dehani
عضو نشط
- التسجيل
- 25 مارس 2009
- المشاركات
- 53
انا قبل فتره سألتكم وقلت انا راتبي 1020 دينار ينخصم منه من الوزاره دايركت 50 دينار حكم محكمه حق سياره وينزل بالبنك 970 ،،، في شهر 9/2009 سويت حادث بالسياره وانا مااقدر اشتري غيرها ومالي الا اني اصلحها وكان تصليحها شوي غالي اضطريت اني اسحب الراتب بالكامل شهرين علشان اغطي تصليح السياره قام البنك وخصم مني 850 دينار في شهر 1 وشهر 2 وماكان ينزل لي الا 120 غلاء المعيشه وصارت علي تاخيرات حق شركه اجهزه كهربائيه بسبب هالخصم في هالشهرين ونزل راتبي في شهر 3 طبيعي وشهر 4 اضطريت اني اسحبه بالكامل علشان اسكر التأخيرات اللي تراكمت علي قام البنك وخصم مني 850 دينار في شهر 5 و 6 و 7 و 10 وانا رحت للمحكمه وقلت لهم برفع قضيه على البنك لانه مو معقوله البنك يخصم اكثر من 50 % من الراتب حتى لو علي تأخيرات فقال لي القاضي لازم تشتكي عليهم في البنك المركزي ورحت واشتكيت عليهم بالبنك المركزي ورد علي البنك المركزي وقال احنا سألنا البنك وقالو لنا انه كانت عليك تاخيرات واهمه خصموها من راتبك وقلت لهم طيب شنو اجراءاتكم مع البنك قالولي مانقدر نسويلك اي اجراء انته كانت عليك تاخيرات واهمه خصموها منك وكان رد البنك المركزي علي شفوي ،،، وانا مسجل في صندوق المعسرين وعلي كذا قضيه بس صندوق المعسرين قالولي ماراح ندفع عنك الا السياره وبس باقي الشركات ماندفع لها شي لانها مو تحت البنك المركزي قلت لهم بس اهمه رافعين علي قضايا ومحكوم لهم بإني ادفع لهم المبالغ بالكامل قالولي مالنا شغل وانا قلت العوض ولا القطيعه ووقعت معاهم انه اهمه يكيشون لي السياره حتى قرض البنك مادفعولي شي فيه ... الحين اقدر ارفع قضيه على البنك اطالبهم بالتعويض النفسي والمادي ؟ لاني بصراحه تضررت حيل وصارت لي مشاكل ماديه واسريه بسبة هالموضوع ؟ وشنو الصيغه القانونيه للقضيه اللي برفعها ؟ واحد الشركات رافعه علي كل الاجراءات بما فيها حجز السياره وانا مااقدر اطلع السياره من الكراج بسبة هالموضوع اقدر اشيل الحجز على السياره ؟ الله يرحم والديكم فيدوني الله يجزاكم كل خير