مـشتـريـه بـماي عينـي ومـدلله

[أحمد ظاهر]

يا خوي احنا للحين ما عرفنا شنو هي سيارتك!!!

قول لنا شنو سيارتك حتى نقدر نساعدك وندلك ونعطيك النصيحة المناسبة

بكل الاحوال الله يسهل امرك ويفرج همك وينفس كربك

 

[airport]

نوع السياره على الخاص طال عمرك

 

[airport]

للرفع
للرفع
للرفع

 

[ابو علواو]

شنو نوع السياره يا الغالي

 

[navy_seals]

قدر الله وما شاء فعل​

قال تعالى(( وبشر الصابرين، الذين إذا أصابتهم مصيبة قالوا إن لله وإن اليه راجعون ))​

السلام عليكم طلع تقرير الوكاله وطلع الجير يحتاج تجفيد وتغيير بطيخة الجير
المشكله هي :
تأخير في تركيب الجير من الــ p الى الــ d يطول
وهذا من غيار الجير رقم 1 و رقم 2 اما 3 و4 مافيهم شي

المشاكل الي صارت معاي عند المنعطفات يبوش الجير اما اذا مشيت سيده مايبوش لانه يركب الجير على رقم واحد وعقب امشي يبدل 2 وعقب 3 عادي بدون اي مشاكل ولما اخفف عند المنعطفات يرجع الجير على الغيار رقم 2 واحيانا 1 فمايمدي يركب الجير يطول الا انا حاط ريلي على دوسة البانزين ويبوش عندي لما جربتها بردت نمره من الثالث ادوس زياده يرد 2 يبوش مايركب الجير فأتضح ان الجير يحتاج تجفيد والله المستعان
الي يقدر يفيدني بكراج زين يراسلني على الخاص
انا كلمت كراج [[ ارمني الي يشتغل ]] قالي اعطيك كفاله 3 اشهر واجفدلك البطيخه وابدلك المسننات سعره 250 دينار
وفي كراجين [النجم الثلاثي و كراج العوده ]] قالولي نعطيك كفاله 15 يوم
سعرهم 200 دينار
اما الوكاله عطوني سعر خيالي قالولي يكلف من 700 الى 950 بعد الخصم

انا شنو قتلك ولد العم..............................!!!!!!!!!!!!!!!!!​

(اولا شوف تقرير الوكاله شنو يقولون ولا تستعيل ولا تفتح القير نهائيا
وهذي المشكله يمكن تكون من أسويجات القير او الكلجات وجيك على دهن القير وشم ريحته يمكن يكون محروق وهم جيك على بطيخت القير وانا حاس قلبي من الاشياء المشكله)​

عندي واحد باكستاني او هندي
يضبطك وراح تدعيلي​

 

[airport]

ماشالله عليك
والله انا قعد اشوف الحين واحس اني متوهق ابدل الجير بجير امريكي او اجفد الجير مادري والله

 

[airport]

للرفع

 

[navy_seals]

بدل البطيخه ويرجع القير احسن من اول
ولا اتعور راسك
وإذا ما صار احسن من اول انا ما اعرف شي
لا اتبدل القير ولا اتجفت ولا تلعب فيع
قولهم ينزلون القير وقولهم ابي ابدل البطيخه
واخذ يديده من الاهليه

 

[navy_seals]

ونصيحه خل الشغل جدام عينك
عشان لا يطلعولك ابسوالف يقولولك كلجات ولا يبدل بطيختك ويحط مستعمله ولا يرهم مالتك الاوليه
فتح عينك عدل عليهم
وهم ان بقيت قراج دزلي رقمك على الخاص
ولا اتحاتي مو قراجي ولا لي عموله بساعدك لي وجه الله سبحانه

 

[airport]

جزاك الله الف خير طال عمرك السياره فحصتها باكثر من مكا وجزاه الله خير احمد ظاهر صاحبنا بالمنتدى طرشني لواحد فاهم ماشالله وعنده السياره وقعد يشتغل فيها الحين

 

[al-dbel]

الحمد لله على كل الاحوال
اذكر قبل فترة بالجريدة فريج كامل في صليبيخات مشتكين على واحد من جيرانهم
والسبب انه يصكهم عين ...والله بلشه هالعين
عاد تتوقعون ان احد يقاضيه ...! عجايب
اخوي ان شاء الله ماعليها خلاف سيارتك واعمل مثل واحد من الربع
اذا اشترى سيارة سنعه دخن فيها ((حرمل))وكسر اربع بيضات على الرنجات
عاد مادري هو هبل والا صج يبعد العيون

يالوايلي قل لخويك يخاف ربة الحافظ الله مو 4 بيضات وحرمل العين حق والتحصن بأذكار الصباح والمساء اخير وابرك لا والبعض من المتخلفين يذبح دجاج علي الرنجات صج ناس امعة وخوارج

 

[ابو علواو]

اخوي ليش ما ذكرت نوع الموتر لنا

 

[ابوعامر]

كهرباء والله اعلم

 

[bo hazm]

صاحب السياره
عباله اسم السياره عوره
مو راضي يقول

 

[heart]

اخوي بعد محطه المغرب العربي وانت داش شارع كندادراي في كراج بزاويه اللفه اسمه كراج البدور للقيرات في واحد ارمني اسمه كوكو شغله نظيف وريح بالك ويعطيك كفاله اذا صار بالموتر شي دوس في بطنه انا كنت قبل ادور الرخص طلعت غلطان دور الكراج الي شغلهم نظيف واشرط عليهم قبل لايشتغلون تجفيت القير وتبديل البطيخه كامل لانه كراج بوطقه بيقولك اشتري القطعه الفلانيه او اشتري دهن وفلتر يوفر على روحه المهم هذا انا تعاملت معاه جفتلي اكس فايف وتريل بليزر الحمدلله ماشكيت منه بشي

حط فلوسك بالشمس واقعد بالظلال

 

[محمود الشامي]

اخوي شنو نوع السياره

 

[khaled-299]

اخوي شنو نوع السياره ؟!

 

[الوالي@]

الظاهر صاحب السيارة ناسي اسمها بس يعرف جم يدفع ههههههه
اخوي انت من زود الحرص اللي فيك طق عندك القير او انك تمشي شوي شوي لين ما اخترب القير لازم السيارة تعطيها حقها علشان تعمر وياك
بعدين ماله داعي اللي كاتبة من ماي عينك شنو محد شرا سيارة الا انت ترا محد يحسد الحلال الا راعيه بعدين ابيك تفسرلي شنو تقصد ب مد الله

 

[airport]

اخوي شنو نوع السياره ؟!

نوعها فورد كراون فكتوريا