الموضوع مصخ وطلع عن حده

الموضوع في 'اعلانات العقار' بواسطة خسران جداً, بتاريخ ‏20 أكتوبر 2009.

حالة الموضوع:
مغلق
  1. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    بسم الله الرحمن الرحيم

    ياجماعه انا بفهم شي واحد..اراضي القرين من الاساس ملك منو؟ هل اهي ملك شخص معين وشلون ملكها؟ وعلى اي اساس؟ وضع اليد يعني؟ شكثر ناس ردوهم وماعوضوهم بحلالهم لانها بحكم وضع اليد. يا جماعه انا والله ما ادري منو المالك لكن الموضوع مصخ ملينا...يعني الحين اللي انا عرفته ان الدوله معطيه بعض التجار الاراضي على شان يسوون البنيه التحتيه على حسابهم ويبيعونها على المواطنين بإستفاده ..اوكي انا بتكلم عن المواطنين..خل يستفيدون منا راضين بس مو بهالطريقه وهالمبلغ..والله ياجماعه مو قادرين نلحق معاهم انا بس ودي اعرف منو اللي قادر يشتري وشنو سوى على شان يشتري؟ يا بايق يا مقترض ومتنتف (طبعاً ما اتكلم عن الطبقه الراقيه بالبلد لان حتى لو سعرها غالي مو فارقه وياهم).
    الحين الحكومه لا هي قادره تدبر للمواطنين مساكن ولا قادره تتحكم بالاسعار وبس تعطينا اراضي بعيده عن الديره. وقاعده تبعدنا كثر ما تقدر ويشتتونا:( مايصير جذي:( نبي تدخل قوي من الحكومه تحسسنا يالمواطنين ان في احد ورانا. يعني لا شفنا مناطق جديده ولا شفنا تدخل يرد هالاسعار الناريه. واهي الحين ما وقفت بس على اسعار الاراضي..حتى البنيان غالي..وين وزير التجاره عن هالامور؟ والله يا جماعة الخير ودي ان الامور تنحل.. و ودي اعرف منو السبب في ارتفاع الاسعار بهالطريقه؟

    اللي بيقولي شي واقعي ان ترتفع الاسعار بقوله كلامك عين العقل وانا راضي بالارتفاع..بس مو اللي ب120 يصير ب180..خل يرتفع 130..140.. شي معقول..بس ارتفاع 60 اللف هذا شي غير معقول ولا يقبله لا العقل ولا المنطق واظن حتى الحكومه ما تقبله

    لكن ما اقول الا يا عسى خير بنشوف
     
  2. بو عمر77

    بو عمر77 عضو جديد

    التسجيل:
    ‏15 يوليو 2009
    المشاركات:
    484
    عدد الإعجابات:
    0
    الله كريم أخوي وإن شاء الله خير ، دوام الحال من المحال ، والله يرزقك ويوفقك
     
  3. الأبطح

    الأبطح عضو نشط

    التسجيل:
    ‏17 ديسمبر 2007
    المشاركات:
    405
    عدد الإعجابات:
    1
    (الدوله معطيه بعض التجار الاراضي على شان يسوون البنيه التحتيه على حسابهم ويبيعونها على المواطنين )
    هذي بوفطيرة الحرفية فقطططططططط

    اما المسيلة وابوفطيرة السكنية والفنيطيس فهي بدل.
    الدولة اعادت تنظيم المناطق ووزعتها على ملاك المزارع السابقين
    بنفس المنطقة مع خصم بعض المساحات لحساب الخدمات
     
  4. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    اخوي الي قاعدين يشترون وتسأل شلون يشترون انا اقولك شلون وبعطيك امثله حقيقيه
    1- هو ماخذ 50 ألف و زوجته 40 ألف والحكومه 70 الف و ابوه مساعده 10 الاف و تحويشه هو و زوجته 10 الاف المجموع = 180 ألف
    2- واحد ماخذ 50 ألف والحكومه 70 الف ومحوش 10 الاف وطالع له ورث من ابوه أو امه 80 الف المجموع = 220 الف
    3- الابو يقط 50 والحكومه 70 ويخليه 2 من عياله كل واحد ياخذ قرض 20 الف 20 الف وزوجته 20 الف المجموع 180 الف ويخلي 2 من عياله الي قطوا فلوس كل واحد شقه ويتزوج ويقعد فيها

    تقريبا في وايد على هل طقه ويشترون البيت بالراحه لكن ان كنت متوقع الواحد محوش له 200 الف انسسسسسسسى
     
  5. L.yan

    L.yan عضو نشط

    التسجيل:
    ‏2 ابريل 2007
    المشاركات:
    893
    عدد الإعجابات:
    18
    هذه أراضي ومزارع وبيوت قديمة تم تثمينها من قبل وزارة التجارة وإعادة رسم مخططها الجديد وتم بيعها بالمزاد بلوكات كبيرة والتاجر يشتري ويقسم البلوك ويبيع قطع أراضي صغيرة .
    أرجو أن تكون الفكرة واضحة ولاتخاف الكويت مافيها لعب وغش وبلد الحمدلله كلها خير وفيها قانون ومجلس أمه يراغب وديوان محاسبة وحتى التجار يخافون من المال الحرام ويتحرون الحلال طمن قلبك وصف النية ولا تتعب نفسك بأوهام مالها أساس .
     
  6. look4lands

    look4lands عضو جديد

    التسجيل:
    ‏17 أكتوبر 2009
    المشاركات:
    99
    عدد الإعجابات:
    0
    الحين مملوكة من مواطنين و لا للحين تجار و شركات؟ و شلون نعرف نسبة تملك الشركات فيها؟ هذا السؤال المهم لان راح تنطبق عليهم الرسوم السنوية قريبا بس اذا معظم الملاك حاليا مواطنين ما راح يأثر القانون على الأسعار

    انا سمعت ان بيت التمويل للحين يملك نصهم صج هالكلام؟؟
     
  7. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    انزين الحين الحكومه تعاني من مشكله اسكانيه ليش تروح تعطيهم هالاراضي؟ وليش باعتلهم من الاساس؟؟؟؟ انزين خل تتدخل الحكومه بهالمشكله اللي صايره بالديره...ماشفنا منها شي؟ صارلها ثلاث او اربع سنين...والا ارض واحد يشتريها بالمزاد على قولة اخونا ب30 الف ويبيعها ب130 ..مايصير هالكلام..نبي تدخل من الحكومه والا شحقه حاطين حكومه و وزراء؟؟؟؟ ما شفنا شي منهم يصف بمصلحة المواطن..خصوصاً التشكيل الجديد. ما شفنا غير لجنة الازالات اللي كسرت بيوت خلق الله..يعني الناس تبني بالدول المجاوره وعندنا يكسرون ويهدمون...ياخي خل يساعدونا في التنمه والبنيان مايصير جذي :(
     
  8. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    للرفع
     
  9. الدهليز

    الدهليز عضو جديد

    التسجيل:
    ‏27 يونيو 2009
    المشاركات:
    155
    عدد الإعجابات:
    0
    اذا تقصد اراضي القرين اللي حاليا موقعها شرررق القرين
    هذي ملك لهل الكويت كانت مزارع وبيوت وانا شخصيا اجرت فيها حوالي 17 سنه..... وسنة 2001 قالي صاحب البيت انا ثمنت بيتي وكان المبلغ بسيط جدا وبالاصح كان العقار ميت ميت بالمره وتثمن ب 55 الف دينار مساحته 424 متر مربع... وقالوا له تبي تثمن او تنطر نسوي مخطط ونوزع لك على حسب المخطط يعني تدش قرعه او اتبيع الحين والرجال باع بالمبلغ اللي ذكرت ... انا صاير معاي هالشي مو كلام افلان وعلان
     
حالة الموضوع:
مغلق