استفسار ؟ لاصحاب الخبرة ضروري

[بحرري]

السلام عليكم

شباب ودي استفسر منكم انا قاعد افكر هل جم يوم اطلع من السوق الكويتي (سوق الفلس) وادش الامريكي شنو نصايحكم لي وبجم اقدر ادش اقل شي يعني مثلا اقدر اشتري بكذا شركة مثلا يعني اوزع الفلوس كل شركة 2000 مثلا ولا شنو الطريقه واذا ابي افتح حساب تداول حق السوق الامريكي شنو الطريقه علما اني بلسوق الكويتي مو فاتح اون لاين لا اشتري وابيع عن طريق مكتب وسيط وهل فتح حساب سهل ولا في شروط معينه علما انا ودي عن طريق الاون لاين اشتري وابيع ممكن تفيدوني لانه صج عندي ادش واغامر بلامريكي ابرك من الكويتي فيدوني وانصحوني جزاكم الله خير

 

[FreeTrader]

حياك اخوي

التداول نفسه سواء بالكويتي او الامريكي
والربح والخساره ايضا موجوده في كل مكان فقط يمتاز الامريكي عن الخليجي هو كثره الشركات وكثره الفرص معاها وتفاوت الاسعار
يعني يقدر فيه صاحب الراس المال القوي والضعيف يشتغل فيه
وادواته في البحث والتحليل اكثر من الخليجي

لكن عليك معرفه كيفيه الاختيار وماهي الاسهم التي تناسب طبيعه تداولك ..واختيار شركات ذات منتج معروف ولها اسمها بالسوق

قبل لا تفتح حساب انصحك بفتح محفظه وهميه تتعلم منها بالشراء والبيع وتعرف اخطائك منها
بعدها توكل على الله اذا اقتنعت بالسوق افتح حساب وتداول
ولا تنسى الاهتمام بالشرعيه

وتذكر التوفيق من رب العالمين

واي خدمه ماراح نقصر معاك بالمعلومه

 

[بحرري]

يعطيك العافية اخوي وماتقصر وجزاك الله الف خير
بس بغيت تقولي شلون اسوي التداول الوهمي وين ارووح اروح حق مكتب وساطه ولا شلون لانه ماعندي خبره بهلشي كلش وعلى طاري الاسهم الشرعية والي تكون زينه انت والشباب ماراح تقصرون بلنصيحه ان شاءالله

 

[FreeTrader]

لا
بس عليك تسجل باحد المواقع الي تعطيك التداول الوهمي
منها هالموقع
http://www.cboe.com/tradtool/virtualtrade.aspx

تسجل وتختار المبلغ الي تبيه

 

[canada]

وهذا مكان ثاني للحساب الوهمي ايضا
http://www.investopedia.com/?partner=ntu10

 

[duwailah]

اذا تعرف تحلل ولغتك الانجليزيه قويه او تقدر تقرأ الاخبار بسهوله فتوكل على الله وادخل السوق الامريكي وراح تتعلم بسرعه ..

اما اذا ماتعرف للتحليل الفني وكيفيه اختيار الشركات وماعندك لغه انجليزيه بالمره .. فانصحك تكمل بالسوق الكويتي الى ان تتعلم وتقرأ ووتداول بالوهمي الى ان تتقن لك طريقه لاختيار الشركات والتفريق بين الصالح والطالح لانه السوق الامريكي يضم عشرات الاف من الشركات ..

 

[بحرري]

اذا تعرف تحلل ولغتك الانجليزيه قويه او تقدر تقرأ الاخبار بسهوله فتوكل على الله وادخل السوق الامريكي وراح تتعلم بسرعه ..

اما اذا ماتعرف للتحليل الفني وكيفيه اختيار الشركات وماعندك لغه انجليزيه بالمره .. فانصحك تكمل بالسوق الكويتي الى ان تتعلم وتقرأ ووتداول بالوهمي الى ان تتقن لك طريقه لاختيار الشركات والتفريق بين الصالح والطالح لانه السوق الامريكي يضم عشرات الاف من الشركات ..

مشكوراخوي على النصيحه وانا فعلا مو ذاك الزود بلغه وبحاول اتعلم شوي شوي بس بصراحه ودي بلسوق الامريكي اهناك الفرص حلوه وايد