ياليت تفيدوني وأكون ممنونة لكم

هاجر 79

عضو نشط
التسجيل
28 أكتوبر 2009
المشاركات
17
الإقامة
الكويت
السلام عليكم ورحمة الله وبركاته
أخواني وأخواتي أعضاء المؤشر
اختي عضوة قديمة معاكم بالمؤشر بس ما لها ميول بالبورصة ومشاركاتها باستراحة المنتدى وانا عندي رغبة بدخول السوق وانصحتني بالإستفادة من خبرتكم
عندي كم سؤال ياليت اللي يقدر يفيدني عالعام أو عالخاص وأكون ممنونة له
1- 3700 دينار تستاهل أدش فيهم او أزيدهم أو أقل ؟
2- شنو الشركات اللي تنصحوني أشتري فيها أسهم ؟ومتى بالضبط أشتري ؟
3- شنو البرامج اللي ضروري انزلها على جهازي حتى تساعدني بالبورصة؟
4- منو العضو أو الأعضاء المميزين بالمنتدى حتى اقدر أتواصل معاهم بإستمرار وما يملون من أستفساراتي

تقبلوا تحياتي أختكم هاجر
 

3lgm

عضو مميز
التسجيل
29 سبتمبر 2008
المشاركات
6,409
الـ3700 يخبون على سوقنا وحرام تحطين أكثر , بالنسبة للبرامج لازم تكونين ملمة بالتحليل الفني علشان تحتاجين البرامج , انتي اذا بتتداولين الكترونيا خلج على بنك مثل بيت التمويل أو الوطني واهم يركبونلج البرنامج على لابتوب ويعلمونج شلون تبيعين وتشترين , أما بخصوص شخص محترف وباله وسيع وما يطفر من الأسئلة فمالج الا بوسليمان :
http://www.indexsignal.com/vb/showthread.php?t=198749&page=34
 

محمد القطان

عضو نشط
التسجيل
8 فبراير 2004
المشاركات
137
الإقامة
الكويت
أهلا بالأخت الكريمة أولا

بالنسبة إلى المبلغ المحدد فهو جيد إلى حدا ما وأما بالنسبة إلى الدخول فيرجع أغلب الأخوان إلى التحليل الفني أو إلى التحليل الشخصي الذي أكتسبه الشخص من خبرته من السوق وكلاهما يحتمل جزء من الخطأ ولكن الأمن هو التحليل الفني وأرجو بالأخير دراسة السوق ومن ثم التفكير بالدخول من عدمه

وشكرا
 

بورش

عضو مميز
التسجيل
25 سبتمبر 2005
المشاركات
3,660
الإقامة
دار بالبورصة
السلام عليكم ورحمة الله وبركاته
أخواني وأخواتي أعضاء المؤشر
اختي عضوة قديمة معاكم بالمؤشر بس ما لها ميول بالبورصة ومشاركاتها باستراحة المنتدى وانا عندي رغبة بدخول السوق وانصحتني بالإستفادة من خبرتكم
عندي كم سؤال ياليت اللي يقدر يفيدني عالعام أو عالخاص وأكون ممنونة له
1- 3700 دينار تستاهل أدش فيهم او أزيدهم أو أقل ؟
2- شنو الشركات اللي تنصحوني أشتري فيها أسهم ؟ومتى بالضبط أشتري ؟
3- شنو البرامج اللي ضروري انزلها على جهازي حتى تساعدني بالبورصة؟
4- منو العضو أو الأعضاء المميزين بالمنتدى حتى اقدر أتواصل معاهم بإستمرار وما يملون من أستفساراتي

تقبلوا تحياتي أختكم هاجر

السلام عليكم,
اختي ردي عليج الحين ترا مافيه من الطنازه وكله جد

اختي لو تشتريلج قحافي حالياً وتبيعينها تربحين اكثر من السوق, ولو تشترين دلاغات وتبيعينها تربحين اكثر من السوق

معنى كلامي, ان السوق حالياً المجازفه فيه كبيره, اشتغلي بفلوسج على الشغلات البسيطه وزيدي رأس مالج قبل الدخول إلى السوق
لأن 3700 ماتأهلج إلا تكونين شي واحد من الأثنين, إما مضاربه أو مستثمره
إذا مضاربه, لازم تحطين فلوس للتبريد, وانت المبلغ الي عندج مايكفي ان يبرد على سهم اذا لا سمح الله خسرتي
صبري شوي على الإقل إلى ان يعطي السوق بداية دخول, واتوقع مو قبل بداية السنه اليايه
 

وين المليون

عضو نشط
التسجيل
3 يناير 2009
المشاركات
770
الإقامة
الكويت
أنا بقلك رأيي في أسهم راح تنزل إلى 30 فلس :eek: أشتريلك 80000 ألف سهم بسعر 2400 دينار وخشي الباجي حق إعيالك أبرك :confused:لأن سوقنا مله أمان ويمكن يكون الأمان بهذا السعر :cool:. وسلامتك وتعيشين وتشوفين هذي الأسعار .
 

سرور

عضو نشط
التسجيل
11 أغسطس 2009
المشاركات
6,904
3700 دينار مبلغ جدا ممتاز . بس اذا وصلت البورصة القاع وشريتي وبعدها ترتفع الأسهم والأسهم كلها صاعدة راح تصير فلوسج أكثر من 10000دينار . بس السؤال اللي محيرني ومحير أكبر المحللين وين القاع 0
 

بوعدول

عضو نشط
التسجيل
22 ديسمبر 2005
المشاركات
927
الإقامة
منتهيه
نصيحتي لج اختي خشي فلوسج بجيبج احسن لج
او اصرفيهم على نفسج
لأن بالحالتين انتي ماراح تستفيدين منهم شي ,, بس اذا شريتي حق نفسج ,, على الاقل متعتي نفسج بفلوسج

صدقيني موقاعد اتطنز ,, وذا تبين اثبات على كلامي ,, دشي على مواضيع الشركات الي بالمنتدى ,, وشوفي طوال الشوارب شلون قاعد يتحلطمون من السوق
الارزاق بيد رب العالمين , ولكن البورصه تحتاج مخ كبير وناس محترفه ,, وللأسف اغلب الي داشين البورصه ناس ماعندها اي خلفيه او قواعد اساسيه عن كيفية التعامل مع السوق ,, وانا منهم طبعا
ادري طولت عليج وكسرت مجاديفج ,, ولكن هذا الصج
 

Legal

عضو نشط
التسجيل
1 سبتمبر 2009
المشاركات
2,369
بصراحة انا مستغرب من اخوان الي يقولون خشي فلوسج ؟؟؟؟



الي قاعد تنصح بان تخش فلوسها ليش ماخشيت فلوسك ؟؟؟


اختي هاجر اخذيها نصيحه لا تندفعين للشراء في الوقت الحالي انتظري لما ينزل السوق ويصل المؤشر السعري الى 7070 او 6940 او 6800 ومن ثم اشتري سهم تشغيلي 100% وانصحج بان تشترين سهم دانه ( على اسم بنتي ) ويفضل شراء لما يصل الى سعر 90 فلس او 85 فلس .

وان شاء الله راح تبيعنها بعد سنة اذا الله احيانا بضعف راسمالج .

ولا تنسين قبل الشراء بان تقولي بسم الله وتوكلت على الله ولا حول ولا قوه الا بالله .


موفقه ان شاء الله
 

yahoo77

عضو نشط
التسجيل
19 أغسطس 2009
المشاركات
195
انا شخصيا ابي اعطيج زبده الكلام اللي تبينه
اخذيلج اسهم :
هيتس تيليكوم
المدينة
جلوبل
جيزان
علي قد فلوسج ويسوولج صفقه وحاليا اسعارهم نازله وراح يرتفعون انشاء الله
والله اعلم
 

ريكاندو

عضو نشط
التسجيل
20 أبريل 2009
المشاركات
2,847
ديريبالج من المدينة لانه صااعد 3 ايام وا بعض وراح يجني ارباح
ونطري المدينة لمن ينزل واخذيه سهم ما يتطووف
 

AL-mutairi

عضو نشط
التسجيل
4 سبتمبر 2007
المشاركات
846
الإقامة
حاره كل من أيدو إيلو !!
هاجر

السوق مو زين الحين

نصيحه لا تدخلين و بالنسبه للمبلغ فهو بسيط جدًا

و يا ليت تراقبين السوق فتره طويله مع الاستعانه بالمحللين و وقتها من يتعدل السوق لكل حادث سياره :)
 

sam2

عضو نشط
التسجيل
1 مارس 2006
المشاركات
1,086
الإقامة
الكويت
صبري لما تشوفين مؤشر السوق ارتفع فوق 8438 فترة اسبوع عالأقل وبعدها فكري تدخلين السوق وأي سهم تشترين ...

أما غير هالكلام إنتي راح تجازفين مجازفه كبيره لأنج راح تدخلين بسوق خسران
 

اوكي

عضو نشط
التسجيل
20 سبتمبر 2008
المشاركات
325
الإقامة
الكويت بلد الخير
والله انا انصحك تخلين الكاش عندج وتوخرين عن السوق
بالوقت الحالى سوق الحمام افضل من سوقنا
 

هاجر 79

عضو نشط
التسجيل
28 أكتوبر 2009
المشاركات
17
الإقامة
الكويت
السلام عليكم
أسعد الله صباحكم
كل الشكر والتقدير لكل من أخذ من وقته لكتابة خبرته وما بخل علي بشيء سواء عالعام أو عالخاص بصراحة بيض الله وجيهكم
بالنسبة للمبلغ انا داشه بجزء بسيط من اللي عندي لأني بصراحة ما أبي أغامر بالمبلغ كله بس هذا في البداية ومتى ما تمرست وفهمت البورصة والتحليل مثل ما قالوا بعض الإخوان بأزيدهم ان شاء الله
وبالنسبة للبعض ذكر احسن أتاجر فيهم (قحافي ....وغيرها) انا جربت التجارة وما زلت فيها وورثتها من الوالد الله يطول بعمره بس غيرت مجال تجارتي عن تجارته (شغلات نسائية) بس والله تعب متابعتها تهد الحيل وحساباتها ،إلا إذا الله رزقك بمحاسب بن حلال ومو طماع وإلا أنا ما أقصر بالموظفين عندي بس بعضهم طماع
انا بأنتظر اسبوع مثل ما ذكروا بعض اخواني وبعدها بأسألكم عن الوقت المناسب للدخول
انزين فترة هالاسبوع في برامج معينة أقدر انزلها واتدرب عليها يا ريت تفيدوني
مرة ثانية أشكر تفاعلكم العطر
 

Desprado

عضو نشط
التسجيل
26 أكتوبر 2009
المشاركات
10
- 3700 دينار تستاهل أدش فيهم او أزيدهم أو أقل ؟
تستاهل وما عليها اي مشكلة

- شنو الشركات اللي تنصحوني أشتري فيها أسهم ؟ومتى بالضبط أشتري ؟

قبل لا تشترين تابعي الاسهم القيادية والواعدة ( بيتك - زين - اجيليتي الوطني الخ ) وجربي تشترين فرضيا وشوفي روحج تكسبين تخسرين ومع الوقت والبحث والتركيز بالمنتدى راح تعرفين الاسهم الممتازة واوقات الشراء والبيع
 

altheeeeb

عضو نشط
التسجيل
11 سبتمبر 2009
المشاركات
134
السلام عليكم
أسعد الله صباحكم
كل الشكر والتقدير لكل من أخذ من وقته لكتابة خبرته وما بخل علي بشيء سواء عالعام أو عالخاص بصراحة بيض الله وجيهكم
مرة ثانية أشكر تفاعلكم العطر


ما شاء الله الشباب خير وبركة :cool:

في بنت صار لها بنجر على طريج المغرب السريع مقابل حولي :rolleyes:
همتكم ياشباب
:rolleyes:
 
أعلى