تم حل مشكله أرامكس والجمارك :)

[almutawa3]

وصلتني رساله من أرامكس اليوم :

We understand it's been a rough week for all of you, but finally, Kuwait Customs' policy has cleared up, and we're happy to say that online shopping is about to become more fun than ever!

So here's the bottom line: regardless of the goods value, all shipments are subject to customs clearance. We'll clear all shipments in one bundle, and pay the charged customs duties accordingly. You read correctly; it's on us! 
In this case, you will only endure the following charges:

1 KD handling charges 
5% of order value for Kuwait Customs duties (applicable only to orders valued above $100 USD)
 
However, self-clearance option is no longer available for our customers. You can contact us at [+ 965 1 820011] for further details.

نحن نتفهم انه كان اسبوعا شاقا بالنسبة لكم جميعا ، ولكن في النهاية ، بسبب قانون جمارك الكويت 'وسياستها الغامضه ، نحن سعداء أن أقول إن التسوق عبر الإنترنت على وشك أن تصبح أكثر متعة من أي وقت مضى!

بغض النظر عن قيمة السلع وجميع الشحنات تخضع لعمليات التخليص الجمركي. سنقوم بوضع جميع الشحنات في حزمة واحدة ، ودفع الرسوم الجمركية وفقا لذلك
هذه الحالة ، سوف يكون علينا الالتزامات التالية :

1 دينار رسوم المناولة
5 ٪ من قيمة الرسوم لأجل الجمارك (لا ينطبق إلا على طلبيات قيمتها أكثر من 100 دولار أمريكي)


حتى الآن اعتقد انه قرار مناسب ولكن الانسب هو الغاء القرار من اساسه .

 

[ostath]

شي حلو....فرحتني

 

[بو بـدر]

دام فيها دفع زيادة عن قبل .... ما انحلت المشكلة

 

[HEART BEAT]

يعني لو بطلب باقل من 30 دينار راح ازيد دينار عن قبل و راح تنجمع الشحنات و هذا فيه تعويض
يعني اخذ راحتي بطلب اغراض من اكثر من شركة دون الخوف من قيمة الوزن لانه راح ينجمع
فعلا خبر اكثر من رائع

 

[abatchy007]

يبا هذي طبخة يديدة من ارامكس علشان يزيدون الاسعار ما كفتهم الزيادة الاولى

 

[تاجر_سيارات]

اقولك شغله ترا ارامكس واليو بي اس شركه وحده وتشحن شحناتها عن طريق الطيران المدني انا اقول قاطعوها وخلكم على الدي اتش اج لانها اريح وشركه ما عندها هالتلاعب واشكركم

 

[abatchy007]

والله يا اخوي تاجر حتى شركة دي اج ال نفس الشي عيل فيلمين ديفيدي ب7دنانير وزنهم !!!!! ليش طالب ذهب ولا سيدي

 

[الذهبي4]

انا اشوووف شركــــة فيدكـــس يمكـــن أفضـــل بكثيــر وانا تعاملت وياهـــم واظنهم مناسبيـــن جدااا ,,,

 

[nothing2lose]

ياجماعه انا كنت اتعامل مع dhl وكنت امدحهم ومسويلهم دعايه لكن بالنهايه اكتشفت ان الميزه الوحيده الموجوده عندهم اهي سرعة وصول الاغراض من امريكا لى الكويت فقط!!.. وبالكويت انت تروح تستلم اغراضك مافي توصيل للبيت.. طبعا اهم من زمان مطبق عليهم سالفة الجمارك 5٪ اللي توه يطبقونه على aramex نرجع الآن لمشاكل dhl اولا عندهم شغله مو موجوده عند aramex اللي اهي يحسبون شنو اكبر.. وزن الشي اللي طالبه والا حجمه! وياخذون على اساسها فلوسهم!!؟؟ طبعا هالشغله بالذات فيها نصب مو طبيعي لانك مثلا انت شاري شي رخيص لو ب 5 دنانير خفيف نص كيلو بس حجم الكرتون طويل شوي *ياخذون عليك 25 دينار!! حرام والله!! وهالشغله الصراحه مو موجوده عند aramex.

وفي شي اهم من هذا كله كنت اواجهه عند dhl بسبب قانون الجمارك الجديد وخلك صاحي معاي بهالنقطه اللي الصراحه خلتني ذاك اليوم اتهاوش مع موظفين dhl وقمت اصارخ اقول وين مديركم ::verymad:: الا وهي اني كل ما اشتري شي اقل من 100 دولار نفس مايقول قانونهم الجديد ماعليها جمارك! اسأله ليش ماخذين جمارك يقولي ان الاداره العامه للجمارك سووا اعادة تقييم للسلعه وحطوا لها سعر جديد يعني انا شاريها ب 50 دولار والفاتوره موجوده عالكرتون ومكتوب 50 لكن الجمارك مو عاجبهم السعر قاموا سووا اعادة تقييم للسلعه وحطوا عليه 120 دولار هل هذا منطق يا اخوان؟ *اتمنى هالشي مايصير معانا هالمره مع aramex بعد تطبيق هالقانون الغامض واتمنى اذا دخل هالموضوع اي شخص من الجمارك يوضح لنا شنو اللي قاعد يصير عندهم بالضبط... وصوتك وصل

 

[shocked]

السلام عليكم
أخواني حسب خبرتي القليلة في قوانين الجمارك الكويتي، فهي بحر لاشاطئ له.
من أعقد إدارات الدولة، ويحق لهم إعادة تقييم السلعة، خاصتاً إذا كان موظف الجمارك مو مقتنع بالسعر على السلعة.
الأمر الثاني إن الموظفيين بالجمارك والله تعالى أعلم يدخلهم كما يدخل إلى كثير من الناس الغيرة والحسد، فيعقدون السهل ويسهلون المعقد.
والله يا أخوان كل ما توصلني أغراض بجمارك الكويت أقعد طول الإسبوع متوتر ولازم أروح أكثر من 3 مرات، لأنك في هالإدارة بالضبط ماتدري منو طقاقك، هذا يمشي وتوقف عند الثاني...
حمدوا ربكم يا أخوان لوتشحنون مثلاً تلفونات نقالة عادي يحطونها بخزينة الأمتعة الثمينة بالكويتية، واليوم بـ 10 دنانير
من تاريخ وصولها، لو إن شاء الله توصلك بأول يوم عيد الأضحى، تبلش الـ 10 والحسابة بتحسب.
زبدة الحجي .. مافيه مجال لصغار التجار.

ولاحول ولاقوة إلا بالله ، كل هالتعقيد من مجلس الأمة ...