تكييف نوع هيتاشي

[بوعبدالعزيز68]

السلام عليكم
حبيت أسأل اللي عنده فكره او يعرف احد مركب سنترال نوع هيتاشي الرجاء يفيدنا ولو بنكلف عليكم - ومندوبهم طبعا عند الغانم قال ان الاسعار راح ترتفع الشهر القادم وتدرون بكلام المناديب

 

[azzd]

حيالك الله
انا كنت ابي اركب هيتاشي للبيت الجديد .....ولكن بعد كم سؤال لعدد من مهندسين التكييف والتبريد بالدوام
فكانت ملاحظاتهم على هيتاشي ..... صناعة فلبينيه + قطع الغيار غير متوفر فقط لدى الغانم
والسعر ليس برخيص فيه غلا ......طبعا غلا على صناعة فلبينيه ؟؟؟؟
بس الشهادة الكثير يمدح خدمتهم لديهم طاقم كبير وسريع
واي استفسار حاضرين

 

[المهندس الكويتي]

السلام عليكم
حبيت أسأل اللي عنده فكره او يعرف احد مركب سنترال نوع هيتاشي الرجاء يفيدنا ولو بنكلف عليكم - ومندوبهم طبعا عند الغانم قال ان الاسعار راح ترتفع الشهر القادم وتدرون بكلام المناديب

هلا والله اخوي.... تكييف هيتاشي سابقا كان ياباني والحين ما يصنع باليابان ... تقدر تعتبرة من اجهزة التكييف الدرجة الثانية. وعيبه الكمبريسيور غالي جدا .... ولازم تتأكد اخوي اذا حبيت تركبه عند الغانم من المواصفات الخاصه بالتكييف والعوازل لان شغلهم تجاري ...

وبالتوفيق ان شاء الله ​

 

[بوعبدالعزيز68]

مشكور يا اخ azzd على الرد بس قال لي مندوب الشركه ان ياباني تجميع تايوان
واشكر الاخ المهندس الكويتي اللي توني اشتريت كتابه واستفدت منه كثيرا وحبيت اسال اي نوع تنصحوني فيه ويكون جيد بسعر مناسب

 

[بوعبدالعزيز68]

000000000000000000000000000000000000

 

[على حمد]

احنا مركبين هيتاشي

البرودة والخدمة ممتازة

وفي شركات اقوى بس اغلى مثل يورك

 

[محب جوجل]

أخوي أذا حاب تركب هيتاشي ركب من الغانم لاتركب عند الموزعين وكلامي عن تجربه راح تخسر مع الموزعين ( الشركات الموزعه ) لانهم يركبون أي كلام ::verymad:: راح تتعذب من الخربات ونص الصيف تمشيه بدون مكيف ( ترجع على المهفه)

الوكاله يركبون جوده وعمر أطول وتبريد أكثر

أما رائيي في هيتاشي الغانم الجديد مثل كلام الاخوان هو الان درجه ثانيه بنسبه لتكييف ترين و يورك الامريكى

 

[الكعمي1]

هيتاشي سابقا ---- الان صناعه اسيويه بس يحمل اسم الغانم

حاليا عيلك بالتالي:-
treen العيسى
rheem بودي
lg البابطين
colocx

 

[الوايلي 2]

اااااااانحش ولايحوشك
والله يخوي كل اسبوع اطلع المكاين اغير القايشات وانظف الثلج المتراكم عليهم
تكفه انحش والله اثنين من عيالي حاطين وحدات بغرفهم من رداءة هالمكاين
والتركيب من الغانم ماهو موزعين وهم سكه سد