامة:
    الكويت
    جزاك الله خير
     
  8. abatchy007

    abatchy007 عضو جديد

    التسجيل:
    ‏8 ابريل 2006
    المشاركات:
    1,200
    عدد الإعجابات:
    0
    يعطيك العافيه وازيدعلى الخطوة للتأكيد فقط انه السيارة مافيها شي قبل الشراء عن طريق الاخ بوعلي في المنتدى بس تعطونه رقم الشاصي للسيارة وماراح يقصر يعطيكم كافة البيانات عنها بالكامل اذا كانت السيارة سكراب او مسويه حادث او غرقانه او اي شي ثاني للإفادة فقط
     
  9. هامور 2000

    هامور 2000 عضو نشط

    التسجيل:
    ‏7 نوفمبر 2007
    المشاركات:
    1,778
    عدد الإعجابات:
    1
    يزاك الله خير
     
  10. kuwaitey

    kuwaitey عضو نشط

    التسجيل:
    ‏23 ديسمبر 2006
    المشاركات:
    1,508
    عدد الإعجابات:
    0
    زين اخوى وذا انا بشترى سياره من موقع ثانى غير الموقع اللى انت ذاكره

    ممكن تذكر لى الطريقه اذا تصير