تأمين السياره شامل (هل انا مخطئ حين طلبت ذالك الطلب ....؟)

[مراقب الاسهم]

السلام عليكم

اخواني اخواتي القائمين على الصفحه الله يعطيكم العافيه بكل جهد تبذلونه
للرد على استفارات اخوانكم


اخواني عندي استفسار بسيط بخصوص عقود تامين السيارات الشاااامل
وكثير اللي اعرفهم يجهلون بعض ما يرد في بنود التامين

ذهب لاحدي شركات التامين بالعموله الموجوده في بيت التمويل الكويتي لعمل تامين شامل على سياره عندي

المهم

قالي الموظف ان التامين كما هو موضح بهده العبارات بالعقد يشمل الآتي
1-عدم الرجوع
2-عدم تحمل
3- تصليح داخل كراج الوكاله
4-بدون استهلاك
5-خدمات الطريق والصيانه وامكانيه توفير سياره بديله
6- (اذا كان حادث ضد مجهول) تصليح وتحمل لغايه 500د.ك وما زاد عن ذالك يتحمل 50% من قيمه التصليح

طبعا هذا ماهو مكتوب حرفيا في مربع صغير في آخر ورقه التامين


#####الشرح الشفوي حسب مافهمت من الموظف############


1-عدم الرجوع (تعني عدم رجوع شركه التامين للمؤمن له ومطالبته قضائيا في حاله اذا كان الحادث ناتج عن مخالفه لقواعد المرور )
2- عدم تحمل (تعني عدم تحمل مصاريف فتح ملف في حاله حدوث الحادث اذا قدر الله رسوم 100دينار تقريبا)
3-مفهومه ولاتحتاح لشرح
4-بدون استهلاك (يعني عدم تحمل العميل اي نسبه استهلاك من قطع السياره في حاله حدوث الحادث)
5- خدمات الطريق (تعني تقديم الخدمات في حاله تعطل السياره على الطريق مع امكانيه توفير سياره بديله مع العلم ان السياره البديله فئه 4سلندر ومدتها محدوده بحد اقصي 10 ايام تبدأ من تاريخ دخول السياره للكراج )
6- مفهمومه ولاتحتاج للشرح


#######السؤال الللي محيرني وابي الرد منكم ########
بصراحه طريقه البنود احس انه فيها شبهه وغير محدده وغير واضحه (((تعبير مجازي مفتوح ))) اذا اختلفت مع من ينصفنا
فاطلبت من الموظف اضافه الشرح الشفوي مكتوبا وتوضيح النقاط وتدوين كلام الموظف في ورقه وكتابه البنود 1و2و3و4و5و6 بطريقه كامله وواضحه ومحدده مثلا في بند رقم 2(يكتب عدم تحمل مصاريف ورسوم فتح ملف )
(((المصيبه الموظف رفض))))) وقالي كل العقود وكل الشركات وكل الناس بنفس الطريقه وماشيه عليها وزاد الشك عندي شنو المشكله لما يوثق كلامه الشفوي كتابيا حفظ لحقوقه وايضا حفط لحقي

يا اخوان ويا اخوات اهل القانون نورني الله ينور عليكم هل انا غلطان في طلبي هذا وانا مبالغ فيه
والا انا اللي صح وكل اللي يصير غلط ؟؟؟

و واذا انا على صواب شلون احفظ حقي اذا استمر الموظف بالرفض انا محتاج التامين ضروي وفي نفس الوقت خايف اكون صيده لهم و اطيح في مشاكل ؟؟


بنتظار ردكم على ضروري

 

[بونواف]

والله يا اخوي انا ابي اقولك ملاحظه فقط.. لاني ليس قانوني والانشاء الله اهل القانون ماراح يقصرون معاك.

لو تلاحظ مافي اي شخص عمل تامين شامل وضحكو عليه او حدثة مشاكل وكل شركات التامين بلكويت موثوق فيها ان شاء الله
ونصيحتي لك لا توسوس وتوكل على الله ولا تكون دقيق حيل
بس على فكره يوجد اكثر من شركه تامين بلكويت وكلهم مبداهم واحد ولكن اسعارهم تختلف وعليك تدور السعر الارخص
تحياتي لك

 

[مراقب الاسهم]

والله يا اخوي انا ابي اقولك ملاحظه فقط.. لاني ليس قانوني والانشاء الله اهل القانون ماراح يقصرون معاك.

لو تلاحظ مافي اي شخص عمل تامين شامل وضحكو عليه او حدثة مشاكل وكل شركات التامين بلكويت موثوق فيها ان شاء الله
ونصيحتي لك لا توسوس وتوكل على الله ولا تكون دقيق حيل
بس على فكره يوجد اكثر من شركه تامين بلكويت وكلهم مبداهم واحد ولكن اسعارهم تختلف وعليك تدور السعر الارخص
تحياتي لك

الله يعطيك العافيه على المداخله


هذي معاناة احد الاخوان هنا بالمنتدى اقرأ القصه
((((((( سياره تطيح بمطب وتتعور رنجاتها ويصير حادث ضد مجهول ولا وبعدها السياره تتحول الا سكراب ويدفع عليها مبالغ جايده ))))))
اقرأ

السلام عليكم
مساكم الله بالخير يا شباب
سمعو السالفه وشاركوني العجب

يمكن في احد بالتحقيقات يفيدنا
او احد من بيت التمويل ويفيدنا
ونعرف الي لنا وعلينا

اول شي مأجر سياره من بيت المويل سنتين
ماباقي شي وينتهي العقد المهم
قبل كم يوم بطريق منطقة جبد ومايخفى عليكم ماطريق كبد

طبيت في حفره في الشارع العام شارع طريق كبد المعروف الي امتداده من جسر صباح الناصر الى الدوار
هذا الشاره في حارتين
يمين للشاحنات
ويسار للسيارات الي تسرع وتمشي

ماشي بالحاره الشمال فجأه الي جدامي وخر ولف يمين بسرعه والا

جدامي حفره بالقار
الحفره وما ادراك مالحفره

طبيت فيها وكانت حفره قويه وخطره ويمكن الي مر بالشارع هذا يشهد لكلامي

الاضرار الي سببتها لي الحفره
ان السياره الجانب الايسر التاير الامامي والتاير الخلفي من الجانب الايسر
على الرنقات
رنقات تعورت رجفه يعني الميزان اعتفس وهذا شي بسيط بالسيارات
ودعاميه انكسرت من تحت

رحت
البيت ريحت
رحت من باجر مخفر المنطقه قلت السالفه قالوا لازم تروح مخفر موقع الحادث
رحت مخفر جبد قلت لهم السالفه
قالي اي طريق وانت داخل كبد ولا وانت طالع من كبد
قلت له وانا طالع من كبد ومتجه لجسر صباح الناصر

ابتسم الضابط وقالي هذا مو تابع لنا!
روح راجع مخفر الاحمدي
!!!!!!!!!!!!!!!!!!!!!!!!!!!!!!!!!!!!
رحنا الاحمدي
من مخفر لين التحقيقات ومن رئيس المخفر لين الكتبه
خلصت ورقة الحادث
المحقق حط علي مخالفه
حق عام ومخالفه عدم الانتباه للطريق وتسببت في اتلاف سيارت شركه بيت التمويل!

حق عام ليششششش؟
وانا ماعورة لا شبه ولا اشاره ولا كسرت رصيف ولا شي
حفره بالشارع وانا طبيت فيها وانا الي تعورت؟؟؟
اقول للمحقق زين ليش مخالفه عدم انتباه للطريق وتسبب في اتلاف سياره بيت المويل؟
يقول شسوي والله هذا القانون
رحت الوكاله وديت السياره على اساس ايجار وتامين
عطوني سياره بديله

واليوم دقو علي بيت التمويل وقالوا لي
السيد فلان الفلاني
تعال رجع السياره البديله
وكنسل العقد
لان سيارتك الايجار وديناها سكرااااااااب
وماتتصلح
هل يعقللللللللللللللللللللل؟

ومطلوب مني ربع قيمه السياره
لان ضد مجهول
تعال شوف عاد كم الف الفين ولا ثلاثه

الحين شرايكم يا شباب؟
يعني وقتها الف اطق بريك عشان لا اطب بالحفره واخلي الي وراي بهاليل يدعمني ويتعور ولا الف على اليمين وادعم الي على جنب كل هذا عشان لا اعور سيارتي ولا يصكني مخالفه عدم انتباه !
لا وذاك الوقت رحت برفع قضيه على الاشغال بالمخفر قالوا لي احنا نكلم الاشغال وجدامي دقو علىى طوارئ الاشغال وقالوا لي خلاص كلمناهم قلت لهم برفع قضيه
قالو شوف التحقيق
رحت التحقيق قالوا شوف المخفر !
الحين بيت التمويل بالعقد يقول انت ملزوم تدفع ربع قيمتها
وبعدين انت تروح تطالب وزارة الاشغال

رحت اشوف الحفره بصورها ولا مصلحينها ومبين رقعه اصلاح جديد


الحين شرايكم يا شباااااااااااااااااااااااااااااااااااااااب





ولي رجاء خاص
من الي ماعندهم شغل غير التعليقات الساخره خل يستريحون شوي ولا يشرفون

ودي بالشباب الطيبين الي فيهم الخير يفيدونا

رابط الموضوع كاااامل
http://www.indexsignal.com/vb/showthread.php?t=99544

 

[نيويورك]

اخوي الكريم ..
من المعروف ان التأمين في الكويت اجباري للمركبات .. و الشروط اللي تحطها شركات التأمين أحيانا يكون فيها لف و دوران و زياده و نقصان في بعض البنود .. الفيصل في هذا الأمر هو المحكمه و ليس شركة التأمين .. يعني ليس ما يكتب في العقد امر مسلم فيه .. و توكل على الله و شوف الشركه الأصلح لك ..

 

[مراقب الاسهم]

اخوي الكريم ..
من المعروف ان التأمين في الكويت اجباري للمركبات .. و الشروط اللي تحطها شركات التأمين أحيانا يكون فيها لف و دوران و زياده و نقصان في بعض البنود .. الفيصل في هذا الأمر هو المحكمه و ليس شركة التأمين .. يعني ليس ما يكتب في العقد امر مسلم فيه .. و توكل على الله و شوف الشركه الأصلح لك ..

اخوي الغالي
انا اتكلم عن التامين الشامل وليس التامين العادي
والمشكله لا حجت حجاجيها ورحنا المحكمه للفصل قالو لنا (العقد شريعه المتعاقدين)
رجعونا للعقد المبهم الغير واضح كما شرحت سابقا اعلاه طالت السالفه


شنو الحل؟؟ هل فيه مثلا سوابق في المحكمه وقضايا حصلت من تنصل الشركه من مسؤليتها وكان هذا بسبب ان بنود العقد الغير واضحه اخدمتهم ؟؟؟

معلش اخوي افهم تخوفي من الموضوع لان السياره قيمتها اكثر من 17الف ووقيمه تامينها 800تقريبا(والمؤمن له سيده عليميه) ولا قدر لله اذا حصل شي بنسولف من 5آلاف وفوق

 

[نيويورك]

اخوي الغالي
انا اتكلم عن التامين الشامل وليس التامين العادي
والمشكله لا حجت حجاجيها ورحنا المحكمه للفصل قالو لنا (العقد شريعه المتعاقدين)
رجعونا للعقد المبهم الغير واضح كما شرحت سابقا اعلاه طالت السالفه


شنو الحل؟؟ هل فيه مثلا سوابق في المحكمه وقضايا حصلت من تنصل الشركه من مسؤليتها وكان هذا بسبب ان بنود العقد الغير واضحه اخدمتهم ؟؟؟

معلش اخوي افهم تخوفي من الموضوع لان السياره قيمتها اكثر من 17الف ووقيمه تامينها 800تقريبا(والمؤمن له سيده عليميه) ولا قدر لله اذا حصل شي بنسولف من 5آلاف وفوق

اخوي مراقب الاسهم ..

شركات التأمين بخصوص التأمين العادي أو الشامل أو الممتاز .. بعضهم يحط شروط انتقائيه اختياريه حسب مصلحته و ينسبها لبعض القوانين .. و العميل بموجب العقد يعتقد انه وقع عقد و ملزم فيه و هذا غير صحيح ..

مثلا .. في بعض شركات التأمين أضافت في العقد بأن مالك المركبه هو المؤمن له و ليس قائد المركبه و بالتالي في حال حدوث اي حادث مروري لأي قائد للمركبه و ليس هو مالكها لا يستحق التأمين عليها !!! و راجع العديد من مستشارينهم المؤسسات الأمنيه بالرغم من توقيع المؤمن له على عقد رضائي الا ان المحكمه لم تعتد به .. انا قصدت تلاعب بعض الشركات ..
و فيه بنود اخرى عديده يحصل فيها تمويه للعميل و تضليل ..

و هم شركات التأمين بالكويت محدوده .. و تضل مجبر على المتوفر في هذا السوق المحدود ..و يعتبر بعض القانونيين ان عقد التأمين مثل الكهرباء و الماء و التلفون انها عقود اذعان .. يعني انت مالك اي اختيار في بنودها حتى لو تأمين شامل و بالتالي المحكمه لها كلمه الفصل فيها ..

فيه احكام قضائيه عديده و يوميه احيانا تكون لمصلحة المؤمن و احيانا للمؤمن له .. لكن اعتقد بحكم الوضع الحالي أنك تجتهد بالسؤال عن عملاء سابقين لنفس شركة التأمين و تسألهم عن مدى الثقه بالشركه .. أو انك تراجع اغلب شركات التأمين و تاخذ نسخه من العقد للتأمين الشامل و تفاضل بينهم ..

و على كل حال السوق محدود و محتكر ..و الله يبارك لكم في سيارتكم الجديده .. و يعطيكم خيرها و يكافيكم شرها ..

 

[fayoona74]

عزيزي طلبك للمةظف غير منطقي ورفضه مبرر لان اولا شخص غير مخول بتفسير المواد اللي بالعقد ثانيا الريال مايبي يتحمل مسئولية لانه مجرد موظف يؤدي عمل
وسواء وضحو او ماوضحو اللي مكتوب بالعقد راح يطبقونه واللي تفصل المحكمة مثل ماقال استاذ نيويورك

 

[rahaly]

الاخ نيويورك اوفى بالاجابة ... لكن للتوضيح من خلال خبرتي مع شركات التأمين ..

انت مضطر تقبل عقدهم ... وخاصة في العقود الصغيرة (في العقود الكبيرة يضطرون ان يناقشوك ويقبلوا التغييرات لكي لا يفقدوا العقد)

حلو ؟؟

لا مو حلو

لان وقت وقوع الحادث واستحقاق التغطية .... مستحيييييييييييييييييييييييييييل انهم يقبلون التغطية وديا ... الا اذا تنازلت عن ما قد يصل الى نصف التعويض ...
والا روح المحاكم مع الف سلامة (هكذا يردون عليك)
اما المؤمن عليهم الكبار ... يقولون لهم " اسمحلنا احنا اعادة تأمين .. وشركة لويدز (مثلا) ..تطلب صدور حكم قضائي عشان نعوضك .. وانت لا تحاتي روح المحكمة واحنا نوقف معاك "

حلو ؟؟؟

طبعا مو حلو

لانك بس تروح المحكمة .. راح تنصدم انهم ينكرون كل الاتفاقات ويحاولون يفسرونها تفسيرات مختلفه .. المهم انهم يتنصلون من التغطية ...

وتبريرهم في حال خسارتهم القضية (للناس الكبار المهمين) ... " احنا عارفين انك تكسب القضية .. بس قدمنا دفاع عشان نراويه الشركة المؤمنة الاجنبية " !!!!

واذا خسرت القضية ... يقولولك " اسمحلنا ما نقدر نسوي شئ .. غصبا علينا "

يعني .... جمبزة * جمبزة

ومثل ما قال الاستاذ نيويورك .. المحاكم (تحاول ) ان تنصفك ...
لكن .... بحكم التجربة ... للاسف ان عقد التأمين يكون ضدك .. وانت وقعته عن ثقة وحسن نية .. لكن المحكمة .. ما راح تجاريك دائما بحسن النية هذه ...


حبيت اوضح هذه النقاط للفائدة العامة ....


والله اعلم

 

[مراقب الاسهم]

نيويورك

فيونه

رحالي


الله ينور ايامكم بالايمان وطاعه الرحمن

مشكورين على الرد الوافي عسالله لايحرمكم الاجر

عساكم ذخر لاخوانكم الاعضاء


شكرااااااااااااااااااااااااااااا من القلب