قرار يديد من الجمارك انصدمــــــــــــــــــــــــــووووووو

[kuwaitbutterfly]

شكراً لاختياركم ارامكس كشريك للنقل،

يرجى العلم بأنه تم ابلاغنا مؤخراً من قبل الإدارة العامة للجمارك بأن جميع الشحنات ستخضع للترسيم الجمركي لحظة وصولها مطار الكويت الدولي فيما عدا الوثائق والرسائل الورقية، وستقوم شركة ارامكس بتقديم خدمة التخليص الجمركي لعملائها الكرام ولكن لن نستطيع اعلامكم بالمدة اللازمة لهذا التخليص والتي من الممكن أن تزيد عن خمسة أيام عمل، لذلك فإن شركة ارامكس تنصح عملائها الكرام الراغبين بتخليص جمركي سريع أن يستلموا الوثائق الخاصة بشحناتهم من مكتب شركة ارامكس الكائن بمنطقة العارضية والعمل على تخليصها لدى إدارة الجمارك.



لمزيد من المعلومات أو الاستفسار، يرجى الاتصال على رقم هاتف الشركة +965 1820011



هذا، وتفضلوا بقبول فائق التقدير والاحترام،،،


طبعا 3 ارباع شحناتي حاجزين عليهم وكلهم اغراض شخصيه موتجاره

كلمتهم

قالي الموظف القرار توه طالع اليوم ومطبق على كل شركات الشحن

حسبوا معاي:

راح ياخذون:

10 دنانير ارضيه مهما كانت الشحنه حتى لو شي شخصي
+
3 دنانير طوابع
+
5% من قيمة الفاتوره
+
وزن ارامكس نفسهم
+

وغير اذا تبون ارامكس يخلصولكم الموضوع اتوقع ياخذون 5-10 دنانير



موخوش خبر

 

[almutawa3]

اخوي أنا صارت معاي هالحركه من قبل مع ارامكس وفعلا دفعت ارضيه ورسوم ثانيه ما اذكر بس اللى عرفته ان يتم حجز ربع الشحنات الواصله وانت وحظك يعنى اما تكون شحنتك مع المحجوز او لأ ؟

 

[cherish]

انا صارت معاي مرة وخذوا ما يقارب 45-50 يعني ما تسوى عليج تطلبين شغلتين الا صكوج بهالمبالغ .. لان التجار خسروا خاصه بعد طلع قانون ان مافي شي اسمه احتكار وكاله الكل اييب من برة فا شي متوقع يا جماعه .. اشوة ما طلبت شي و خلاص هونت ماني طالبه شي .. ضاق خلقي و الله

المطوع .. الحين الظاهر راح يتم حجز كل الشحنات مو الربع بس يعني الكل يدفع مدام اراميكس قايله هالحجي يعني شي يديد وعلى الكل طلبت سياره و الا ساعه .. الله يعينكم يالتجار الصغار

 

[kuwaitbutterfly]

بس هالقرار مو على التجار على الكل قالي


لو تطلب شي واحد

ماله شغل الكميه


والقرار صدر اليوم

 

[العباسي]

ما شاء الله نسير بخطى ثابته نحو جعل الكويت مركز تجاري عالمي

الناس تطور من انظمتها ونحن نتراجع ...

 

[Taekwondo]

تبون الحل حق التجار؟ الواحد يشتري منهم شغلات يكون سعرها على 10 دنانير مثلا ويحط بسطه جدام محلهم ويبيع هالشي على دينار خساره خساره بس اكسر سوقهم لووول

 

[z71_999]

الكل قام يطلب اغراضه من النت
واعضاء غرفة التجارة الميليارديرية مو عاجبهم الوضع

 

[p4p]

اكيد مو عاجبهم الوضع لان لهم مخازن بالميناء محاوطينها بوضع اليد من غير رسوم ولابطيخ تقدر تقول تبادل مصالح و مصفوطيات حق ربعهم واحنا لنا الله نجي وندفع رسوم ارضيه واجار وبالاخير تطلع علينا الشغله الي طالبينها من بره ارخص من اجار ورسوم وطوابع الجمارك والشركات مثل ارامكس وغيرها
ويبون البلد تتطور انطرني... تحياتي...........

 

[نعم1000]

ناقص فلوس
يبي يكملون بناء مسيد يمكن

 

[ostath]

من ثلاث ايام طالب اغراض بحدود ال300دينار لا و من لندن و امريكا و على حضي طلع القرار الحين يعني بي دفعوني بحدود الال50دينار ...المفروض يفرقون بين الاستخدام الشخصي و التجاره..

 

[general]

السلام عليكم

رفيجي مسئول كبير بالجمارك (المطار) فعلا القرار صحيح وللعلم القرار يطبق على الشحن الجوي والبري والبحري , والتكاليف الي ذكرتوها صحيحه 50 الى 60 دينار راح يكلفكم الموضوع , والقرار يشمل حتى الطلبات الشخصية يعني مو شرط تتجار فيهم أي شي تستوردونه يخضع لهل قرار ,
وشكرا لكم

 

[cherish]

مو قلت لكم القرار فيه منفعه للتجار بالاول و الاخير يعني انت يا مواطن احرق نفسك بغاااااااز ومساله تحدي تطلبون من برة ارخص ؟؟ يالله الحين خنشوف اشلون تطلبون من برة !! يبه لنا الله والتجار ما شبعوا فلوس بعد ما شبعوا بوق ما شبعوا استغلال .. و كله على راس منوا العبد الفقير اللي يطلبله جم شغله و يقطعون رزقته .. حسبي الله و نعم الوكيل ... ولا عزاء لكم يا التجار الصغار .. بهاليوم الفضيل انقول عسى ربي ان يفتح لنا و لكم ابواب رزقه من حيث لا ندري ولا نحتسب قولوا امين .. حتى اراميكس اتقول ان شركتنا بتخسر الزباين و بالتالي الخسارة بتكون عليها كبيره .. يعني وين انروح؟ شنسوي؟؟ انا بتاكد من شغله في بالي و لي رجعه للموضوع وسامحونا على الاطاله

 

[الصدق منجاة]

تبون الحل حق التجار؟ الواحد يشتري منهم شغلات يكون سعرها على 10 دنانير مثلا ويحط بسطه جدام محلهم ويبيع هالشي على دينار خساره خساره بس اكسر سوقهم لووول

هههههههههههه نفس التاجر يطلع من محله ويشتريها منك