استخدام بي ام دبليو الفئه السابعه

[560SEL]

السلام عليكم
شباب كيف استخدام البي ام حجم 735 و 740 و745 من موديل 2002 الى 2005 واهم شي المحركات والقير واير ليس هل له مشاكل او خرابات
وكيف صيانته وقطع الغيار
شنهو افضل موديل وكيف اسعارهم

 

[abuahmad58]

افضل الموديلات 2004 وطالع 2002/2003 كان وايد فيهم مشاكل
يالنسبه للحجم 40 افضلهم

قطع الهيار غاليه نسبيا بس مثل اي الماني
عيب السياره ان وايد فيها كمبيوترات واذا تعطل واحد يخرب علي الباجي

والبتوفيق

 

[560SEL]

بس عصا القير فيها مشاكل
وقطع غياره مثل المرسيدس ولا اغلى
وبالنسبة للكمبيوترات في شي معروف انه يخرب ولا حسب الاستخدام او العمر

 

[بو عبدالرحمن22]

يعطيك العافيه اخوي
انا ودي اشارك بالموضوع وانشالله اقدر افيدك
انا عندي 745li 2004 ومن نفس السنه شريته وللحين عندي ولحد يقولك خرابات ولا كمبيوتر
ترى الموتر استعمال ولا احلى بس العلامات تشب من فتره لى فتره ولازم تسويلها ريستارت عندي اي كهربائي ويكلف 5 دنانير وبالنسبه لى قطع الغيار ترى عاديه نفس اي الماني
وفي شغله صارتلى مره وحده بس يقولون وايد تختر وهي المعاونات لانها هايدرولك
وسلامتك واشتر وانت مطمن ويفضل 2004 او2005 واخذ حجم 745

 

[560SEL]

يعني اتوكل على الله والقطع مو غاليه حيل يعني مثل المرسيدس لأني انا استخدم مرسيدس وتعود اقل سيرفس من 250 الى 350 دينار من الدعاميه للدعاميه
وبالنسبه للقير بالسكان انا سمعت يقولون واير لس للموديلات الجديده بس الموديل القديم ماني متأكد وياليت اللي يعرف يفيدنا
وبالنسبه للاستخدام انا موتري ما احد يستخدمه غيري واحشمه وبالنسبه للريسيت اشتري جهاز وانا اسويه بنفسي

 

[الحريه وطن]

موتر كد ومد

واحد جفد المكينه ماتعدت 600دك

سعر مقبول

 

[560SEL]

والله صراحه حمستوني من ردودكم والظاهر نتوكل وندور واحد نظيف
بس لو موديله 2002 فيه مشاكل ولا كويس

 

[الوالي@]

الصراحة خوش موتر استعمال

 

[ابو سالم1]

اخوى انا استعملت 2002 حجم 45li
اخوى الموتر ماعلية كلام بس اهم شى يكون الموتر نظيف يعنى ماحاشة حادث لا سمح الله اهم شى يكون صبغ الوكالة اذا قالك صبغ تجميلى قولة فمان الله السيارات واجد بتحصل صبغ الوكالة واجد
اتعب على الموتر النظيف الخربات مافية خربات الا شغلات استهلاكية قطع الغيار غالية الايدى العاملة الى تشتغل فية دايم يطلب اجر غالى
الموتر حساس اهم شى اذا حصلت موتر نظيف وانت محافظ علية لاتحاتى
واحد من الربع اخترب عندة الكمبريسر كلفة تبديل مع اجر الايد 220 دينار طبعا كمبريسر مستعمل

الموتر قمة بالفخامة والراحة.

ملاحظة مهمة جدا جدا جدا
اخوى المواتر هذى فيها غش تجارى مثال تحصل موتر حجم 35 مواصفات 45
واجد في منهم بالسوق وتحصل علية حاط علامات 45 وبدفتر مكتوب 45 بس الصحيح هو حجم 35 وليس 45
شوف باب السايق على الجنب تحصل طبعة المصنع هو يعطيك الحجم الحقيقي اذا حصلت العلامة غير موجودة روح افحصلة بالوكيل قول هل هو 45 او 35
مثل ماقلتلك تحصل مواصفات 45 حتى بالدفتر مكتوب الحجم 45
هذى السيارات الى فيها غش اكثرها هى وكالة الامارات و الخليج
انصحك اشتر السيارة وكالة الغانم وتاكد انها وكالة الغانم يعنى روح للغانم وعطهم الدفتر قولهم هذى الغانم او لا ماراح تخسر شى .

اسسف على الاطالة .

 

[560SEL]

الله يجزاكم خير ويبيض وجوهكم وماقصرتو واللي عنده شي ياليت ينفعنا وينفع الاعضاء

 

[heart]

اخوي انا استعملت 735 موديل2002 موتر ملك ماصار عندي اي خراب ولله الحمد

والحين عندي 2006 740 وعلى فكره مادري اذا معلوماتي غلط بس مافي 740 من موديل 2002

الى موديل 2005
في 30 سته سلندر وفي 35 و45 ثمانيه سلندر ال35 سعه المحرك 3.5 وال45 سعه المحرك4.5

اذا ماني غلطان مانزل ال40 الى موديل ال2006 وانت طالع

بالاضافه الى ال740
القديم من 95 الى ال2001 اتعب على 735 بس مثل ماذكرو الاخوان لايكون مكروف وعلى فكره

البي ام عقب ال100 الف كيلو يطلع صوت بالمكينه اسمه الفاينوس جنه طقطقه صباب كل مكاين

البي ام فيها هالعيب حتى الرنج روفر لانه مكينته بي ام تصليحه تقريبا يوصل ال300 دينار عشان

يروح الصوت ويقولون لك انه صوت طبيعي بس مع الوقت يضايقك ويزيد وسلامتك

 

[560SEL]

الله يسلمك وما قصرت