هل لديك أو لدى غيرك شركة وتريد تسجلها في دعم العمالة

الموضوع في 'الوظائف والأعمال التجاريه' بواسطة general, بتاريخ ‏22 أكتوبر 2009.

حالة الموضوع:
مغلق
  1. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    بسم الله الرحمن الرحيم​

    السلام عليكم

    خطوات تسجيل الشركة أول مرة في التأمينات الاجتماعية والموظف :
    1- الذهاب للمؤسسة العامة للتأمينات الإجتماعية و إستلام ظرف لتسجيل الشركة .
    2- تعبئة أوراق الظرف مع إرفاق الأوراق المطلوبة (موجودة بالظرف) .
    3- عند تعبئة الأوراق يجب عليك تسجيل موظف كويتي واحد على الأقل .
    4- الإنتظار 14 يوم ومن ثم الذهاب إلى المؤسسة العامة للتأمينات الإجتماعية وطلب شهادة لمن يهمة الأمر (للتأكد تم تسجيل إسم الموظف) اذا تم تسجيل الموظف يعني تم تسجيل الشركة .
    5- الاتصال على دعم العمالة الوطنية 103 وإختيار الرد الالي ووضع الرقم المدني وإختيار العلاوة الإجتماعية , وحفظ يوم الموعد للمراجعة .
    6- لحين يصل الموعد يجب عليك استغلال الوقت لتجهيز طلبات دعم العمالة الوطنية .
    7- عمل عقد العمل وشهادة لمن يهمة الأمر وشهادة الراتب .
    8- الذهاب مبكرا ً لدعم العمالة الوطنية (يوم الموعد) وتقديم الطلبات والانتظار شهرين لحين نزول الراتب (بأثر رجعي) .
    9- يوم الموعد إذا واجهت أخطاء بالأوراق قم بعمل أو تعبئة النواقص والذهاب لدعم العمالة يوم التالي دون أخذ موعد جديد (بعد شهر) وذكر للموظفين أن الموعد كان قبل أيام و الآن أوراقك جاهزة حتى يعفيك من اعطاءك موعد (بعد شهر) وينجز المعاملة نفس اليوم .

    خطوات تحويل من شركة إلى أخرى لدعم العمالة والتأمينات :
    1- الذهاب للتأمينات الاجتماعية وطلب إشعار (رقم 103 لإنهاء الخدمة من لديهم) وتعبئة البيانات , و عمل كتاب إنهاء خدمة من الشركة موجه للتأمينات الاجتماعية وتقديمها للتأمينات الاجتماعية .
    2- الانتظار 14 يوم ليتم إزالة إسمك من التأمينات ومن ثم طلب إشعار 103 لتسجيل موظف , وعمل كتاب من الشركة الجديدة موجة للتأمينات + صورة الجنسية +صورة البطاقة المدنية + صورة الجنسية .
    3- الاتصال على دعم العمالة واخذ موعد وتقديم الطلبات (نفس طلبات التقديم اعلاه) .

    و أي استفسار أنا حاضر , ويرجى إستغلال المعلومات أعلاه للتوظيف الحقيقي وليس الوهمي أملا منا لمشاركة العمالة الكويتية في بناء بيئة إقتصادية , و أي سوء استغلال للمعلومات لا أتحمل مسئوليتها القانونية نهائيا وهذا شي راجع لكم .
     
  2. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    للرفع
     
  3. ace-q8

    ace-q8 عضو نشط

    التسجيل:
    ‏22 مارس 2009
    المشاركات:
    210
    عدد الإعجابات:
    0
    تسلم اخوي على المعلومات القيمة
     
  4. فهد الرشيدي_28

    فهد الرشيدي_28 موقوف

    التسجيل:
    ‏8 أكتوبر 2005
    المشاركات:
    132
    عدد الإعجابات:
    0
    يعطيك العافية اخوووي
    انا عندي استفسار ؟؟؟؟؟؟؟
    انا عندي محل بأسمي واشتغل فية اقدر اخذ علية دعم العمالة
    واذا اقدر شنو يبون مني من اوراق ومستندات
    وشاكرلك
     
  5. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    اخوي اول سؤال بسألك ياه شنو شهادتك ان كانت شهادتك ثانوي وما دون ما انصحك تسجل رخصتك الفرديه في التأمينات والحصول على دعم العماله لاسباب ماله داعي اذكرها , الافضل لك تسجل نفسك على شركه وتشتغل فيها
    لكن ان كنت مصمم تبي تسجل رخصتك الفرديه بالتأمينات ودعم العماله فأمش على الخطوات الي كتبتها لك ومن ضمن الطلبات الي يطلبونها منك اهم حاطين لك ورقه فيها الطلبات الي يبونها في ظرف التأمينات (الي المفروض اول مره تروح لهم وتقول بسجل رخصه فرديه (انت كنت رخصه فرديه) وبتسجل شركه (ان كان في شركاء) واهم بعطونك الظرف المخصص وتمشي على الطلبات المذكوره فيه والله يعينك يبي لك جم روحه و ييه للتأمينات :)
     
  6. om dodi

    om dodi عضو جديد

    التسجيل:
    ‏26 سبتمبر 2009
    المشاركات:
    619
    عدد الإعجابات:
    0
    يسلمو بوعقيل
     
  7. العسكري

    العسكري عضو نشط

    التسجيل:
    ‏27 يوليو 2009
    المشاركات:
    163
    عدد الإعجابات:
    0
    يعطيك العافيه
    زين اذى ابي اطلع من شركة وبصير بشركة ثانيه
    لان الشركة الاولى تسكرت عليها قضيه
    ولحد الحين اسمي موجود بالتأمينات
    مو لازم ينهي خدمتي راعي الشركه اللي انا عنده
    وهل تحسبلي خدمه اذى فصلت اسمي ورديت ثانيه مره
    واذى اسمي موجود بالتأمينات يصير اسجل في ديوان الخدمه ولا يطلع اسمي عندهم اني موظف
    في شركه
    ومايصير انقل من شركه لأخرى من غير هالدوخه افصل ورجه
    وذى عندك خبره عن الموسسات او الشركات اللي يصير فيها دعم العماله
    وشكرا
     
  8. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    اخوي جاوبتك بموضوع ثاني عن كيفيه تحويلك من شركه الى اخرى , وبالنسبه للخدمات محسوبه لك ومايصير تسجل بالديوان دام انك مسجل بالتأمينات

    http://www.indexsignal.com/vb/showthread.php?t=184285&page=16
     
  9. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    للرفع
     
  10. بو عمر77

    بو عمر77 عضو جديد

    التسجيل:
    ‏15 يوليو 2009
    المشاركات:
    484
    عدد الإعجابات:
    0
    يعطيك العافية بو عقيل

    طويل العمر ، مؤسسة ( فردية ) إستيراد وتصدير ، ويشتغل فيها صاحب الرخصة الكويتي ، يصير يقدم على التأمينات ودعم العمالة ، السؤال لازم يعين معاه كويتي ثاني وله مو شرط

    وعساك على القوة
     
  11. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    ان كان شهادته ثانوية ونازل راح يواجه مشكله صغيره الا وهي يروح اداره تفتيش العماله الوطنيه (شئون) بجانب محافظه مبارك الكبير يودي معاه اوراق معينه (ماني ذاكرها ) والافضل يروح ويسألهم عن طلباتهم وثانيا للعلم راح يطلعون تفتيش على المحل ولازم يشوفون صاحب الحلال شغال وكل شي اوكي عشان يعطونه اذن عمل (يقدمها لدعم العماله)
    لكن ان شهادته اعلى من الثانويه لا يحتاج لا اذن عمل ولا عوار راس .

    بكل الحالات :
    1- يسجل نفسه بالتأمينات باب خامس (يقول لهم بالحرف الواحد) .
    2- اذا مايبي يسجل معاه موظف ثاني مو مشكله شالوا هل شرط يعني بروحه عادي .
    3- ماياخذ معاه ظرف الي تكلمنه عنه بل يروح لهم مع اوراق المؤسسه عاديه ويسجل نفسه باب خامس واهو واقف .
    4- لاييب لهم اسم (بسجل مؤسستي) هني المعامله تصير لازم معاه كويتي اخر وبما انه بروحه فقط يقول لهم بسجل نفسي باب خامس .
    5- يعقب مايتسجل بالتأمينات (يطول شويه) ياهذ موعد من دع العماله (صرف علاوه اجتماعيه) ويحط رقمه المدني وياخذ موعد (الكتروني) ويروح ومعاه الاوراق اللازمه (خل يروح دعم العماله يطلب منهم الاوراق المطلوبه) عشان يشتغل الوقت .
    موفق
     
  12. abatchy007

    abatchy007 عضو جديد

    التسجيل:
    ‏8 ابريل 2006
    المشاركات:
    1,200
    عدد الإعجابات:
    0
    يعطيك العافيه بوعقيل على خدمة اخوانك والله يجزيك الف خير ويعطيك من خير هالدنيا ويكافيك شرها ويرزقنا واياكم بزوجة ثانية :) لا تخلي ام العيال تقرا هالسطر ولا بنشوفك محذوف من الدريشة @@
     
  13. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    ويرزقنا واياكم بزوجة ثانية
    أميييييييييييييين
     
  14. بو عمر77

    بو عمر77 عضو جديد

    التسجيل:
    ‏15 يوليو 2009
    المشاركات:
    484
    عدد الإعجابات:
    0
    جزاك الله خير الجزاء بو عقيل ويعطيك العافية
     
  15. als4000

    als4000 عضو جديد

    التسجيل:
    ‏13 يوليو 2007
    المشاركات:
    97
    عدد الإعجابات:
    0
    مرحبا

    اخوى فى حالة سجلت نفسي بالباب الخامس عن طريق موسستي هل لى الحق في استلام دعم العمالة علما بان شهادتي ثانوية عامة وهل الشؤون يطلعون على تفتيش لان المحل اللى مطلع علية الرخصة طياري مع الشكر
     
  16. als4000

    als4000 عضو جديد

    التسجيل:
    ‏13 يوليو 2007
    المشاركات:
    97
    عدد الإعجابات:
    0
    سلام عليكم

    للرفع
     
  17. als4000

    als4000 عضو جديد

    التسجيل:
    ‏13 يوليو 2007
    المشاركات:
    97
    عدد الإعجابات:
    0
    للرفع

    للرفع
     
  18. topic_love

    topic_love عضو نشط

    التسجيل:
    ‏9 ابريل 2009
    المشاركات:
    261
    عدد الإعجابات:
    0
    يعطيك العافيه اخوي

    بالنسبه لدعم العماله الشركه مالها شرط مده محدده تستمر فيها علشان تسجل بدعم العماله

    لأن اعرف شخص فتح شركة مقاولات بس قالوله لازم الشركه تستمر اتوقع والله العالم 5 سنوات عشان تقدر توظف فيها ناس ويستحقون دعم عماله !!

    شاكرلك
     
  19. رياح العز

    رياح العز عضو جديد

    التسجيل:
    ‏3 مارس 2009
    المشاركات:
    91
    عدد الإعجابات:
    0
    السيد جنرال تحية لك خاصه ممزوجه بجزيل الشكر ع ابداعاتك ومشاركاتك المفيده لاخوانك اعضاء المنتدى .
    الي لفت نظري بردك هذا ع سؤال اخونا ليش انت تخصص اصحاب الشهادات الجامعيه ؟ وان الجامعي ماعنده مشكله باي شي يسويه حتى لو كان غير قانوني؟ عشانه جامعي !
    واصحاب الشهادات المتدنيه مثلا الثانويه هذا بينحط تحته مئة خط احمر ممكن اعرف ليش؟
    انا بصراحه املك مؤسسة وشغاله من احلا مايكون ومسجله بالمؤسسه وشغلها ماشي وماعندي اي مشكله واصلا مثل انت تعرف خير معرفه انه العمل بالقطاع الخاص يحتاج الخبرات اكثر من الشهادات؟
    تقبل مروري:)
     
  20. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    دام شهادتك ثانويه يطلعون تفتيش وبيشوفونك بالمحل مداوم او تروح تتسجل باب ثالث موظف في شركه لكن للعلم دام انك مسجل باب خامس الحين التأمينات ماراح يرضى يشيل اسمك الا تلغي الرخصه او تحولها باسم شخص اخر (يعني بالعربي دخلت القرقور)
     
حالة الموضوع:
مغلق