جم نسبة الدفعه الاولى للآجل اثناء السوق

[bufahad]

جم نسبة الدفعه الاولى للآجل اثناء السوق اذا فرضنا سعر السهم 1.5 دينار ونص جم الحسبة

 

[Abdulazeez]

شرح مع مثال

السلام عليكم

راح اوضحلك كل شيء أخوي

سعر الآجل اثنـاء تداول السـوق هو 2.5% لكل 3 أشهر فقط
وللعلم أن الآجل خلال السووق ( ما يسمى البيوع المستقبليه ) لهـا مده واحده للعقد وهي 3 شهور فقط.

1) مده العقد فقط 3 شهور
2) يدفع المشتري نسبه 30% من سعر الشراء للصفقه كاملا
3) يدفع المشتري نسبه الفرق ( الربح ) وهي 2.5% من سعر السهم كامل أيضـا
4) أقل كميه مسموحه بهـا هي 5 وحدات على سعر الشراء وأكبر كميه مسموح بهـا 25 وحده وطبعا على سعر شراء السهم .

................................................................
مثال :
سعر السهم 1.500 المراد شراءه
وحده السهم 2500 سهم
يعني كميه الآجل المسموح شرائها بصفقه واحده لا تقل عن 12500 سهم ولا تزيد عن 62500 سهم للصفقه الواحده .

نحسبهـا إذا كنت بتشتري 30000 سهم فقط ( لاحظ أنه في المعدل و الكميه السموحه )
سعر السهم بالآجل هو = 1.530 ( تطلع 1.5375 بس الشركات تقربها للأقل وعلى حسب كل شركه وصانع السووق )
1.500 ( سعر السهم ) * 30000 سهم = 45000 دينار ( أجمالي الآجل )
30000 سهم * فايده الآجل ( 30 فلس تقريبـا ) = 900 د.ك ( أقرأ بند رقم 3 )
45000 *30% ( دفعه الآجل أقرأ بند 2 ) = 13500 د.ك

الدفعه الأولى التي يجب أن يدفعها المشتري هي = 900 + 13500 =14400 د.ك
المبلغ المتبقي ( الدفعه الأخيره ) = 31500 د.ك

إجمالي صفقه الآجل يساوي 45900 د.ك

إذا تبيني أشرحهـا أكثر .. أنــا حاضر

هذا والله أعلم

 

[Abdulazeez]

مثال رقم ( 2 )

مثال رقم ( 2 )
------------------------------
الصفقه حقيقيه كما كما اتذكرهـا مع أحد الأشخاص


السهم = الرابطه

سعر الشراء الفوري = 1160 فلس

سعر الآجل = 1188.9 فلس ( 28.9 فلس فايده الآجل والي تقريبـا 2.5% من سعر السهم )

أجمالي الآجل = 23778 دينار

دفعه أولى = 7538 دينار
( 6960 دينار 30% من الصفقه + 578 دينار والي تكون 28.9 فلس ضرب الكميه ( 20000 سهم )

المبلغ المتبقي للعقد = 16240 دينار
مده الآجل = 3 شهور

تنبيه مهم للأخوان :
** تقدر تبيع الآجل من اليوم التالي للتداول
** تقدر تبيع كميه وتخلي كميه
** اليوم التالي للشراء مو تنسى تاخذ رقم صفقه الآجل من عند المكتب الي تتعامل معاه ( الرقم غير عن الي يبين على ورقه صفقه الآجل )
** تقدر تعرض الكميه او بعضهـا حتى بالحد الأعلى للتداول
** راح ياخذون العموله كأي صفقه بالشراء والبيع
** بعض المكاتب تشتري من المعروض فقط ( هذا الشيء الرسمي ) والبعض يطلبها لك مع أوامر الطلبـات ( هم زين أنهم ياخذونه نقطه تحت )
** ربح الآجل ممتاز بالنسبه لرأس المال ولكن الخسـاره تخرع ومو هينه وعلى حسب الكميه )
** تقدر تفرق كميات الآجل عند البيع بس ما تقدر موليه تدمج كم صفقه مع بعض
** أختـار سهم لو كنت معزم 100% ومتأكد أنه راح يرتفع ولا تغامر موليه إلا بثقه ودراسـه
** أهم شيء تذكر تاريخ صفقه الآجل الخاص بك عشان تقدر تحصله من مكتبك لو ضيعت رقم الصفقه
** حاول انك تشتري السهم الي أنت مختاره على الأقل ساعه بعد التداول ولا ماراح يشترون لأن الكاش عندهم يكون محدود ومخلص
** إذا كنت مختار سهم وحاط عينك عليه وما حصلته عند المكتب الأول حاول تسـأل عنه بمكتب ثاني وثالث لأنه مو شرط كلهم يبيعون كل الأسهم ( في بعض المكاتب ما تشتري لك بعض الأسهم ( لحاجه في نفوسهم ) والسهم الي ينباع مثلا بأول مكتب تلاحظ المكتب الثاني ما يبيعه .

 

[bufahad]

بارك الله فيك أخي Abdulazeez على هذا الشرح الوافي
الله يجزاك خير
اذا في شئ ثاني راح أسألك عنه

 

[دبل سهم]

اخوى ابو عبدالعزيز شكرا لك على الشرح الوافى

اخوى ابو فهد ابعد عن الاجل ترى مافيه خير لنه السهم اذا بغا يطلع نزولوه اولا لتفسيخ الاجل وبعدين يطلعونه لانه يشكل عامل ضغط يحد من ارتفاعه كما يقولون اضف الى ذلك ان مو جميع الاسهم متوفره انا عده مرات دخلت فى الاجل كله خساره
انا دورى انصحك ولا ابغى الا دعائك
والله يعطيك الخيره

 

[دبل سهم]

اخوى ابو عبدالعزيز شكرا لك على الشرح الوافى

اخوى ابو فهد ابعد عن الاجل ترى مافيه خير لنه السهم اذا بغا يطلع نزولوه اولا لتفسيخ الاجل وبعدين يطلعونه لانه يشكل عامل ضغط يحد من ارتفاعه كما يقولون اضف الى ذلك ان مو جميع الاسهم متوفره انا عده مرات دخلت فى الاجل كله خساره
انا دورى انصحك ولا ابغى الا دعائك
والله يعطيك الخيره