█ █◄حتى لا تكون ضحية للايفون iphone ►█ █

الحالة
موضوع مغلق

المعلم فهد

عضو نشط
التسجيل
10 سبتمبر 2009
المشاركات
544
يا اخواني الايفون الي بس شغال في امريكا اقدر افتحه في الكويت ابي احد يفيدني وله الشكر مع العلم هو اخر فرجن ومن شركة ابل
 

ABo al-Noor

عضو نشط
التسجيل
9 فبراير 2009
المشاركات
670
السلام عليكم ورحمه الله وبركاته

كلامك صحيح اخي الكريم .

الي مهتم بالبرامج لمكركه يدور الفيرجن 3.0 او 3.0.1 وبس اهم الي لي الحين تقدر تسويلهم جلبريك
ونصيحه لحد يسوي ابجريد للفيرجن الجديد 3.1 لانه مافي جلبريك من الديف تيم معلن ولا برامج داونجريد للبيس باند وان شاءالله راح ينزل الجلبريك الجديد بأسم جرين بويزن وهو (السم الاخضر على قولتهم)

وجزاك الله خير يالغالي على الموضوع المهم جداً.

يعطيك الف عافيه ومشكور وماقصرت على التوضيح والله مانغيرك ماكان نعرفا الشغلات هذي :>؛<:

أخوي احتياجات الناس تختلف .. وانت تشوف شي وغيرك يشوف شي ثاني .

تدري انه بدون جيلبريك ما تقدر تسوي أي download من الـ iphone حق أي ملف ؟ سواء كان mp3 أو غيره ؟ .. قولي مو لازم داونلود بعد ؟

في برنامج اسمه ifile وهو عبارة عن مدير ملفات يطلعلك ملفات وفولدرات الجهاز وغيره نفس جهاز الكمبيوتر بس حق الـ iphone .. هم هذا مو مهم ؟

تدري انه بدون الـجيلبريك ما تقدر تحط نغمة mp3 ؟ لازم تحولها بالأول ؟

البلوتوث والخرايط كانوا مجرد مثال .. الآيفون ناقصته شغلات كثيرة ما تنزل إلا مع الجيلبريك

وشاكرلك مرورك

اخوي ادري ان الجيل بريك له فايده واغلبيه الناس تسوي جيل بريك عشان ال multitasking والبرامج الغير مصرحه من ابل لعده اسباب وانا ماقلت لحد يسوي جيل بريك

بس انا اشوف ان اذا واحد يشتري ايفون عشان الاشياء هذي he is doing it wrong
الايفون مو متصمم للشغلات هذي في الف تلفون ثاني ارخص وافضل من الناحيه هذي اذا الواحد يبي بلوتوث وخرايط ونغمه mp3 (بالله قولي جم مره تغير نغمتك ويا سهاله تغير الملف يعني واحد يشتري ايفون ويحول فيديوات والخ مايعرف يحول فايل صوت؟)

مشكله الناس ان اغلبيه الوقت يبون كل شي يكون متوفر عناد ومايستعملونه يعني واحد يستعمل ايفون بهد الكومبيوتر ويسوي دانولود لملفات من الايفون ماعنده سالفه

بدال كل الحوسه هذي اشتري ايفون+تلفون اخر خصوصا ان البطاريه للايفون بالعربي "سكه" ماتتحمل كل الشغل هذا افضل الف مره من ايفون واحد متهكر

لو كانت الشغله سهله كان نصحت فيها لكن ابل قاعده عناد تقول بخرب الاجهزه الي مسويه جيل بريك وكل وقت عن وقت يزيد عنادهم ويحاولون باي طريقه بتلفون الجهاز والجهاز ماهو رخيص عشان تغامر

وفوق هذا مثل ماقلت شوف التحديث الاخير يعني الي حطيت مزاياه
مزاياه بروحه تبيع مزايا الجل بريك

يعني حمايه افضل للجهاز ماتنباق معلوماتك (واساسا اصلا هذا سبب من اسباب تقفيل البلوتوث اجهزه النوكيا رايحه فيها بسبه البلوتوث في برامج يبوقون صور تلفونك وانت ماتدري)

تسريع الوايرليس
تسريع الجهاز والتشغيل
تحسين الاستقبال للتلفون يعني ماراح يفصل وايد
تقدر ترتب الhome screen عن طريق ال itunes
تقويه جوده الصوت للاغاني والخ
تقويه حمايه متصفح سفاري
جينيس ميكسيس
تصليح كل الاعطال والbugs
والخ

اذا واحد يبي جيل بريك يسوي جيل بريك
بس اذا واحد مايحتاج بس يبي يسوي جيل بريك منظر يبتعد عنه ابرك له ويتمتع بالاشياء الرسميه وبراحه بال ومايخاف جهازه يتقفل والخ

يا اخ hsn22
لو اتشوف المزايا اللي انت حاطهم ملوت ال 3.1 راح اتلاحظ انها فقط تحسين أداء
يعني مثل زيادة قوة الوايرلس و معالجة بعض المعلومات و أشياء تعتبر طفيفة
و ترى ال 3.1 مع الجيلبريك موجود فيه هالمزايا
لكن الجيلبريك يسويلك وااايد أشياء ما تقدر اتسويها بالتحديث الرسمي مثل :

1- الالعاب و البرامج : وهذا أحلى شي بالآيفون و مع التحديث الرسمي لازم تشتري بفلوسك و لا تنسى ان سعر اللعبة او البرنامج يتراوح ما بين دولار إلى 10 دولار
و ترى 10 دولار على لعبة مو شوية
و إذا بتشتري كله اصلي راح اتقط على الجهاز وايد فلوس و انت مو معقوله ما تحتاج او ما تبي وايد برامج
آنه كل شهر ايي ببالي تقريبا 15 برنامج و لعبة و أنزلهم و اجربهم و استانس فيهم
لو كنت بشتريهم اصلي جان شريت يمكن بس 3 برامج و 4 العاب تقريبا
و هالجم برنامج يمكن يطلعون علي 12 او 13 دينار يعني خلني على المكرك احسن

2- الخرائط : و هذا بالنسبة للبعض مهم جدا و في منهم يستخدم هالشي استخدام شبه يومي او ناس وايد يسافرون

3- البلوتوث : البلوتوث يعتبر وايد مهم و تقدر منه اتدز اللي تبيه حق اي جهاز سواء كان ( اغنية , صورة , فيديو , ملف , ....الخ )
يعني تقدر اتخلي الآيفون كفلاش

و بالنسبة للكامره انت تقول عنها مو شي
آنه سويت مقارنه بينها وبين كامرة تلفون 5 ميجا بكسل و طلعت صورة كامرة الآيفون أوضح
ترى صح اهي 2 ميجا لكن فيها نقاوه وبالعكس اشوفها زينه
و إذا بتعرف اهي واضحة ولا لأ نزلها على الكمبيوتر و كبرها وراح اتشوف وضوحها إلا إذا كانت كامرتك فيها شي

و بالنسبة لنقطة البطارية انها على قولتك (سكة )
شوف هالصور و عطني رايك :

batterylifecart.jpg



competitivedatachart.jpg


و آنا بالنسبة لي أفضل بطارية تلفون اهي بطارية الآيفون
و الكلام اللي قلته من وجهة نظري و تجربتي

اخوي انا ماقلت بطاريه الايفون "الاسوء" قلت مجرد انها سكه في وايد تلفونات بطاريتهم افضل بوايد + الايفون مشغل اغاني+انترنت+تلفون بطاريته تطير بسرعه خصوصا اذا شغلت الوايرليس + القائمه الي يبتها مضروبه اكو واحد يحط نوكيا ويقارن؟ نوكيا عندها اسوء بطاريات بالتاريخ قارن مع تلفونات سوني اريكسون او بعض تلفونات سامسونج بطاريتهم فوق دبل الايفون

اذا الواحد اذا يبي يهكر وعارف شغله ليش لا؟ يقدر يحصل على الاشياء الرسميه+التهكير في نفس الوقت اذا ينطر شوي بعد كل ابديت لكن اغلبيه الناس ماتبي تغامر واصلا ماتبي تدش بالحوسه هذي يدرس منهج كامل عشان يتعامل مع تلفون؟ خله على الرسمي ابرك مثلا شوف الرد هذا




+ بالنسبه للكامره..... ياحبيبي ا3g حتى focus مافيه للكاميره ومايصور فيديو بدون تهكير والخ وبدون فلاش و2 ميجا لل3gs تترقع شوي لكن للاثنين الي قبلهم الكاميره ماتنبلع

بس حبيت اضيف نقطه مهمة أن الجهاز إذا كان official unlocked مستحيل يقفل للأبد مثل ما قالوا الشباب. ممكن يقفل إي. بس تسويله ريستور من الايتونز ويرجع زي الفل وشغال 100% بعد الاكتيفيشن من نفس الايتونز مهما كنت لاعب فيه سواء جيلبريك ولا غيره

بس اللي عنده مقفول على شركة معينة مثل الاجهزة اللي اييبونهم من امريكا هالجماعة الله يعينهم اذا سووا ابديت للـ 3.1 من الاي تونز لأنه ماكو انلوك حقه لي الحين.

ومشكورين

عفوًا أخوي معلومتك خاطئه .. اذا كان officially unlocked وفيرجن البسيباند 5 وأحدث وسويتله داونجريد لي فيرجن 3.0 راح يقفل وياك .. انا صارت وياي والمعلومة موجودة بموقع الفريق الرسمي لعمل الجيلبريك http://blog.iphone-dev.org/

تقدر تتأكد بنفسك ..

انا سويت ريستور من الآيتونز مليون مره حق أكثر من فيرجن وما نفع ليما يأست ورجعت الجهاز.

الريستور من الآيتونز بس يسوي ريستور حق التلفون .. مو حق البيسباند!

واذا انت متأكد من كلامك أنا توني شاري جهاز يديد officially unlocked اذا سويتله داونجريد وقفل معاي .. تعطيني فلوس الجهاز ؟

المثل يقول اسأل امجرب ولا تسأل طبيب .. وانا مجرب + انا وايد أقرى بالمواقع الأجنبية وأحب أفهم كل شي وعندي خبرة بالكمبيوتر والتلفونات + عندي موقع تلفونات خاص فيني يعني ماني عليمي بهالمجال ..

فرجاءً منعًا للاحراج وحتى لا نربك القراء .. اللي مو متأكد من معلومة لا يقولها.

وأتشرف بمرورك يالغالي وأتمنى ما تزعل من كلامي

حبوب انا امس شاري تلفون من هاتف 2000... واهوا حطوا بلأعلان انة officially unlocked ورحت شريته بس شلون اعرف اذا مفتوح رسمي ولا لا ياليت تعلمني والمشكله اني يوم اخذته ووصلت البيت شغلته ماكن في شحن ..يوم شحنته وبطلته اشتغل عادي بس كان عربي مو انكليزي ,... يعني متعبثين فيه من قبل... بس الله يخليك علمني شلون اتأأأأأكد ...يرجى الرد سريع جدا ........

اسهل طريقه تعرف دام عندك كفاله اعتقد على الاقل اسبوع يعطون وانت شاريه امس
دش itunes وسو update للايفون

اذا الجهاز قفل (يشتغل لكن ماتقدر تتكلم او تستقبل فيه مكالمات يصير كانه ايبود = مو رسمي
اذا الجهاز ظل شغال بعد التحديث = رسمي 100%

حاليا اخر ابديت 3.1 ماله تهكير

انزين انا تأكدت انه مفتوووح رسمي وسويتلي حساب بلأيتونس بس شنو الأفضل اني انزله برامج من الأيتونس اللي اشتريهم ولا اسويله جلبريك ونزل برنامج بشنو تنصحني للأن انا بصراحه اول مرة استعمل ايفون وماعرفله عدل وابي نصايح منك ياخووووي.......؟ انصحني بكل شي...؟ ومشكور ماقصرت على الرد

أخوي قبل لا تحتار في مسئلة "أسوي جيل بريك ولا لأ؟"
روح عالـ settings > generals > about > version

إذا كان الفيرجن 3.1 فماتقدر تسوي جيل بريك أساسًا .. ومبروك عالجهاز

تنبيه! قامت apple أمس بإصدار فيرجن جديد وهو 3.1.2 .. لأصحاب الجيل بريك ( لا تسوون update )

السلام عليكم

الاصدار الجديد 3.1.2 متوفر له جيلبريك للاجهزة المفتوحة رسمي فقط

انا بنفسي مجرب وشغال تمام التمام.


معلومات وايد مفيده

واهم شي انه الحين صار في جلبريك للفيرجن الجديد
 

_fhd

عضو نشط
التسجيل
25 سبتمبر 2008
المشاركات
181
يا زين النوكيا بس ...من عمر الدنيا التلفونات نوكيا ....
 

RichMan

عضو نشط
التسجيل
20 يناير 2004
المشاركات
479
الإقامة
Q8
الجهاز الاصلي تركب عليه شريحتين والا بس الصيني ؟

شكرا,,
 
الحالة
موضوع مغلق
أعلى