يوم رحت اشوف فيه خطيبتي <<< قصه حلوه

الموضوع في 'إستراحة المنتدى' بواسطة دنياء غريبه, بتاريخ ‏18 أكتوبر 2009.

  1. دنياء غريبه

    دنياء غريبه عضو مميز

    التسجيل:
    ‏5 يناير 2009
    المشاركات:
    12,840
    عدد الإعجابات:
    686
    مكان الإقامة:
    ● فــَي قـًلـب بـًآبـآتيِ ..!ِ~}
    السلام عليكم ورحمة الله وبركاتة

    اخليكم مع القصه وعطوني رايكم بعدين ..
    حبيت أحكي لكم اليوم عن خطوبتي وبالتحديد أول يوم رحت أشوف فية خطيبتي


    طبعاً البنت راقية و سنويا تطلع مع أهلها إجازة أستجمام في سويسرا



    وأهلها أغنياء جداً ماشاء الله لكن فيهم تواضع جميل


    وماينظرون للمظهر بقدر ماينظرون للجوهر وهذا الي خلاني أتجراء


    وأخطب بنتهم ,, ووافقوا الحمد الله لأسباب أمنية


    المهم جاء اليوم المهبب بالنسبة لي والي هو يوم شوفة البنت

    طبعا أنا آخر بنت شفتها هي بوسي ايام التلفزيون ألأسود والأبيض بعدها

    أنقطع البث التلفزيوني عن حارتنا


    وصار مافية صور ترمز للأنوثة في مخيلتي غير أمي وخواتي الله يحفظهم والباقي شنابات



    المهم أنا مو متعود أشوف بنت قدامي بدون عباية أو حتى مطلعة عيونها


    كيف عاد اذا شفت بنت لابسة فستان من باتشي وتسلم علي طبعا اكيد راح اهبب



    وفعلا هذا الي صار


    الوالدة الله يحفظها عارفتني الذوق بدولة وانا بدولة


    عشان كذا كانت هي وخواتي كل الليل يعلموني الأتكيت

    وفن التعامل مع الآخرين .. وكيف أحكي مع البنت الذوق


    طبعا كنت متكشخ على الآخر ,, لدرجة العطر استعملت علبة كاملة حتى الجزم الله يعزكم عطرتها

    المهم رحت لهم البيت وقبل ما أوصل بيتهم وقفت عند محطة


    وشلت الحذاء ولبست كندرة أعزكم الله ( كنت مخبيهم آخر شيء لانهم جدد وما ابغاها تتوسخ والبنت ماشافتني لابسهم)


    طبعا أكتشفت أن الكندرة الي أنا لابسها ضيقة بشكل لايطاق


    بس أيش اسوي أختي موصيتني تقول لازم تلبسها ما ابغاهم يشوفوا


    اصابيعك الي زي الفطر والله مافيهم شيء حلوين بس هي دقيقة بزيادة


    المهم لبستهم ودخلت بوابة القصر بسيارة ودعست ورد مادريت أحسبه أسفلت طلع مسطحات خظراء


    المهم وقفت السيارة ونزلت ومشيت للباب الداخلي للبيت طبعا الي


    يشوفني وانا امشي يقول هذا أكيد عندة أعاقة أو يعاني من عاهه أبدية


    (( طبعا بسبب الكنادر ضيقة مرة ومو قادر أمشي والله بس قلت يالله كلها كم خطوة وأفسخها))


    استقبلني ابوها عند الباب الداخلي للقصر ورحب فيني أشد ترحيب وأصر


    علي أني أدخل جوات البيت بالجزمة اعزكم الله وقال هم يسوو كذا لان


    ارضية البيت رخام زي الحرم

    طبعا دخلت للبيت وامري لله مجبراً أخاك لابطل ولما وصلت نهاية المجلس


    كان الدم محبوس في سيقاني ومتجمع في الركب ورجولي ناشفة مافيها دم


    طبعا قدمو لي الشاي والقهوة وكان الشاي تبعهم مررر بشكل لايطاق ( أختي تقول السكر تلاقية مكعبات في علبة كريستال!! )


    المهم بعدها قالي ابوها انت مستعد ابغى انادي البنت قلت لاوالله ماتناديها أجلس يارجال خلني اسمع علومك 'طبعا أنا مرره مستحي وابي أتهرب '


    قال أنت جاي تخطب ولا تسلم قلت طيب لازم اشوفها عادي ماعندكم نمونة ( أختها الصغيرة مثلا ) قل لا ما ابغاك تقول ماشفتها قلت أستحي قال عادي بجلس معك (قلت بقلبي توي ما أستحي صدق)


    طبعا قام ونادها ,, أنا كنت جالس أتأمل في رجولي

    من الحياء ما أسمع الا كعب البنت وكان مع كل طقة للكعب 10 طقات لقلبي ,, لين جلست قريبة كان قلبي شوي ويوقف


    قالت : السلام عليكم


    أنا أرتبكت ورديت عليهاوقلت : السلام عليكم !!


    طبعا انا من هنا بديت أهبب لاني أشوف سراب فستان ينت على الأرض جالسة قدامي


    طبعاً كنت مازلت اتأمل برجولي من الحياء


    قام ابوها قالي أتكلم معها عشان تقدرون تشوفون بعض


    قلت : أأأأأ



    أأأأأأأأأأأأأأ



    أأأأأأم م م م م م م م كح كح



    ثم سكتت


    قال أسئلها طيب


    قلت بسرعة : ماعندي أسئلة ولا شروط والله !! ههههههههههه


    قال طيب أسئلها وين تدرس قلت عارف سنة ثانية في الجامعة

    قال أسئلية أنتي ,, ماردت علية وكانت مرة مستحية

    قام قال يالله أسئلية عشان يشوفك

    طبعا انا في ها الاثناء جاني ضعف حاد في حاسة السمع

    قامت سئلتني أنت : مدرس


    قلت لا أنا مدرس ( أحسبها تقول أنت تدرس )


    أبتسمت ونزلت راسها


    قالها أبوها ارفعي راسك يالله وأسئلية ,, أستحت في البداية بعدين


    قالت: كم عمرك


    قلت 8 الآف ( أحسبها تقول كم راتبك )





    هناابوها مات ضحك ,,وهي كمان ضحكت شوي وهي مستحية طبعا أنا ماادري وش السالفة !!


    بعدها كانت بتقوم لكن ابوها أجبرهاتجلس ,, لانهاكانت مرة مستحية وكاتمة ضحكتها

    بعدها قالها يالله كملي ..

    قالت : متى أنت متخرج

    قلت في الأجازة الجاية أو زي ماتحبون ( أحسبها تقول متى تبغى نتزوج )


    طبعا هنا انفجر أبوها من الضحك ,, والبنت صارت تضحك وأستحت وقامت تركض ودخلت البيت


    طبعا انا قلت أكيد شكلي فية شيء غلط ( قلت يمكن عقالي يضحك زي العادة 'مفتوح أقصد' ,, أو فية صرصار رايح جاي على راسي بس قلت لا بيتهم قصر وأكيد مافية صراصير )


    لما خلص ابوها ضحك قالي هاه أعجبتك البنت ؟

    كان نفسي أقول حلوة بس أخاف يذبحني ,, قلت له برسلك ردي على الجوال


    ثم أستاذنت وطلعت وأنا مدري لية يضحكون !! لين هي علمتني لية


    بس بجد ياناس مجلسهم ماشاء الله كبير ومترامي الأطراف لدرجة انو

    المسافة الي بيني وبين طاولة الشاي تقريبا مساحة ثلاجة


    >>>> يبي يصرف عشان لاتموتون من الضحك

    انتهت طبعا القصه يمكن تكون مفبركه
     
  2. العاشق

    العاشق عضو مميز

    التسجيل:
    ‏18 يناير 2009
    المشاركات:
    14,324
    عدد الإعجابات:
    557
    مكان الإقامة:
    هنا
    والله ضحكت ن قلب 00 هذا اهبل حده اجل بليلة الدخله شيبي يسوي :p;)
     
  3. بنوتهـ كيوتـ

    بنوتهـ كيوتـ عضو جديد

    التسجيل:
    ‏19 أغسطس 2008
    المشاركات:
    2,562
    عدد الإعجابات:
    1
    مكان الإقامة:
    {{اط !ـهر م ـكانـ بالـ !ع !ـالم}}
    ههههههههههههههههههههههه

    موتني ضحك هالاهبل :)

    تشكراتي دنيا على الموضوع :)
     
  4. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    المهم لبستهم ودخلت بوابة القصر بسيارة ودعست ورد مادريت أحسبه أسفلت طلع مسطحات خضراء

    هههههه هذا اولهاااااااااااا :)

    مشكوووووووره
     
  5. فضل

    فضل عضو مميز

    التسجيل:
    ‏25 يوليو 2008
    المشاركات:
    6,791
    عدد الإعجابات:
    98
    مكان الإقامة:
    بين السماااء والارض
    ما فيهم عاقل الا ابو الخطيبه :)
     
  6. Q8_cat

    Q8_cat عضو جديد

    التسجيل:
    ‏7 ابريل 2009
    المشاركات:
    1,598
    عدد الإعجابات:
    0
    مكان الإقامة:
    كويت
    لمهم رحت لهم البيت وقبل ما أوصل بيتهم وقفت عند محطة


    وشلت الحذاء ولبست كندرة أعزكم الله ( كنت مخبيهم آخر شيء لانهم جدد وما ابغاها تتوسخ والبنت ماشافتني لابسهم)


    تحفه يحليله ذكرني بشخص اعرفه

    شكرا حبوبه ضحكتيني والله :)
     
  7. عبد المعين

    عبد المعين عضو جديد

    التسجيل:
    ‏24 مايو 2009
    المشاركات:
    372
    عدد الإعجابات:
    0
    هههههههههههههههههه

    شكرا دنيا غريبه
     
  8. سيف راكس

    سيف راكس عضو نشط

    التسجيل:
    ‏30 أغسطس 2009
    المشاركات:
    1,563
    عدد الإعجابات:
    2
    هذا معتوه مو مصدق .... مشكوره على القصه
     
  9. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,659
    عدد الإعجابات:
    25
    مكان الإقامة:
    DaMBy
    هههههههههههههههه


    شكرا
     
  10. jazah14247

    jazah14247 عضو جديد

    التسجيل:
    ‏17 مايو 2006
    المشاركات:
    828
    عدد الإعجابات:
    0
    مكان الإقامة:
    كويت السرة
    هذه اسمها ثواله تصير وتحصل دائما بس بنسب مختلفة
    تسلم على بيان نواجذي( اقصد اني اضحك )
    تحياتي
     
  11. بو_راشد

    بو_راشد عضو جديد

    التسجيل:
    ‏11 يوليو 2008
    المشاركات:
    917
    عدد الإعجابات:
    0
    مكان الإقامة:
    الكويت
    هههههههههه فعلا قصه حلوه
     
  12. " قاصد خير "

    " قاصد خير " عضو جديد

    التسجيل:
    ‏24 أكتوبر 2006
    المشاركات:
    1,614
    عدد الإعجابات:
    0
    صار فيني قرحة من كثر ملاغة القصة لاعت جبدي :p

    دنيا غريبة الله يهداج مافي قصه غيرها !!!!!!!

    لا امزح هههههههههههه
     
  13. كويتيه @

    كويتيه @ عضو نشط

    التسجيل:
    ‏30 يناير 2009
    المشاركات:
    874
    عدد الإعجابات:
    0
    مكان الإقامة:
    الكويت الغاليه
    هههههههههههه

    اعتقد هالنوعية من الشباب انقرضوا

    وين الشاب اللي يستحي من البنت !
     
  14. away1979

    away1979 عضو مميز

    التسجيل:
    ‏4 يوليو 2008
    المشاركات:
    10,919
    عدد الإعجابات:
    1,584
    مكان الإقامة:
    Kuwait
    ههههههههه هذا حده اهبل :rolleyes:

    انتم لو تعرفون شنو سويت بليلة العرس شتقولون :eek: :eek: خلني ساكت احسن :cool:

    شكرا دنياء على القصة :)
     
  15. dcnaq

    dcnaq عضو نشط

    التسجيل:
    ‏9 يونيو 2006
    المشاركات:
    882
    عدد الإعجابات:
    0


    انا استحييي ... وخدود تحمر وووويهي يقط الوان :p

    ههههههههههههههه لا قوية اتغشمر انا ان شفت بنت استانس

    اقول هيا فيه قز لووول
     
  16. دنياء غريبه

    دنياء غريبه عضو مميز

    التسجيل:
    ‏5 يناير 2009
    المشاركات:
    12,840
    عدد الإعجابات:
    686
    مكان الإقامة:
    ● فــَي قـًلـب بـًآبـآتيِ ..!ِ~}
    اهـــــــــلا وســـهلا فيكم في صفحتي

    هههههه وانتو بعد ضحكتوني بتعليقكم ;)


    نوراتو صفحتي بمروركم الكريم


    .
     
  17. JustSmile

    JustSmile عضو نشط

    التسجيل:
    ‏21 ديسمبر 2007
    المشاركات:
    498
    عدد الإعجابات:
    1
    هههههههههه

    انا ملكت ولم ار العروس حتى ليله الدخله

    ليش الاحراجاااااااااااااااااات ;)
     
  18. fabulass

    fabulass عضو جديد

    التسجيل:
    ‏17 أغسطس 2006
    المشاركات:
    2,011
    عدد الإعجابات:
    2
  19. دنياء غريبه

    دنياء غريبه عضو مميز

    التسجيل:
    ‏5 يناير 2009
    المشاركات:
    12,840
    عدد الإعجابات:
    686
    مكان الإقامة:
    ● فــَي قـًلـب بـًآبـآتيِ ..!ِ~}

    ههههه

    اجل ليش الاحراجاااااااات ها:p

    يسلموو ع مرورك بصفحتي

    .

    تشرفت بمرورك
     
  20. D.Q8

    D.Q8 عضو جديد

    التسجيل:
    ‏24 نوفمبر 2009
    المشاركات:
    66
    عدد الإعجابات:
    0
    مكان الإقامة:
    قلب أبـــوي
    هههههههههههههههههههههههههههه


    صج خبل اجل بالعرس شنو يبي يسوي

    اظاهر هي اللي بتمشيه تطلعة وتوصلة الفندق ولا البيت