قصيدة عشق

الموضوع في 'إستراحة المنتدى' بواسطة bo ahmed, بتاريخ ‏26 أكتوبر 2009.

  1. bo ahmed

    bo ahmed عضو جديد

    التسجيل:
    ‏21 يونيو 2009
    المشاركات:
    59
    عدد الإعجابات:
    0
    أبد ماجيت اباركلك ولكن جيت ابوصيك
    على الله ناوي تدخل بهالليله معذبتي

    ترى لو الظروف اللي عطتك وحدت محاكيك
    قسم بالله ماتدخل عليها لو على رقبتـــي

    ولكن للنصيب أقوى ولا ادري ويش اسوي فيك
    نعم صــارت معزبتــك ولا صــارت معزبتـــي

    كذا شاءت بنا الأقدار تحرمني لأجل تعطيك
    كذا لازم علشان تفوز أنت وانا اخسر بتجربتي

    تراها غاليه جدا تكفه والله يخليك
    تدللها وتدلعها وتمسيها مصاحبتي

    انا من كثر مغليها احس اني بديت اغليك
    ولا تسأل بأية حق ولا وش مناسبتـــي

    لانك لو بتسألني بتسمع شي مايرضيك
    لذا ياخوي لا تسأل ولاتسمع لأجوبتـــي

    ابيك تحطها في داخل عيونك وبين ايديك
    وهي دلوعه اعتادت على كثرة مداعبتي

    داعبها شوي شوي حتى تشتهي طاريك
    وشاغبها لين تقول بطل من مشاغبتـــي

    واذا مالها خلقك ولاتضحك ولا تسليك
    تحملها واسألها يا عمري ليه عصبتي

    صحيح انك بتملكها ومعك العقد بالتمليك
    وانا عارف حقوق الله ومن حقك معاقبتي

    ولكن قلها المجنون وصاني وهو يعنيك
    يقول انه بينتظرك لو شيب وشيبتي

    وانا مجنونها اللي مانساها وانت مايمديك
    تغطي ذكرياتي في هواها وربع تجربتي

    احس اني تماديت في كلامي والغضب حاديك
    ولو انك في مكاني ماتفكر في محاسبتــي

    كفاك اني تركت الليله اشغالي عشان اجيك
    دخلت القاعه برجلي ولا ادري ويش عاقبتي

    وانا ماجيت اخرب عرسك الليله ولا اذيك
    انا جيتك عشان اخاطبك واسمع مخاطبتي

    توصى وانتبه واحرص عليها والله يهنيك
    ترى كل الكلام طلع من ضيقي وكبتي

    لكن ماقدرت اني اقوله وانت مايخفيك
    اخاف اني اذا قلته تقوم وتقطع رقبتي
     
  2. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    :)

    شكرا
     
  3. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    هذي القصيده سمعت انها عن قصه حقيقيه بأن الشاعر أو قائل هذه القصيده يحب العروس لكن غيره تزوجها وقال هالقصيده أول ما باركله بالعرس قدام الكل

    واذا تحب قصايد من هالنوع اقرأ هالقصيد وحس بمعاناه الشاعر

    ثلاث سنين انا اخطط لهذا اليوم يا ابو سعود
    تيسر حالي وجاهز اوفي وعدي بوقتهـ
    وفجاه جتني تتعذر تقول تاخرت الوعود
    وانا مستغرب واسمــع كاني وعدها خنتهـ
    حسبت انها تمازحني وتتصنع جفا وصدود
    ضحكت بوجهها من قلب مع انها بايخه النكتهـ
    وقالت ارضى با الواقع قلبي ماهو المعهود
    تغير كل شي صوبك نصيبي ما اظن انتهـ
    كنت بيوم محبووبي ولكن ما اظن نعود
    وصل من قبل ماتوصل وانا ذاك الصبر عفتهـ
    ولكن تكفى صدقني ويشهد ربي المعبود
    ترى ماخنتكـ بغفله ولاكلمته وشفته
    صرااحهـ اهلي قالوا لي بانه ولد اصل وجود
    وجاتني امه با الصوره وبكلماات المدح اختهـ
    سكت وقلت هي فرصه مادام الجود فاالموجود
    وقالوا كل من حولي علامات الرضى سكتهـ
    وانا فكرت دام امه واخته ماعليهم زود
    اكيد اني براضيهم اذا وافقت واخترتهـ
    واراضي اهلي واخواني مادام ان الفرح مقصود
    عطيت الناس انا كلمه ومعاهم وقتي حددتـهـ
    ولااقدر اغيرها ترى عند العرب منبوذ
    اوافق واعتذر باكر واقول الراي غيرتهـ
    تبي تشرح لي المنقود تصدق عاد يا ابو سعود
    تبيني اقتنع واراضى بحال عمري ماعشتهـ
    انا ماني بقايلها عسى يفرش ثراها ورود
    بعد ماحطمت قلبي وطعم الموت جربتهـ
    عسى بفستانها اشواكـ وفي ثوبهـ عقارب سود
    ونار تحرق الكوشـهـ وتحرق بيتهم حتى
    وموت بليلة الدخله يبرد حرتي ياكوود
    ولا احس انها بحضنه يلامس خد لامستهـ
    علي اهون اذا ماتوا ولا بنفس السريررقود
    وصعب علي اتخيل اللي ماتخيلتهـ
    عسى قاع الثرا يقسى ويتحول صخر جلمود
    وحفار القبر يرفض يسوي فوق مقدرتهـ
    ترى دفنة عديم الذاات تلوع حتى كبد الدود
    ومن خان العهوود وماات تعافهـ حتى مقبرتهـ
    عسى ربي يجازيهم بحبل من مسد ممدود
    يعلقهم من اطرافه وفوقه نار وتحتهـ
    انا ماني حقود وشين ولاني من نسل نمرود
    ومن حط نفسه بوضعي بيقول اللي انا قلته
    مادام الفعل له ردة فعل والله ابشري بردود
    بدعي دامني حي وبغرس للدعاء نبتهـ
    وبسقيها نزيف القلب ودمع مارحم الخدود
    وتكبروالثمر ثاري من اللي خانني وصنته
    انا نذر علي اكتب وافجر ها القصيد رعود
    واسمع كل بشر صوتي عجبته ولا زعلتهـ
    واردد للي يسمعني اذا حبيت حط حدوود
    انا حبيت دون حدود و شوف اللي تكبدته
    ثلاث سنين انا ابني وجت صوره بكل برود
    وخذت مني شقا عمري وحلم قلت حققته
    ثلاث سنين انا اخطط لهذا اليوم يا ابو سعود
    وتوافق من كلام اخته وصوره اربعه في سته
     
  4. Q8_cat

    Q8_cat عضو جديد

    التسجيل:
    ‏7 ابريل 2009
    المشاركات:
    1,598
    عدد الإعجابات:
    0
    مكان الإقامة:
    كويت
    معاناة ،، شكرا لك
     
  5. العاشق

    العاشق عضو مميز

    التسجيل:
    ‏18 يناير 2009
    المشاركات:
    14,324
    عدد الإعجابات:
    557
    مكان الإقامة:
    هنا
    الله يعين:(