شنو الحل مع ازعاج الرسائل ؟

[مساهم11]

ازعجتني شركه تدعي الدار
تقريبا كل كم ساعه رساله وبعض المرات كمية رسائل
انا منزعج جدا من هذي الشركه
شنو الحل يا جماعه والله ازعجتني بشكل لا يطاق



هل فيه حل
هل استطيع الشكوي علي هذي الشركه

المشكله اني ما اعرف لهم عنوان او حتي تلفون

 

[الهمس الخجول]

ممكن تتصل على شركه الأتصالات وتبلغهم وأكيد بتلاقي حل !!

 

[مساهم11]

اتصلت عليهم اختي
قالوا هذيلا شركات خاصه مالنا دخل فيهم

 

[الهمس الخجول]

طيب عن طريق الأعلان بتعرف شو هالشركه وبعدها روح لعندهم وقول بس خلاص غثيتوتنا ماصارت اعلانات !!

 

[دنياء غريبه]

والله مدري شنو الحــــــل

بس دخلت علشان اقولك

(الحمـــــــــدالله على سلامتك )

فتقدنك اخي مساهم11​

 

[abdullah6868]

على الاقل احسن من التلفون البريطاني
شريته علشان اوربا وامريكا وكندا -- وابتلشت فيهم وفي ولدي فيصل
والله ما يسكت 24 ساعه اتصال واللى يكلمك مسج الكتروني -- تم افتتاح محل -- تم افتتاح كراج تم افتتاح بلاوي
واللى يرد عليهم ولدي 3 سنوات الله يخليه فيصل يسولف معاهم ابو راح للدوام امي قاعده اخواني بالمدرسه ميري خدامتنا تطبخ السايق راح يجيب خبز

 

[مساهم11]

الهمس شكرا لتعاونك

دنيا غريبه
انا موجود طال عمرك
ولكن ما فيه مزاج للمشاركه
عسي عمرك طويل

عبدالله
الله يخلي لك فيصل

 

[العاشق]

اخوي مساهم

انا مره صار معاي نفس الموقف ودقيت على زين وشديت معاهم بالحجي وعقبها وقفت الرسايل الاعلانيه
واعتقد تقدر تسوي حضر الرسايل الاعلانيه عن طريق جهازك

 

[مساهم11]

اخوي اعاشق
فيه فرق بين الرسائل الاعلانيه المختلفه
وبين شركه وحده ترسل لك كل يوم عدد من الرسائل بعضها باوقات الراحه والنوم
والمشكله مو من الوطنيه او زين
الي حاصل ان الشركه حصلت علي الرقم بطريقة ما ودونته عندها ضمن القروب الي ترسل له



عموما الف شكر لك لردك واهتمامك