5 مليار دينار = 15 مليار دولار ....
الحين صار المبلغ تافه !! وين العجز الاكتوراي والاحفورى وسبحان الله يطلعون بمسميات غريبة عجيبة لمصلحتهم .....
وشوف التدليس على الناس واستغلال العواطف يقول الخرافي والتجار ليسوا بيغن وغولدامائير ويهود !!!
منو قال عنهم هالكلام ...بالعكس تجار ويتحملون مسؤولية تصرفاتهم وأعمالهم حالهم حال المواطنين ...
شنو أستفيد أنا كمواطن عادى إذا الخرافي وصلت ثروته الف مليار وشركاته نجحت ؟ لاشي بصراحة لأن المستفيد مصر ولبنان وغيرهم يوظفهم ويفتح مصانع لهم وحتى بالكويت نفسها أكثر عمالته منهم ..
بالنسبة للكويت مشكور مشاريعك عرفناها إستاد جابر الدولى اللى راح يخلص سنة 2100 يمكن ...
ومحطة مشرف عطرت الكويت ماشاء الله .....
يقول لك يخدمون البلد ويرفعون الناتج القومى .. اقول كثر منها وعطنى مناقصاتهم وتسهيلاتهم وابشر برفع الناتج القومى ....
النفط فقط بعد الله هو من يرفع الناتج القومي .......
مظلوم المواطن ينظر له نظرة الشك والريبة فى كل وقت ومتهم فى كل الاحوال ,,
فهو عالة يشرب شاي وقهوة بس ومايرفع الناتج القومي وياخذ قروض ويسافر وياعياله ويضيع الفلوس وكل شينة فيه ...
مع ان المسكين لم يطالب الا بإسقاط فوائد القروض وسيسدد قرضه بالكامل يعنى ماتخسر الحكومة شي ..
وسندغدغ المشاعر مثلك يالجارالله فالمواطنون ليسوا مستوطنين يهود وانا لست عاميرا بن يخشع بن سحنون ....
ولكن
عين الرضا عن كل عيب كليلة ...... وعين السخط تبدي لك المساوءا
