سؤال لاهل الخبره بالاسكان

الموضوع في 'اعلانات العقار' بواسطة ساحل الليل, بتاريخ ‏24 أكتوبر 2009.

حالة الموضوع:
مغلق
  1. ساحل الليل

    ساحل الليل موقوف

    التسجيل:
    ‏4 ابريل 2008
    المشاركات:
    258
    عدد الإعجابات:
    0
    السلام عليكم ورحمة الله وبركاته
    اخواني الكرام انا مقدم على الاسكان صارلي شهرين تقريبا
    وحصلت بيت بقيمة 100 الف
    وانا عندي 30 الف
    يصير الحين اطلب فلوس الاسكان ال 70 الف عشان اشتري البيت
    والا لازم يكون عندي عيال او يمضي على زواجي اكثر من سنه
    للعلم صارلي شهرين تقريبا متزوج
    بانتظاركم اخواني الاعزاء
    اخوكم
    ابو طلق
     
  2. الدكتور نت

    الدكتور نت عضو جديد

    التسجيل:
    ‏12 سبتمبر 2009
    المشاركات:
    78
    عدد الإعجابات:
    0
    مبروك الزواج اخوي

    وشروط بنك التسليف مرور سنتين على الزواج او يكون عندك ابناء - عسى ربي يرزقك الذرية الصالحة-

    وتقدر تقرى باقي الشروط من موقع بنك التسليف

    http://www.scb.gov.kw/Default.aspx?pageId=11
     
  3. شبابي

    شبابي عضو نشط

    التسجيل:
    ‏23 فبراير 2009
    المشاركات:
    303
    عدد الإعجابات:
    0
    مكان الإقامة:
    kuwait
    في البداية اشكر صاحب الموضوع وان شاء الله يتحقق الي يبييه

    اخوي الدكتور نت

    بخصوص 70 ، اقدر اخذ مثلها قرض من التمويل واشتري البيت ؟

    والامر الثاني في شروط التسليف الشرط قبل الاخير ممكن توضحلنا اياه ؟

    لان اخوك توني متزوج من 6 اشهر وقدمت الاسكان ،، بس ما خصصولي شي !!​
     
  4. abo_omar

    abo_omar عضو جديد

    التسجيل:
    ‏24 نوفمبر 2004
    المشاركات:
    33
    عدد الإعجابات:
    0
    السلام عليكم اخوي شبابي...بالنسبة لاستفسارك بخصوص الحصول على تمويل ال 70 الف احب أفيدك بان بيت التمويل يعطيك المبلغ اللي تبيه بحد اقصى 70 الف دينار بواحدة من الطريقتين وذلك حسب ماقالوا لي الاسبوع الماضي في فرع خيطان وهي كالتالي:
    1. تقدم على معاملة تورق بحد اقصى 70 الف د.ك والقسط مايتعدى 40% من صافي الراتب ( طبعا حسب راتبك والتزاماتك الاخرى ) ونسبة المرابحة 3.775 % بالسنة.
    2. تقدم على معاملة قرض عقاري ويطلبون وثيقة البيت اللي بتشتريه او الارض اللي تبيها...ويعطونك نفس المبلغ ونفس نسبة الراتب أعلاه.لكن نسبة المرابحة اقل من التورق ( نسبتهم تبلغ 3.4% سنويا).

    مميزات نقطة 1 هم مايطلبون منك لاوثيقة ولا شي...وتاخذ لها يومين ثلاثة ايام وتخلص معاملتك...ولكن نسبتهم اعلى من نقطة 2.
    مميزات نقطة 2 ان نسبتهم اقل...ولكنهم يرهنون الوثيقة عندهم والمعاملة تاخذ لها من اسبوعين الى ثلاثة اسابيع على ماتخلص الموافقة.

    طبعا كل هذا الكلام ...مشروط بالراتب والالتزامات الاخرى عليك ...
    اتمنى اني افدتك واي استفسار حاضر...ومع تحياتي..للجميع
     
  5. الدكتور نت

    الدكتور نت عضو جديد

    التسجيل:
    ‏12 سبتمبر 2009
    المشاركات:
    78
    عدد الإعجابات:
    0
    مشكور بو عمر على اجابتك الوافية وحبيت اضيف فرق ان التورق ما تستلم المبلغ كله، يعني لو بتقدم على قرض 70 يطلع لك 68 او اقل شوي عادة هذا مبلغ نسبي حسب قيمة القرض

    وحتى مدة المعاملة بالاختيار الثاني افضل من الاول في حالة الي يبي يقدم على بنك التسليف لان معاملة التسليف تطول ويمكن تقعد من شهر الى شهرين -ويمكن اقل انت وواسطتك- طبعا البنك يدفع عنك كامل المبلغ ويستلم اهو شيك بنك التسليف بس اعتقد ياخذون ربح بسيط عليه

    وبالنسبة اخ شبابي لسؤالك عن شروط التسليف -واتمنى اني ما اكون غلطان-

    ان يكون البيت الي بتشتريه يتسجل باسمك يعني مو الواحد ياخذ السبعين على بيت ويسجله باسم شخص ثاني لان التسليف راح يرهن وثيقة البيت

    :) الله يعطينا وياك طولة العمر ويحوشنا تخصيص

    الحين انت قدمت طلب ودخلت الطابور ، التخصيص يكون لما يوصل دورك ينادونك الاسكان حسب الاولوية
     
  6. الموحد1

    الموحد1 عضو جديد

    التسجيل:
    ‏9 ابريل 2008
    المشاركات:
    403
    عدد الإعجابات:
    0
    طيب بالنسبه للي اخذ ال70000 ويبي يشتري بيت ثاني كم نسبة المقدم لبيت التمويل؟

    سؤال: فترة السماح شهرين بالسنه اذا الواحد التزم بالدفع طول المده ياخذون ارباحهم او تطيح؟

    الله يحفظكم
     
  7. الدكتور نت

    الدكتور نت عضو جديد

    التسجيل:
    ‏12 سبتمبر 2009
    المشاركات:
    78
    عدد الإعجابات:
    0
    ماعندي علم اخوي الموحد

    الافضل تروح للبنك وتاخذ المعلومات الاكيدة والاخيرة منهم والله يوفقك
     
حالة الموضوع:
مغلق