استفسار عن الشروكي

[راعي البلها]

شنو اعيوب الشروكي

 

[فودري]

الشروكي حلو ومال دق والله .. بس اذا داومت على تيشيش الراديتر كل سنه .... لان تدري هذا دوج والدوج مشكلته الحراره ...

 

[bou_yousif]

عزيزي أنا عندي جيبين شيروكي هم ممتازين و فعلا هافي ديوتي لكن العله في كراجهم التعبان !!! حراميه و نصابين و عليمية تصليح و المشكله الاكبر كل يوم و الثاني يقول انطر اسبوع على ما تجي هذي القطعه اذا كانت بدبي أما اذا كانت مو موجوده فخل السياره واقفه أسبوعين على ما يجيبون القطعه من أمريكا لا و النفس شينه بعد !!! + أن كثير من القطع ما تحصلها حتى بالشركات الثانيه مثل الاهليه و غيرها .....

أيضا الشروكي ثقيل اذا ما كان 8 سلندر و يحن و الجير لك عليه نوعا ما بعد ال 80 ألف تطلع فيه خرابات حتى لو كنت مسويله سيرفس طول الوقت بالوكاله !!!

و نصيحه نصيحه لوجه الله تعالى أبعدددددددددددددددددددد أخوي عن الشيروكيات اللي يجيبونها المحلات من أمريكا حتى لو تفحصها و تلقاها نظيفه , لأن ما خفي كان اعظم يوم راديتير و يوم بطاريه و يوم معاونات و يوم طرمبه و الله لا تطلع عينك بالخرابات و يالله تعال دور قطع و ادفع @!!!!!!!!!!!!!!!!!

هذا من واقع تجربه و نسمع اراء ثانيه .

دمت بخير

بو يوسف​

 

[فودري]

اكيد اخوي اهل المكاتب كلهم شريطيه وحراميه يقعدون يرهمون لك بالسياره واهمه عارفين ان بالفحص ترهيمهم ماراح بيبن وبعد فتره من الأستعمال تبين الخرابات وبعدين بصراحه الشروكي العادي 6 سلندر سبورت ولا كلاسيك احسن من الجراند شروكي مليون مره من ناحية الخرابات والأستعمال وصرف البانزين ... وتقبل مروري

 

[h-007]

الشروكي السبورت اوكي استعماله حلو من 2001 وتحت وااااااااااااايد حلو وقطعه رخيصه اما الجراند وخر عنه