اغـلاق المقاهـي بعـد السـاعه 12 ليـلا هل انت مع هذا القرار او ضده .. مهم لشباب الكويت

[yoyo1983]

السلام عليكم ورحمه الله وبركــاته

شلـونكم شخباركم

طبعا الكل يدري إنه اللحين القهااوي تسكر عالساعه 12 بليل

كل قهاوي الكويت وقبل كانت 24 ساعــه ..



شالو الدوواايين وسكرو القهاوي بعد ؟ باجر يمكن يطردون الواحد من غرفه نـومه

صح 12 متأخر بس في ناس يداومون الساعه 3 الفجر يقعد 11 بليل وين يروح ؟

يفتر بهالشوارع ولا يقز بالبحر وين يروحون الشباب ؟؟

اكثريه الشباب قعدتهـم بالقهاوي .. عالاقل احسن من الشوارع ووقت الفراغ !!!




هل إنت مع هالقرار ولا ضـده !!

والي مع يقول ليش والي ضد يقول ليش !!​

 

[العاشق]

أنا مع تسكير القهاوي (الشيشه) بالمره مو بس 12 بالليل ماوراها اي فائده

والزباين للاسف اطفال نصهم مع العلم ان فيه قرار مايستقبلون اقل من 21 سنه بس لا حسيب ولارقيب

شيشه دمرت صحتهم ويحطون لهم قنوات مشفره خربت دينهم وقيمهم

المفروض يحطون نوادي وساحات للرياضه قدم وسله وطائره برقابه من الدوله

عشان متقلب هواش ومشاكل مصابن00

شكرا على الموضوع

 

[NICK]

القرار صار الساعه وحده ..الايام العاديه والويكند الساعه 2


باختصار قرار ماله داعي....

وخصوصا المقاهي الي برا المناطق السكنيه ...طالما مافي ازعاج للناس

واذال عن المشاكل الاخلاقيه ..حلها ززززدوا الرقابه ....موتسكرن المقاهي

 

[انطلق2]

أنا مع تسكير القهاوي (الشيشه) بالمره مو بس 12 بالليل ماوراها اي فائده

والزباين للاسف اطفال نصهم مع العلم ان فيه قرار مايستقبلون اقل من 21 سنه بس لا حسيب ولارقيب

شيشه دمرت صحتهم ويحطون لهم قنوات مشفره خربت دينهم وقيمهم

المفروض يحطون نوادي وساحات للرياضه قدم وسله وطائره برقابه من الدوله

عشان متقلب هواش ومشاكل مصابن00

شكرا على الموضوع

كلامك 90% غلط (تقديم الشيشة تحت 21 أنا معاك فيها بس)...و هذا يدل إنك ما تؤمن بالغير.
أنا مثلاً ما أحب الشيشة و أكره القعدة بالقهاوي لكن مؤمن بأن في ناس غيري يحب الشيشة فما يصير أفرض رايي..

هذي الكويت ..بنيت على التنوع و إحترام الآخرين مهما كان الإختلاف بيني و بينهم.

 

[العاشق]

كلامك 90% غلط (تقديم الشيشة تحت 21 أنا معاك فيها بس)...و هذا يدل إنك ما تؤمن بالغير.
أنا مثلاً ما أحب الشيشة و أكره القعدة بالقهاوي لكن مؤمن بأن في ناس غيري يحب الشيشة فما يصير أفرض رايي..

هذي الكويت ..بنيت على التنوع و إحترام الآخرين مهما كان الإختلاف بيني و بينهم.

اخي انطلق 00 صراحتا مادري شلون استنتجت اني مائومن بالغير

بغظ النضر عن حبي للشيشه او كرهي اهي خطا دمر المجتمع وخصوصا الاطفال والمراهقين 00

وانا طالبت توفير بديل ناجح وصحيح لهم بدال الشيشه 00

على فكره المراهقين والاطفال يروحون الشيشه لان مكو مكان ثاني يروحله

واحترام الاخرين والتعدد 00؟ شجاب طاريه كلامي مافيه اسائه لحد نهائيا

بالعكس انا اتكلم كلام واحد حاب الخير للناس كافه وخصوصا هذي الفئه من المجتمع اطفال واولاد صغار لا يعرف مصلحته المفروض الدوله تساهم بتوجيهه وارشاده 000

اسمحلي حبيب قلبي وشكرا لك

 

[العازمي32]

الله يجزاهم خير لو يشيلون المقاهي من الكويت كله ابرك كله عفن وريحه خايسه

 

[ابوعايض]

انا مع تسكير المقاهي بالمره .... واتعجب الي طلعوا في الجرايد

الي قاعدين على الرصيف محتجين على تسكير القهاوي ويقولون

وين نروح والله عيب ....... مالك والي ماعندك اهل مو متزوج ماعندك

التزامات اسريه على فكره معرفة المقاهي والشوارع ما تدوم وضياع

في ضياع ..... شباب كل يوم على واحد يفتح دوانيته شاي اقهوه

سوالف لغاية الساعه 11 بالليل وبعدها روح البيت على ما تدخل البيت

واتسبح وتبدل وتقعد على الغنفه تسير الساعه 11.30 يدوب لمحة

حنان منك وعطف ورعايه على اهلك وعيالك


بالعربي الواحد لازم يكون على قد المسؤوليه

​

 

[مكتتب]

انا ضد تسكير القهاوي

لان الشباب مالهم متنفس غسر القهوه

وبعدين صارت افضل مكان للتجمع بعد ازالة الذوانيات

 

[جـود الكويـت]

آنا اشوف إن الموضوع المفروض ما يطبق على الكل

يعني المفروض الحكومه تاخذ موافقة الأهل ..

يعني إذا الزوج كان دعله زوجته أكيد تبي الفكه منه .. فتوافق على إنه يقعد في القهوه عسى 24 ساعه × 24 ساعه

أما إذا كان حبوب وحليو تبيه يجابلها وما يجابل هالدواوين والقهاوي ويخليها

يعني بالمختصر المفروض يسوون بطايق مثل البطاقه المدنيه لكل زوج بعد أخذ موافقة زوجته


لا أتغشمر .. بس والله الموضوع زين شين ..

زين من ناحية إنه يجبر الرياييل مجابل بيوتهم --> من وجهة نظر زوجه

شين يعني الواحد يخاف من الخراب إذا ما راحوا لا دواوين ولا قهاوي وين يروحون يعني!!

يعني بصراحه الموضوع مالي علاقه فيه بس رازه ويهيي ​

 

[جـود الكويـت]

انا مع تسكير المقاهي بالمره .... واتعجب الي طلعوا في الجرايد

الي قاعدين على الرصيف محتجين على تسكير القهاوي ويقولون

وين نروح والله عيب ....... مالك والي ماعندك اهل مو متزوج ماعندك

التزامات اسريه على فكره معرفة المقاهي والشوارع ما تدوم وضياع

في ضياع ..... شباب كل يوم على واحد يفتح دوانيته شاي اقهوه

سوالف لغاية الساعه 11 بالليل وبعدها روح البيت على ما تدخل البيت

واتسبح وتبدل وتقعد على الغنفه تسير الساعه 11.30 يدوب لمحة

حنان منك وعطف ورعايه على اهلك وعيالك


بالعربي الواحد لازم يكون على قد المسؤوليه

​

إنت 100% صح ​

 

[بو_راشد]

انا مع تسكير القهاوي الساعه 1 اولا لاسباب امنيه اي حركه بنص الليل الشرطه يقدرون يكشفونها قبل فوضه شيشه ومطاعم وزحمه اخر الليل يعني الحرامي يضيع بين هل البشر او انه ينخش في اي شيشه لما يطلع الصبح ويروح بيتهم وثانيا لازم يعلمون الشباب انه يقعد في بيته اخر الليل وترى التسكير اقل من 6 ساعات و19 ساعه مبطله يقدر ياخذ راحته ياجماعه اذاء قستوها على الحريه شوفوا الدول الاوربيه الساعه 9 تسكر لاقهاوي ولا سوق مبطل يعني احنا احسن منهم لازم يكون في ضبط الامن عندنا لي متى الفوضه

 

[Shima]

آنا اشوف إن الموضوع المفروض ما يطبق على الكل

يعني المفروض الحكومه تاخذ موافقة الأهل ..

يعني إذا الزوج كان دعله زوجته أكيد تبي الفكه منه .. فتوافق على إنه يقعد في القهوه عسى 24 ساعه × 24 ساعه

أما إذا كان حبوب وحليو تبيه يجابلها وما يجابل هالدواوين والقهاوي ويخليها

يعني بالمختصر المفروض يسوون بطايق مثل البطاقه المدنيه لكل زوج بعد أخذ موافقة زوجته


لا أتغشمر .. بس والله الموضوع زين شين ..

زين من ناحية إنه يجبر الرياييل مجابل بيوتهم --> من وجهة نظر زوجه

شين يعني الواحد يخاف من الخراب إذا ما راحوا لا دواوين ولا قهاوي وين يروحون يعني!!

يعني بصراحه الموضوع مالي علاقه فيه بس رازه ويهيي ​

لابيه خل يسكرون هالمقاهي مامنها فايده شرها اعم واطم ,,
اما عن هالزوج الدعله يفتح بيت ثاني ويتزوج وبجذيه ترتاح منه الاولى ماعليج الثانيه بتربيه ,,,,

 

[جـود الكويـت]

لابيه خل يسكرون هالمقاهي مامنها فايده شرها اعم واطم ,,
اما عن هالزوج الدعله يفتح بيت ثاني ويتزوج وبجذيه ترتاح منه الاولى ماعليج الثانيه بتربيه ,,,,

ههههه لا يبا المقاهي أرحم من الزوجه الثانيه .. دام جذي السالفه آنا ضد إغلاق المقاهي هههه​

 

[away1979]

انا مع القرار وبشده ::verymad::

لأن القهاوي ماوراها إلا المصايب والخراب ​

 

[ابن التوحيد]

انا مع القرار

لأن القهاوي أصبحت مرتع لأفساد الشباب و أشوف أن الشباب يقعد بالديوانية أفضل

 

[خدمة الشعب]

انا ضد القرار

مع اني ماادخن بس وين يروحون الشباب ؟

وبما ان الحكومه تدخلت بنوايا الشباب وقالوا ان المقاهي فيها مشاكل

انا بعد بأدخل بنوايا الحكومه و اقول :

ان القرار وراه مصلحه احد المتنفذين واكيد عنده محلات لبيع الشّيَشْ والمعسل ويبي يبيع ويشغّل محلاته !!

نفس موضوع ( طفايات الحريق - وسماعات التلفونات ) بالأخير طلع واحد متنفذ يبي يصرّف بضاعته !!​

 

[Twin-turbo]

القرار غير عادل

ومو مطبق للكل ...يعني في قهاوي تبطل 24 ساعه .... وقهاوي المساكين تصكر الساعه 1 و 2


معنات هالكلام ..مثل ماقال اخوي (خدمة الشعب) بالضبط


وبعدين لو في مكان غير القهوة يبطل لي الساعه 2 ...جان رحناله

والقرار هذا حسسني انه الكويت دوله سياحيه وكل شي فيها مشالله ..وحتى لو صكرو المقاهي في بدايل حق الشباب


تدرون شنو الي ناقص ... انه يطلعون قرار ( ممنوع تطلع برى بيتك بعد الساعه 12 او 1 )


الحين من كثر الملل ..الشباب يتهاوشون عشان خزه بس ...والله يستر بعد القرار شراح يصير

على قولت دكتورنه (مع الايام ....الشباب راح يتهاوشون عشان واحد سب الثاني فباله )



يعطيك العافية على الموضوع